الدنيا ممر!!!

[حسين البقعاوي]

بسم الله الرحمن الرحيم

السلام عليكم ورحمة الله وبركاته،

هذه قصيدة جديدة لي، أحببت أن أشارككم فيها، أتمنى أن ترقى وتروق لذائقتكم


تضحك لي الدنيا وأنا فيها جهول = واللي بخصها يعترف لك بالجهل
أكبر واحسب العمر لو زاد بيطول = لكن رحاها تطحـن العمـر بعـجل
من هو نزل فيها ولو طال النزول = لابـد مـن يـومٍ يـقـال انـه رحـل
أقفت واتابعها وانا كلي فضـول = واللي تبعها ما لقى فيها فـضـل
إن أقبلت تقبل كما حصانٍ عجول = وإن أدبرت تدبر مثل ظبيٍ جفل
تعطيك من حلياه إلى حد الثمول = وإن جرعتك المر، نسّتك العسل
إن طاعتك، شالت لك حمول الذلول = وإن طعتها، تب ترتكي لك بالحمل
نوبٍ على الصعبة توردك الحلول = ونوبٍ وهي سهلات والله ما تحل
يا بـاني الدنيا ترى الدنيا تـزول = واللي بيبقى عقبها طيب العمل
واللي بعث للناس بمحمد رسول = لو هي تدوم إن كان دامت للرسل
فاغنم سنينك واسأل الله القبول = ما تنفع التوبـة اذا حـان الأجـل


27July 2015
#حسين_البقعاوي
تويتر : HussainAlBagawi@ (https://twitter.com/HussainAlBagawi)

[ابو طارق الشمري]

يــــــا بـــانـــي الــدنــيـــا تـــــــرى الــدنــيـــا تـــــــزول=والـــلـــي بـيـبــقــى عـقــبــهــا طـــيــــب الــعــمـــل
والــلـــي بــعـــث لـلــنــاس بـمـحــمــد رســــــول=لــو هــي تــدوم إن كــان دامـــت لـلـرسـل
فــاغـــنـــم ســنــيــنـــك واســـــــــأل الله الـــقـــبـــول=ـــــــا تــنــفـــع الــتـــوبـــة اذا حــــــــان الأجــــــــل

صدقت ياحسين وصح لسآنك ملاااايييين ولافض فوووك
أسأل الله تعالى أن يحسن لنا ولك الخاتمة وجميع المسلمين
تقبل تحياتي لاعــــــــدمنا وجووودك.