الهذيــــــــــلي مطلوب........

[ابن شلواح]

عند ربع ٍ تحتمي ماقفها....ربعي العتباني
ياسلام الله وقوم الطيبي .... دوم في ماقفها

الهذيلي قصته نعرفها ....فالزمان الفاني
لايجر الصوت قدم عتيبي.... قصته نعرفها

[مرزوق حمدان العتيبي]

بن شلواح
مبدا رائع وحنا في انتظار ماجد الهذلي
وكلنا ثقه بأننا سوف نرى محاوره رائعه في كل شي

اخوكم....

[ابن شلواح]

ياهلا والله ومرحبا أخوي مرزوق
والروعه لن تكتمل ألا بوجودك فمرحبابك يالغالي

[ماجد الهذلي]

هاتها يا صاحبي و أحرفها = وأنته الخسراني
مرحبا وأزيد فالترحيبي = والخصم يحرفها

من يولفها يبا يولفها = ما أقبل البهتاني
راسك اللي ممتلي بالشيبي = صبغته ولفها

[ابن شلواح]

الله الله
المعاني ياولد صرفها .... وأبدع القيفاني
أنت جني مار جالك ذيبي ... كيف بتصرفها

دمعة عيونك تبا تذرفها.... كان سرك باني
وأن قريت اللي معي في جيبي...دمعتك تذرفها

[مرزوق حمدان العتيبي]

الله الله...
ابداع غير مستغرب من ابن شلواح والهذلي..
واصلووووا.

[ماجد الهذلي]

الله الله


المعاتي بالهدف نهدفها = وأقفل البيباني
وصف صح ووصف جاء مخطيبي = والوصوف أهدفها

حمّل جيوبك ولا تخففها= والثقل ميزاني
أنته جروحك تحت تطبيبي = والدوى خففها

[ماجد الهذلي]

مرزوووق العتيبي

وجودك وتعليقك هو الإبداء

تحياااتي

[ابن شلواح]

الذلول اللي طرحت عاسفها ... تضرب الجيلاني
جاهل ٍ ماله ومال الشيبي .... ماعرف يعسفها

انته ارموشك نبا ننتفها...كان هرجك شاني
والردا بين النشاما عيبي ...شجرته ننتفها

[فراج القرقاح]

ياسلاااااااااام .... هنا الابدااع ..

ابن شلواح×ماجد الهذلي ...

لابد من المتااابعه ... وبشغف ....

متااااابع وفي صفك ياماجد ...ولا يهون ابن شلواااااح ...

[ماجد الهذلي]

الصعوب موسمه وأرهفها = والمعز والضاني
يسرح الراعي بها فــ شعيبي = الصعوب أرهفها


كم قوم ٍ بالخطر نلحفها= وأنشدوا من جاني
الوفا مالي عنه تجنيبي = والعلوم ألحفها

[ابن شلواح]

الحقيقه ياعميلي شفها...كان معك أعياني
من جحد فعل الرجال يخيبي ... والوثايق شفها

ربعنا رب الملا شرفها...وأنشد الشيباني
مانجي فالشك وألا الريبي ...فعلها شرفهاملاحظه:طبعا المقصود بالشيباني يعني (كبار السن )وليس عيال عمنا الشيابين للتوضيح وشكراا

[ابن شلواح]

الداهيه وجودك مكسب سواء في صفي او في صف ماجد
مرحبابك يالغالي

[ماجد الهذلي]

كل نفس ٍ موتها موقفها = والهدف مجاني
دام ندري بك ولا تدريبي = حجتك موقفها


يدك وشبك قمت لي ترقفها= سم بالرحماني
كل جني ٍ وله تعذيبي =يدك لا ترقفها

[ابن شلواح]

كل نفس ٍفعلها يردفها ... شان وألا زاني
وأنت لاتخطي تصير صحيبي ... والجزال أردفها

وأنت رجلك ليه لي تعطفها... ألعن الشيطاني
كل مجنون ٍ واله تأديبي ... مير لاتعطفها

[ماجد الهذلي]

نفسك اللي خوفها مخلفها = ما نبا الألواني
ما . خطيت إكان لك قليبي= خوفها مخلفها

لي حظ وحظي محالفها = يقلب الميداني
من يركب لك عقل تركيبي = حظي محالفها

[ابن شلواح]

يالهذيلي كسرتك عايفها ...مار لاتحداني
وأنت صاحب مانباك تعيبي ...كسرتك عايفها

غلطتين الكم وأبا أطوفها ... عقبها تلقاني
واقف ٍ لك بالقنا يالهيبي .... حرم ماأطوفها

[مرزوق حمدان العتيبي]

...
محاوره ممتعه ورائعه..
ابن شلواح اعجاب ماله حدود من غير قصور في ماجد :)

[ماجد الهذلي]

المصارف عندنا مصرفها = مير وقتك حاني
ما تصيب ولا تعرف تصيبي= عندنا مصرفها

العلوم الصاحيه غطرفها = وأقرب الصيواني
والشِراب اللي بيا تشريبي= غطرفه غطرفها

[فيصل شبيب]

الليل طاااروق ممتع وبيض الله وجيهكم

متابع معاكم

كباار والاهداف مبنيه يا شعاااار

[ابن شلواح]

المعازف معي لاتعزفها ...ياراع الألحاني
مالحقنا شك وألا ريبي ...لوتبا تعزفها

يدك لو مديتها ننصفها ...في يدي شاماني
طوٌلت مابين ود وجيبي...فالختام انصفها

أخوي ماجد الهذيلي لاهنت واعذرنا على مابدر منا ولقد سعدت بهذا الطاروق وأتمنى ان نكون أفدنا وأستفدنا


تحياتي
أخوكم ابن شلواح

[ماجد الهذلي]

ما بدر منك إلا كل خير

وأنا أسعد باللعب معك يا ابن شلواح

والقلوب نضاف

تحياااتي