ياملكنا ترانا دون مكه فدى

[مطلق الصماح]

ياملكنا ترانا دون مكه فدى
دون شبه الجزيره مرخصين العمار
حربتن من يمينك في نحور العدى
حافظين العهود وحافظين الجوار
يعلم اللي من المجوس يبغى جدى
مالقى من مجوسه كود خذلن وعار
يوم شب السعاير سيدهم مابدى
سيدهم قام يرغي والردي وسط غار
خلها فوق راسه بالحمم ترعدى
وشبها فوق راسه يحمر العين نار
الجمايل بشخصه مالهن صدى
ماله اﻻ يشوف الموت يهل القرار
يعرف انا هل التوحيد سم العدى
وكلمة الحق تبقى في علمنا شعار
نصر وﻻ شهادة لو يطول المدى
دون وحده من الثنتين ماش اختيار
ﻻومرنا ملكنا مانطقنا بدى
بأمر سلمان نمشي ليل وﻻنهار
جارنا مايظام وحقنا ماغدى
حافظينه بفعل (ن) اوضح من النهار
شعر مطلق العصيمي

[مطلق الحليفي]

صح لسانك يا مطلق العصيمي
ويعطيك العافيه

[مطلق الصماح]

صح بدنك يالغالي

[احمد حامد الزايدي]

صح السانك وبيض الله وجهك على القصيده الجزله

[حفيد المسنحاني]

صح الله لسانك يامطلق والله يحفظ بلدنا وقيادتنا من كل شر وابياتك جزله
مع اجمل تحيه