المساعد الشخصي الرقمي

مشاهدة النسخة كاملة : في منتدى عتيبه .. العز والهيبه ... " يا ناصر الفهد " ؟؟؟

المسرّي
07-Aug-2005, 10:16 PM
ناصر الفهد استلم ولا تهون .........



سلام لأهل الوفا في منتدى عتيبه
اللي جمعنا على الناموس والهيبه
يا طيبه وكل رجل يقول يا طيبه
والحق يمضي سواة السيف شاماني


منتدىٍ ضَم المعزه والكرامه=يوم ناصر لاقي العزه فغيره
التهامي وش جراله في تهامه=لين صار يشد من ديره لديره
ناصر الفهد
07-Aug-2005, 10:23 PM
الله يحييــــــــــك

وتدري إني معــك دايم

لكني موقف عن اللعب من عقب طاروق فرعون والإيداء

إلا كانك معزم .. أبلعب علشانك
أحمد المالكي
07-Aug-2005, 10:27 PM
بدايه موفقه


والظاهر ان الاخ ناصر مشغول كثيرا ..

على العموم بالتوفيق للاثنين
المسرّي
07-Aug-2005, 10:44 PM
ناصر الفهد

ما يحدث في المحاوره يجب ان لايخرج عن اطارها
نحن عندما نلعب نكون كأننا في ملعبه ينتهي كل شي بخروجنا منها
ومحاورات الاعضاء يجب ان لا تؤثرعلى الجو العام للمحاوره

وكلنا اخوااااااااااان من كل القبايل
والأمر لك

الموال والابيات امامك

وعلى راحتك طال عمررك
مرزوق حمدان العتيبي
07-Aug-2005, 10:55 PM
الله الله على
الابداع
واصلوا والمحاوره مستمره
ناصر الفهد
07-Aug-2005, 11:00 PM
الله يحدك على الزيــــــن

والله يغفر لي


يا مرحبا يا المسري عندنا غالي
في منتدى العزوه اللي صيتهم عالي
أنا أشهدني معاهم ماني لحالي

والحق يمضـي سواة السيف شاماني



منتدىً فيه الشكاله والشهامه=يوم ناصر عارفٍ شره وخيره

يا تهامه فوق راسه كالعمامه=لو يسافر عارفٍ وشهو مصيره
المسرّي
07-Aug-2005, 11:12 PM
احمد المالكي

شرفتنا بمرورك الله يحييك
المسرّي
07-Aug-2005, 11:14 PM
مرزوق العتيبي

مرحبا هيل

الله يحيييك

من طوّل الغيبات جاب الغنايم

منور المتصفح بمرورك
المسرّي
07-Aug-2005, 11:27 PM
الله يغفر للجميع
وعلى هوااااااااااك


ان كنت منهم فنعم بعزوة الفخرا
وان كنت من غيرهم مااليّن الصخرا
لكن وش اللي حصل فالحلّه الاخرى
والحق يمضي سواة السيف شاماني


الرجل متهوم ما برّى اتّهامه=حاصلٍ له مشكله ماهي صغيره
لو عليه نطبّق الليله كلامه=كان في الميقاف ما درهم بعيره
((الدلبحي))
07-Aug-2005, 11:31 PM
سجلوا اعجابي

محاوره جيده

تحيااااااااااااااااااااتي
مرزوق حمدان العتيبي
07-Aug-2005, 11:41 PM
الله الله
ناصر والمسرّي
والابداع المتجدد
المسري
مشكور يالغالي على هالمشاعر
وجينا لكم والشوق يدفعنا لرؤيا حروفكم..
كل الود
ناصر الفهد
08-Aug-2005, 12:15 AM
أنا عزاتي من المشرق ليا المغرب
عزٍ وهيبه وذكرى تسمع وتطرب
صافي النسب وأنت مثلي صافي المشرب

والحق يمضي سواة السيف شاماني


لا تدخل ف العرب يابو دلامه=كم صغيره ولعت صارت كبيره

ما نبا غير السلامه يا سلامه=وانت خلك مستشارٍ وأستشيره
الايداء1
08-Aug-2005, 01:58 AM
اتمنى الابتعاد كل البعد
عن التدخلات الغير مسموحه

واعطاء المحاورات حجمها الحقيقي...


الاداره...........
المسرّي
08-Aug-2005, 09:38 AM
حنا ترى ما نبي العربان نظلمها
وانته تهرّب وانا خطواتك اعلمها
مير انتبه للفزوع وروحك اغنمها
والحق يمضي سواة السيف شاماني


ما عليّه يوم اوضّحكم ملامه=ياسكرتيرٍ كشف علمه مديره
البعير اللي شروره من سنامه=ما يضل الدرب لوّ انّي شويره
ناصر الفهد
08-Aug-2005, 10:19 AM
حنا ترى ما نبي العربان نظلمها
وانته تهرّب وانا خطواتك اعلمها
مير انتبه للفزوع وروحك اغنمها
والحق يمضي سواة السيف شاماني


ما عليّه يوم اوضّحكم ملامه=ياسكرتيرٍ كشف علمه مديره
البعير اللي شروره من سنامه=ما يضل الدرب لوّ انّي شويره

يا إبن العـرب لا تخلي الدعوى شخصيه
محدٍ نشدكم عن امورٍ خصوصيه
عاين صحيبك توصى وماله أوصيه

والحق يمضي سواة السيف شاماني


في جبين الحق ما عاينت شامه .... يا مدير الدايره والمستديره

البعير اللي مسكته من خطامه .... لا نويته بالشقى ما شاف خيره
مرزوق حمدان العتيبي
08-Aug-2005, 12:27 PM
...
الاخوه الشعراء
والاعضاء
من الملاحظ في الاونه الاخيره
كثرة المناوشات والعبارات الغير لائقه بمنتدى الهيلا
والتي ليس لها علاقه بأهداف المنتدى ومضمون شعر المحاوره الحقيقي
وسوف يكون لنا وقفه صارمه امام مثل هذه التدخلات وسنضع امامها الضوء الاحمر
اتمنى من المتابعين للمحاوره التقيد بذلك ..
كما انه يتطلب على الشاعرين المتحاورين عدم الانسياق ورى هذه التدخلات
لان الاداره سوف تكون متابعه وسيكون لها الدور في ذلك...
كل الود....
ناصر الفهد
08-Aug-2005, 12:45 PM
...
الاخوه الشعراء
والاعضاء
من الملاحظ في الاونه الاخيره
كثرة المناوشات والعبارات الغير لائقه بمنتدى الهيلا
والتي ليس لها علاقه بأهداف المنتدى ومضمون شعر المحاوره الحقيقي
وسوف يكون لنا وقفه صارمه امام مثل هذه التدخلات وسنضع امامها الضوء الاحمر
اتمنى من المتابعين للمحاوره التقيد بذلك ..
كما انه يتطلب على الشاعرين المتحاورين عدم الانسياق ورى هذه التدخلات
لان الاداره سوف تكون متابعه وسيكون لها الدور في ذلك...
كل الود....

يا ليـت ... وأتمنـى متابعة هذا الموضوع بالذات وتقول رأيك

واللـي ما يقبـل برأي الآخـرين محقوق

ما رأيك بكلام الأيداء1 في مداخلته في هذا المتصفح(1)

والتحدث بإسم الإداره ( وماهي التدخلات الغير مسموح بها ) ؟؟؟

شخصيا لم أفهم من كلامه أي شئ .

إنظر كلامه :

اتمنى الابتعاد كل البعد
عن التدخلات الغير مسموحه

واعطاء المحاورات حجمها الحقيقي...


الاداره...........
فراج القرقاح
08-Aug-2005, 03:36 PM
تسجيل حضور متاخر ... ولكن مافات الا الشر ...

واصلوووووووا لاهنتوا ...