تعال يامطلق عساك العافيه

[صامل العصيمي]

مرحبا ترحيب ماينصك بابه
لو مع الساحل تساونّ الجبالي

مطلق الحبّوب متعبني غيابه
ناسي انه كان عايش من حلالي

[مطلق الثبيتي+]

البقا يا اللي مخبى في حجابه
عد ما هبت هبوب ن فالشمالي

مطلق الحبوب يطعمكم زهابه
حول ثم يزيدكم صفر الجمالي

[صامل العصيمي]

البقا يا اللي مخبى في حجابه
عد ما هبت هبوب ن فالشمالي

مطلق الحبوب يطعمكم زهابه
حول ثم يزيدكم صفر الجمالي

بعد بكره فوقك نهد الخرابه
وان حييت اعقل رجولك بالعقالي

مامليت البقشه الا من شرابه
جعلها فدوه علشان انت غالي

[مطلق الثبيتي+]

بعد بكره فوقك نهد الخرابه
وان حييت اعقل رجولك بالعقالي

مامليت البقشه الا من شرابه
جعلها فدوه علشان انت غالي


العصيمي كل ما دقيت بابه
صك الباب وانكر انه ابن خالي

لا تعشى من عشا شهب الذيابة
ما انت زير ولا انت بو زيد الهلالي

[صامل العصيمي]

العصيمي كل ما دقيت بابه
صك بابه وانكر انه ابن خالي

لا تعشى من عشا شهب الذيابة
ما انت زير ولا انت بو زيد الهلالي

العصيمي بالفعل طال السحابه
حلته ماتستضيف الا الرجالي

الهلالي مات انا فارس عتابه
وفارس العتبان يرقى كل عالي