الطارف الله يحيه

[نآيف الثبيتي]

السلام عليكم

الطارف الله يحيه



ياسلام الله سلامً عد براق السحابه .. نوها عم الديار وسيل سيول الجزيره
جر صوتك ياعميلي وعطني لحون الربابه .. العرب ثلثينها من قوم ابو هزه وبيره

[فهد بن جميل العتيبي]

مرحبا بالشاعر اللي كلمته فيها غرابه = غرته سود العمايم و العلوم المستديره
انشد أهل العرف كان العلم ودك في جوابه = وترك الخبلان لالحقوا غبار المستثيره

[نآيف الثبيتي]

ان بغينا نردع الشيطان قالوها حرابه .. ياحسافه غرت الدنيا هالاجيال الاخيره
ياعتابه شوفو الصاحب ياربعي ياعتابه .. غرته بعض العلوم وقام يشعب في بعيره

[نآيف الثبيتي]

الليل يافهد وين انت

[فهد بن جميل العتيبي]

ارحب يانايف العذر منك ي ولد توي داخل

استلم

الاماره ماتبيك اليوم ياذيب الذيابه = يوم فاتت ياعميلي جيت تزهم بالعشيره
القضيه حبلها معقود بحيل وذرابه = حلها يصعب على صدام و عيال الجزيره

[نآيف الثبيتي]

الجزيره مكرره شف لك غيرها ياكحيلان

ولابد معذور جعل راسك حي

[فهد بن جميل العتيبي]

لا ماهي مكرره رديفه لها هههههههه

اﻻ‌ماره ماتبيك اليوم ياذيب الذيابه = يوم فاتت ياعميلي جيت تزهم بالعشيره
القضيه حبلها معقود بحيل وذرابه = حلها يصعب على الخدام وحسين وشويره

[نآيف الثبيتي]

لا ماهي مكرره رديفه لها هههههههه

اﻻ‌ماره ماتبيك اليوم ياذيب الذيابه = يوم فاتت ياعميلي جيت تزهم بالعشيره
القضيه حبلها معقود بحيل وذرابه = حلها يصعب على الخدام وحسين وشويره



هههههههاي الله يسعدك

نهجنا نهج الرسول ودربنا درب الصحابه .. عل بالافراح خير وعل بالاحزان خيره
العتيبي ويش علمه يوم ان نوخ ركابه .. خابرن يده على الامجاد ماهي ب القصيره

[فهد بن جميل العتيبي]

ناقة راحت غصب وانتم شباب مع شبابه = مالحقتوها ولا جبتوا خبرها في الضهيره
والله انك ماعرفت النير و علو الغرابه = لين ردينا البرا بعزوم و سيوف شطيره

[سعود بطيحه]

عاشو واصلو بارك الله فيكم؟؟

[فهد بن جميل العتيبي]

عاشو واصلو بارك الله فيكم؟؟

سعود الزم صفي وخلنا نتحاشم على نايف

[نآيف الثبيتي]

ناقة راحت غصب وانتم شباب مع شبابه = مالحقتوها ولا جبتوا خبرها في الضهيره
والله انك ماعرفت النير و علو الغرابه = لين ردينا البرا بعزوم و سيوف شطيره



عزتيلي من بعض الأصحاب ومن بعض القرابه .. كل واحد منهم اعما عقل واعما بصيره
ماعلينا والزلابه فالزمن يبقى زلابه .. دندني ف الصوت ياساره وغني ياسميره

[نآيف الثبيتي]

سعود الزم صفي وخلنا نتحاشم على نايف



هههههههههاي الله يسعدكم

[فهد بن جميل العتيبي]

صح لسانك ي نايف وانا والله مشغول لكن والله تشرفت فيك والى لقاء اخر

[نآيف الثبيتي]

صح لسانك ي نايف وانا والله مشغول لكن والله تشرفت فيك والى لقاء اخر


صح بدنك ولا أبد معذور
والشرف لنا