إهداء للشيخ/ سجدي بن مناحي الهيضل

[شاعر الدرع العربي]

@abuyaserjksa

ياهاجسي عد الرجوم الطويلة
وتشوف شوفٍ ناد عن بارد العين

حق النظر فـ اهل القصور الظليله
وتشوف سجدي خص شيخ الدعاجين

وشعرٍ مايكتب في شيوخ القبيلة
شيوخ الشداد ولا شيوخ الملايين

ماهوب لي والقول ثبته دليلة
آشوم عن مدحٍ بليا براهين

شاعر وفكري فالقصايد دليلة
ماتوه عن مدح الرجال المسمين

سلام يامزبان من يلتجيله
سلام يالهيضل حفيد السلاطين

أهل السيوف المرهفات الصقيلة
سواقة العطفة نهار الأكاوين

خيالة البرصا وستر الجميلة
ويثنون دون مقوسات العرانين

والرجل يبرز منسبٍ ينتمي له
وانا من اللي مجدهم بالدواوين

الاد مشيب مشعلين الفتيله
في معتلج عج الرمك فالميادين

وابغى السموحة كان بالقول ميلة
تاريخكم ماينحصر يالميامين

نظمت فيك ابيات شعرٍ قليله
واهدافها جاهك عسى ايامك سنين

واعرفك زيزوم الحمول الثقيلة
ومنصى لنا ياشيخ فالعسر واللين

وصلاتنا للي بعث بالفضيلة
محمد الهادي ختام النبيين

[ابو طارق الشمري]

شاعر وفكري فالقصايد دليلة=ماتوه عن مدح الرجال المسمين
سلام يامزبان من يلتجيله=سلام يالهيضل حفيد السلاطين
أهل السيوف المرهفات الصقيلة=سواقة العطفة نهار الأكاوين
خيالة البرصا وستر الجميلة=ويثنون دون مقوسات العرانين
والرجل يبرز منسبٍ ينتمي له=وانا من اللي مجدهم بالدواوين

كفو ياشآعر الدرع وصح لسآنك ملاااايييين والنعم فيك وفي من مدحت
لك التحيآت والتقدير لاعــــــــدمنا وجووودك.

[شاعر الدرع العربي]

كفوك الطيب يابو طارق ماعليك زود
وشكراً لك ع مرورك العطر

[خيّال البـل]

صح لسانك ويستاهل الامير سجدي الهيضل حفيد راعي البرصا

[محمد النفيعي511]

ونعم في الهياضله والدعاجين