سلام مني على الشعار واللي حضور

[فهد بن جميل العتيبي]

السلام عليكم


سلام مني على الشعار واللي حضور = في ملتقى ربعي الهيلا وميدانها
اشوف لي دار خليت مالقت من يزور = والغيم ما عاد يمطر فوق وديانها

[محمد الغيلاني]

يامرحبا عد مابنيت وسكنت قصور
لﻻبه اللي فهد واحد من اعيانها
الخير واجد ودورات الليالي تدور
والعبد مايملك الدنيا و ميزانها

[فهد بن جميل العتيبي]

يامحمد العام كنه مقطن [ن] و معمور =و اليوم اقول العرب ياقل ذيدانها
صار العوض عقب مطلق و العصيمي شعور=ميت يبط الكبود ويذبح اشجانها

[محمد الغيلاني]

الناس بالناس يا المطلق مافيهم قصور


والارض حبلى وكل الناس صبيانها


ان غاب سيد حضر سيد بليا غرور


ولا تشيب القوافي وسط ميدانها

[فهد بن جميل العتيبي]

شهادة الزور تحسب من كبار الفجور = وانا ماقلت العرب ماتجيب نسوانها
غديت مع الرس وانا معطيك وصف السحور = الذيب وسط الحلال يعوث في ضانها

[محمد الغيلاني]

ان كان ضيعت انا المفتاح منك القصور

بنيت لكن ماوثقت عمدانها


بعض المخاليق يمشي فوق حيد القبور


والى تعثر لعنها قبل شيطانها