تسجيل الدخول

مشاهدة النسخة كاملة : مقابله وقصيده غزليه للشاعر انس بن قاسم العتيبي

طويل الذراع
03-Aug-2005, 04:59 PM
السلام عليكم ورحمة الله وبركاته

المقابله.....
بعد انقطاع الشاعر انس العتيبي عن المنتدى كثرت التساؤؤلات عنه وعن قصائده ... ذهبت الى زواج احد اصدقائي ووجدت الشاعر من ضمن المدعوين للزواج ولقد سألته عن اسباب انقطاعه عن النشر في المنتديات
وقال : ان ظروووف العمل وظروووف خاصه منعتني من التواصل معكم... وايضا" سووف احاول قدر المستطاع المواصله وسأوافيكم بالجديد والذي لم ينشر ....
وشكرالشاعر جميع اعضاء المنتدى والذين ايضا" سألوا عنه...
وحصلت على هذة القصيده من الشاااعر يقووول فيها:

القصيده الغزليه...

قالت عسى اللي خذا عقلك تـهنابه & يـاحض منهـي على بالك تناجـيـــهــــا
سـرحان مالي عـليـك ايمـين طلابه & دنـين تقلـب كفانـا الله بلاويـــــهـــــــا
قلي بصراحه من اللي ضعت بترابه& شكلك تــدور علــيها ماتلاقيـــهــــــــا
حــبيت من قلــب والاقــفــل ابــوابه & محبه الغير شينه وش تــبـي فـــيهــا
يمكن ترى القلب رشح دره احــبابه & وانتــه تــزايــد علــيها فـي تـغلــيهـا
قــلت الغـــلا يابعد قلبي وش ادرابه & عــن الخـفيات في صـدري مخــفيهـا
سـؤالكــم ذاه مـاعنـدي لـه اجـابــه & بعـطــيك الاوصاف في خلي واحليهـا
خــلـي تــبا الصـدق ماودابه وجـابه & رجله على العــيب مـاوالله يوطــيهـا
غير اللوازم حـشى مـاعـتبت بـاـبه & تكرم عن اللي مع الشيطان مغويها
فــي كــل سـوقـن دعـايـتها تمشابه & ممشى عدوك حقيقه ذي مماشيـهــا
وخلي ترى ابوه من عزوى تعزوابه& من روس قومن يشب اللي يعاديها
صــبابت الكــيف للضــيفان صــبابه & وذبــاحـه الحــيــل هاذا فعل اياديها
يـوم الـردي كل فعــلـن هــو تردابه & دايم على السافله نفسه مضريـهـا
ياجعل صــكات بقــعا هــي تــلوابــه & ودس خيـــبان فــي داخل مخابيهـا
وخلي على الزين يضربه ويحكابـه & الله وانـا سـالـه ابقـدرتـه يـحميهـا
عقلن رزينن يحالي نجد وهضـابـه & وحنان ماكـل بـنتن تـاجـده فـيـــهــا
قلبي من اسهوم خلي صايبه صابه & نظرت اعيونه سهم لوهو يداريها
واشــق جيــبي الـيامـنه جـحد مـابه& مـن الغـلا لايـكب اعيون مشقيهـا
نفسي يحن ابضميرن مات باهدابه & ان كان قصده جفا ماني مجافيهـا
يابنت في حــبـنا لاهـوش واطـلابه & معالمن واضحه منهو يخفــيـهــــا
تشوفين منهو يجيك ايشيل محرابه & والله لاحطه ابعينه لين يعمــيهــا
غيرك من الناس ياعمري وش ابغابه & دام الوفاء فيك لايمكن نخليها
محـبتك مثل عطرن فاح باطــيابه & لايا ملاكي جروحي هـاك داويـهـا


وسلامتكم
فيصل المسعودي
03-Aug-2005, 05:07 PM
سلمت يداك طويل الذراع على النقل الكريم


صح لسان الشاعر انس العتيبي


تحياتي
الحزيمي2006
04-Aug-2005, 12:18 AM
صح لسانك اخوي وصح لسان قايلها.....



اخوك الحزيمي 2006
فتى الروم
04-Aug-2005, 02:42 AM
صح السانك ومشكور على النقل الطيب

فتى الروم
((الدلبحي))
06-Aug-2005, 03:33 AM
طويل الذراع صح السانك والسان انس الدلبحي

لاهنت ياغالي على جهود

تحيااااااااااااااااتي
طويل الذراع
08-Aug-2005, 12:03 AM
اشكر الجميع على الردود واشكر الاخ الدلبحي على تواجده

واوعدكم بوقفه مع الشعار انس الدلبحي خلال الايام المقبله

تحياتي
الفراهيدي
08-Aug-2005, 04:37 AM
صح لســـانك ...

جزل وتمتعنا دائم بالجزل ...

لا هنت يالغالي ..
طويل الذراع
10-Aug-2005, 04:06 AM
الفراهيدي

تشكر على تواصلك
فواز الشيباني
20-Aug-2005, 03:28 PM
الله يعطيك العافيه
طويل الذراع
20-Aug-2005, 09:44 PM
فواز الله يعافيك

تسلم على اطلاعك

تحياتي
الشاهر2000
22-Aug-2005, 04:19 AM
تسلم على نقلك هذه الرائعة من شاعر رائع، وصح لسانه ولسانك
طويل الذراع
26-Aug-2005, 02:52 AM
الشاهر2000

مشكور على اطلاعك

تقبل تحياتي