بيض الله وجيه

[محمد الغيلاني]

بيض الله وجيه ااتفكنا من نشايب


مرة مع بعاد ومرة مع قرابه

ياهل العرف طال الليل والقلب ذايب

والمعنى عناه البعد والهم صابه

[مطلق الثبيتي+]

يا هلا مرحبا ترحيب ماهو غصايب
اعزفه بالدفوف واعزفه بالربابه

ما يفك النشايب غير سيف العطايب
ما هو سيف مخبا ما خرج من نصابه

[محمد الغيلاني]

يا ابن الاجواد دامك ما انت تحت النصايب

لك خيار السلام ولك خيار المجابه

فزعتك للصديق ومد كفك لشايب

خير من مال ماظلله مية سحابه

[مطلق الثبيتي+]

يا ابن الاجواد هذا صار دهر الغرايب
ويش نفع الزمن اللي تنابح كلابه

ادري انك تقول الصدق مير الهبايب
ما تخلي على الرملة خطوط الكتابة

[محمد الغيلاني]

مايضر الوجيه البيض كثر الندايب

دام منهاجها قول النبي والصحابه

جهزوا دون مرباها جيوش وكتايب

واوقعوا بالدني الخوان حد الحرابه