بيني وبين الثبيتي

[صامل العصيمي]

بيني وبين الثبيتي هوش وطراق = ثنيت على اظهره عجرى وباكور
والله لخلّي سنونه عوج وفراق = عشان مايبتسم لو كان مسرور

[مطلق الثبيتي+]

بيني و بين العصيمي خير وان ضاق=أقول أنت زميـلي وأنت معـــذور
الـــسالفة يا زميـلي حــــبر وأوراق=وان عودت للفعول اسكن بماخور

[صامل العصيمي]

ههههههههههههههه ياحبني لك يالثبيتي :)


عليك والله ماني مرفق وشفاق = لو كل ليلة تجي وتلف وتدور
أنا قوي ساق ماقابل ردي ساق = وأهلي بدو ماني مدلّع وطرطور

[مطلق الثبيتي+]

ما الف يا صاحبي وماني ببــواق=لكن خلك على هونك يا دكتور
والنعم في ربعكم مير انت سراق=والسارق اللي سواتك يكره النور

[سهم الليل]

العصيمي والثبيتي


صحت الاسن والقلوب

مبدعين

ونا متاابع


تقبلو مروري

[مطلق الثبيتي+]

شكرا على التشجيع يا اخي العزيز

[صامل العصيمي]

ما الف يا صاحبي وماني ببــواق=لكن خلك على هونك يا دكتور
والنعم في ربعكم مير انت سراق=والسارق اللي سواتك يكره النور


ياكثر ماعندك من اموال وارزاق = لكنها من بنوك الظلم والجور
ساحبك ماخيّل ولا لاح براق = حتى نقول البلد والدار ممطور

[مطلق الثبيتي+]

ياكثر ماعندك من اموال وارزاق = لكنها من بنوك الظلم والجور
ساحبك ماخيّل ولا لاح براق = حتى نقول البلد والدار ممطور

ماهي بكثر الذهب لكن بالاخلاق=يا اللي تكيل التهم ما انت بمعذور
يا صامل السالفة ما عاد تنطاق=خلك وسيع الصدر لتموت مقهور