نبدع الهاجوس

[محمد الغيلاني]

بعد مانصلي عا النبي نبدع الهاجوس
لمن في بنانه فكرة صلبها راسي
على شرط لا يخطئ ولا يترك الناموس
ولا يتهيب أو يكن شخص حساسي

[علي السلمي الزهراني]

هلا مرحبا يا محمد وبننا محموس .. ابا اذوق من كاسك واذوقك من كاسي
وناخذك بالظاهر ولا نبحث المدسوس .. عسى شروطك تأهلك قدام ذا الناسي

[محمد الغيلاني]

يا سلمي ترى سلطان هذا الزمن قابوس
وباقي شيوخ الأرض طلابة ا كراسي

والى شقت قدامك. كما. ولعة الفانوس
فقرب. ولا يطري على البال وسواسي

[علي السلمي الزهراني]

المعذرة يا محمد وناخوك
انشغلنا مع الزواجات هذي الايام
وش بيستوي قابوس ﻻمن غزتهم دوس ..
من السهل نغتاله وﻻ معه حراسي ..
ترى الفرق واضح بين الاذناب و بين الروس ..
وصلب الذهب ماهو كما قطعة نحاسي ..

[مطلق الثبيتي+]

ترى الفرق واضح بين الاذناب و بين الروس ..
وصلب الذهب ماهو كما قطعة نحاسي ..


ألغيلاني يكفيك هذا البيت
والله انك ذكرتني بالحطيئة

[راشد النفيعي]

صحت السنتكم


علي

هذا البيت بيت شاعر مقر

تذكرني بشاعر زهران عبد الواحد







ترى الفرق واضح بين الاذناب و بين الروس =وصلب الذهب ماهو كما قطعة نحاسي

[محمد الغيلاني]

انا اشهد لدوس أهل القنا وأهل ضرب الفوس

رجال لهم في مفتل الشور مجلاسي

ولكن من اللي ضد كسرى. زعيم الفرس


وهيل على راسه وهو وسط الارماسي

[محمد الغيلاني]

بأزهر أني لو قلت
من السهل نغتاله ولو معه حراسي
لكان المعنى ابلغ. تحياتي لك

[علي السلمي الزهراني]

صدقت يا محمد
ملاحظه قي محلها
لا هنت

[علي السلمي الزهراني]

بطولة بني زهران تاريخها مدروس ..
ابعمان يامحمد ترى الفرس تنداسي ..
نهار العرب دانوا لهم واللوا منكوس ..
نحن نشهر الاسياف بوجيه الانجاسي ..

[علي السلمي الزهراني]

يا غيلاني
انت من عمان صحيح ؟؟؟؟

[محمد الغيلاني]

يازهراني تمعن في الرد وتعرف

[مطلق الثبيتي+]

صحت الالسن

[علي السلمي الزهراني]

صحت ابدانكم مطلق وراشد

........................
بعد التمعن في الابيات والبحث
تاكدت ان كلامي صحيح وانت غيلاني جنيبي
ونعم ونعم

[محمد الغيلاني]

ياعلي الله يصلحك تأكد أني سعودي بابيه

[محمد الغيلاني]

ياعمي علي لازلت في ضربها والدوس

تخمن وتضرب كفك أخماس وسداسي

تراني سعودي لابتي مقرعين الروس

ومن فعلهم ياعم طال الفضاء راسي

[خالد 99]

لا هنتو وصحت ألسنتكم

[علي السلمي الزهراني]

صح بدنك يا خالد
....................

اجل هبلي ماريه من الواقع الملموس ..
اميزك من بين الجليله وجساسي ..
علامك تلف بريشتك كنك الطاووس ..
تعجل وعطنا علمك ويعقب الخاسي ..

[محمد الغيلاني]

إذا كنت شاعر راجع المنهج المدروس
وتلقى دلائل لا تسوى ابو نواسي

وباعلمك لا تمسك أيدك بحد الموس
تذوق الألم ثم ينحني رأسك القاسي

[مطلق الثبيتي+]

صحت الالسن و القلوب
والنعم في الجميع كل ابونا واحد

[علي السلمي الزهراني]

والله ياخوك بعد المراجعة للمرة الثانية طرى في بالي انك غامدي ؟؟؟؟

[علي السلمي الزهراني]

دلايلك محجوبة وبرهانكم مطموس ..
ولا اظنك عتيبي ولا من بني ياسي ..
ولكن لعلك غامدي والحمى محروس ..
اذا كنت منها فانتم عصابه لراسي

[محمد الغيلاني]

عتيبه وغامد مثل زهران عصبة روس
وأخوتك في دين الله اعز مقياسي

انا من ديار حدها الطائف المأنوس
وتربة بلادي حبها مصدر أنفاسي

[علي السلمي الزهراني]

ثقيف وهذيل اهل القنا لا دعى الناقوس .. وبلحارث وعدوان لباسة الطاسي ..
وبني مالك اهل الجود بايمانهم مغروس .. هذا ما لدي وجعل جيبك للافلاسي ..
صدعت براسي الله يهديك ^_^

[فهد بن جميل العتيبي]

صح السانكم


زهراني و بقمي ........... ونعم فيكم

[محمد الغيلاني]

سلامة رأسك يارجال

[محمد الغيلاني]

تسلم ياعلي انت وجميع الأخوة أخذت المعنى على ظاهره وليس المقصود تربة المكان إنما عموم البلد اعتز بالوطن وجميع قبائله ماذكرت وما لم تذكر انا من قبيله أخرى غير ماذكرت وذكرت الطائف كحد إداري ليس إلا عموما مادام صدع رأسك. فهاك العلم
يارجال ما ينشم عطر سبقه عروس
ولا يحتمى ضلع عليه القدم داسي
والى طاح رأسك ياعلي مثل بعض الروس
في إعزاك حضرنا زوالي مع كراسي

[مطلق الثبيتي+]

;و النعم في الجميع ومثل ما قلت من قبل كل ابونا واحد
بارك الله فيكم جميع

[سنجار المري]

صحت الاسنه

وبيض الله وجيهكم علي ذا الطاروق

[علي السلمي الزهراني]

صحت ابدانكم ولاهنتم
وحيا الله الجميع
وخير الختام السموحه


انا اشوفك احيانا تصيب وحيان تحوس..
وخطرات متزعزع وخطرات متواسي..
ولكن نبا نختم بعذر ورضات نفوس ..
اخاف اني ازعلتك وانا جاهل او ناسي ..
تمر السنين وناخذ من الحياه دروس ..
وانا اسمع مع اجدادي حكم ماليه راسي ..
يقولون عذروب الجسد يستره ملبوس ..
ولا طاح جدر وهو معنز على ساسي ..
بيض الله وجهك يا غيلاني استمتعنا معك لكن الى ذلحين ما عرفت وش يعود الغيلاني ^_^

[محمد الغيلاني]

يارجال ماكل الشوارب دواها الموس
ولا يُـــعذر المخطي ولا يُعتب الناسي
وانا وانت صبيان القنا نقعد النادوس
وناهب على مافات تاج مع كاسي
ياسلمي قفاك ابيض وراسك علي عاالروس
ولا يزعلك هرج ولا نفث وسواسي
يقولون عذروب الجسد يستر ملبوس
وانا اقول صح الجسم وعقاله الراسي

صح لسانك وبدنك يابن العم ؟ سعدت بمجاراتك وتعلمت الكثير لك تحياتي ولمن شاهد وشارك دمتم بود

[مطلق الثبيتي+]

صح لسانك انا انتظر رد قبيلك واجمع محاورتكم في موضوع واحد ان شاء الله

[علي السلمي الزهراني]

يا مطلق الغيلاني ختم
وانت باقي تتحرى حليلك ^_^