يا هل الملعبة ودي سعود البطيحة

[مطلق الثبيتي+]

يا سلامي سلام ن للوجيه الفليحة=مثل نو (ن) يجيب السعد لأهل الفلاحة
يا هل الملعبة ودي سعود البطيحة=اقرصه وادحمه واطلبه بعض السماحة

[سعود بطيحه]

والبقى يثبيتي يابونيـــــه صريحـــه=جعل ذيك المليحه ماتجيها نياحــه
والله ان مطلق كفو يستاهل مديحه=وصراحه صراحه مير وين الصراحه

[مطلق الثبيتي+]

هيييييييييييييييه
خلوووووووووووووووووووووها

بيـــض الله وجه اللي يقــــدم ذبيحة=للضــــــــيوف الكرام، مير خبى سلاحه
بارك الله في قوم ن يقبلون النصيحة=ما به طير ن يطير مكسر ن من جناحه

[سعود بطيحه]

الدواء ياالثبيتي مانفـــع للجريحــــه=للعرب موت بشارغنيمـــه وراحـه
الله يهديك منك سعود هاض القريحه=ويش رايك تريحني وراحه ربـاحه

[مطلق الثبيتي+]

ما حسبنا حساب ن للهجوس الشحيحة=مير لا تطح الضلع وتكثر نطاحه

ترا بعض العلوم اللي تجيكم فضيحة=والذهين اللي ميز كلبكم من نباحه

[سعود بطيحه]

رب جوال مطلق باقي له شريحه=راي مطلق مهم ميروين أقتراحه
الله يعزكم يا اهل الوجيه الصبيحه=في بلدنا تمتعنا بزين السياحــه

[مطلق الثبيتي+]

و الله اني صبور وصبري لا تســـتبيحه=ما ني مثل الضعيف اللي يطول رماحه
ما ينجيك من ممشى الدروب القبيحة=غير ثمك، يا غـــــاقل، كان تكبح جماحه

[سعود بطيحه]

وش قومك قمت تخطي مثل ما اخطأ كويحه= ماتقر بمقعدك بين جيّه وبين راحه
اترك اللي لا زعل زعل ماينطح نطيحه=والردي ما يخوفك لو لبس فوقه وشاحه

[سعود بطيحه]

ذبحتنا بذا الطاروق ياثبيتي الله يهديك اتوبه ؟؟؟

[مطلق الثبيتي+]

في زيادة في بعض الاشطر
صاحبي مثل ثعبان ن يسمع فحيحه=من يشوفه تعود في مساه وصباحه
الجبل ثابت ن وانت ما تقدر تزيحــــه=والبحر لا تطبه كان تبغى الــــسباحة
ــــ

[سعود بطيحه]

مطلقان حلل المتردية والنطيحه=اشتبه عنده امراض الغنم من صحاحه
ماسال شايب قد مات جعله يبيحه=جز من العب يامطلق واسمح سماحه