وين من يشقر بيوت الشعر ويجيدها .. فن الشقر على الزير ..

[علي السلمي الزهراني]

وين من يشقر بيوت الشعر ويجيدها .. ما التفت للناس من شامتين و ﻻيمين
يحكم الابيات ويمسك بها من جيدها .. ما تفلت من يدينه يسار وﻻ يمين

[راشد النفيعي]

صح لسااانك بانتظار الشاعر الي يستطيع يشقر بيوتك

وين احمد المالكي ان متاكد انه راح يجاريك

[علي السلمي الزهراني]

ارحب مليون
صح بدنك
كل الشعار فيهم الخير والبركة

[مطلق الثبيتي+]

كيف لحنها هاذي

[راشد النفيعي]

على لحن اهل الجنوب يامطلق ( زير ) مانعرفه انا وأنت يامطلق

[عد الرّوى]

وين من يشقر بيوت الشعر ويجيدها .. ما التفت للناس من شامتين و ﻻيمين
يحكم الابيات ويمسك بها من جيدها .. ما تفلت من يدينه يسار وﻻ يمين

ودي اتعلم الشقر

تحملني يا علي الزهراني


جيت و ابقول عيد القصيده عيدها=ما يجيد الشقر يكود ناسٍ رايمين
و كان انا ضويت بمحاولاتي عيدها= اعطني رايك و لا انشدك هذا راي مين؟

[مطلق الثبيتي+]

^^يا اخي جربت لحون العرضة بس ما جبتها

[مطلق الثبيتي+]

طيب يا عد الروى تراك بارع في الشقر عجبني صح لسانك

[علي السلمي الزهراني]

ارحبوا مﻻيين
حياكم الله
مطلق وعد الروى وراشد
ابدعت يا عد الروى فالشقر وانا جنوبي بصدر شمالي واتحمل ^_^
بالنسبة للحن فهو كما لحن بن عزيز في قصيدته المشهورة يابو متعب طال عمرك
اما البحر او الوزن فهي كقصيدة بن جدﻻن ودنا بالطيب
وقصيدة حامد زيد ما بقى اﻻ سود الايام
وفي المحاورات يستخدم كثيرا مثﻻ
ولعوها نار والنار من شبابها
هذه امثلة ع هذا الوزن
وبانتظار عد الروى لوزن ابياته لنستكمل المحاورة

[راشد النفيعي]

بيض الله وجهم ياعلي الزهراني
حقيقه انا استفدت منك

وهذه اللحون تعجبني

[فهد بن جميل العتيبي]

وين من يشقر بيوت الشعر ويجيدها .. ما التفت للناس من شامتين و ﻻيمين
يحكم الابيات ويمسك بها من جيدها .. ما تفلت من يدينه يسار وﻻ يمين

ليش تسأل ياعلي وش تبى بعقيدها .. كان عندك علم يالله بعلم الطيبين

كان تعقدها ف به ناس تنكث قيدها .. الصدور قفول ولسان بالخافي يبين




العذر منكم والعذر ياعد الروى

[مطلق الثبيتي+]

مشكور يا السلمي والله اني غنيتها الحين بعد ما افدتنا الله يجزاك خير

[علي السلمي الزهراني]

وجهك ابيض يا راشد
وما عليك زود ولا جينا هنيه
الا لاجل نفيد ونستفيد
.........................................
العفو يا ملطق منكم نستفيد

[علي السلمي الزهراني]

اعذرني يا عد الروى واستلم انت ومطلق :

نبني الابيات جــــــــزلاتها ونشيــــدها .. وانت جبت الشقر وافي ومبناها متين
يوم بعض النـاس يصعب عليه نشيدها .. في سمانا مجلس ما تطوله هـــامتين

[علي السلمي الزهراني]

بيض الله وجهك يا فهد
شقر ممتاز
صح لسانك

[مطلق الثبيتي+]

مرحبا بابن الجنوب اللي خابر بيدها = شاعر ن ما همته كثر قول الشامتين
يا علي و ان صار للفتنة دابر بيدها = ياولد زهران ما جاك من الشام تين

[علي السلمي الزهراني]

اترك اخبار البطالة وهات مفيدها .. ما بقى فالشام كود الرجال الفايقين
الرماح بجنبها والصوارم فيدها .. في حدود السيف علم وبالشلفا يقين

[فهد الزهراني]

ياسلام ياسلام

فخور فيكم ياشبابة

ودامت المحبة بين الجميع

ودام الابداع بين اهله

تحياتي

[مطلق الثبيتي+]

ياسلام ياسلام

فخور فيكم ياشبابة

ودامت المحبة بين الجميع

ودام الابداع بين اهله

تحياتي

مشكور على المرور
والله انا اخوة و اكثر

[مطلق الثبيتي+]

السوالف يا علي قلتها وعيــدها=ما هـــــي مثل هرج فتيانكم العاشــــــقين
مير لا تنس الكتب نفذوا واعيدها=واللي يرضى بالمذلة طول عمره عاش قين

[علي السلمي الزهراني]

الخواطر طيبة فاحــذروا تنكيــدها .. احم عن ظهرك وانا باحمي مقَفّاي زين
العرب ذا اليوم ما عاد نامن كيدها .. ناس تخسر مير بالغدر صاروا فايزين

[مطلق الثبيتي+]

الخواطر طيبة مير غادر عيدها =يا علي من ينفخ في مزماركم والناي مين
قلتها قبل ساعة والحين اعيدها=ما تفوز الا بعد ما تصــــــــــــحي النايمين



الختام من عندك
صح لسانك

[علي السلمي الزهراني]

يا ثبيتي ذي البيوت انتهى تنجيدها .. جعلك تكمل معا اخوي هذا العام دين .. { زواج اخي هذا العام حياكم الله }
وانته امسكت ببيوت الشقر من جيدها .. ما اعدنا القافية سهو لكن عامدين ^_^
صح لستنك وبيض الله وجهك

[مطلق الثبيتي+]

الله الله يا السلمي
بارك الله لهما وبارك عليهما وجمع بينهما بخير