البساط احمدي

[محمد الغيلاني]

سلام من حد سيل العطن حتى الهفوف

للشاعر اللي يرى نفسه كريم اجودي

حنا بشهر الصيام ولا عليكم كلوف

واللي يحب السوالف فالبساط احمدي

[راشد النفيعي]

صح لسااانك وبيت كايف
بانتظار قبيلك

[مطلق الثبيتي+]

يا مرحبا عند ربعي مكرمين الضيوف
ترحيب مثل الزمن ليا قالوا سرمدي


حنا بشهر ن ترا ما فيه غمة وخوف
وابليس مربوط فالشجرة كانه يهتدي

[سعود بطيحه]

محمد ومطلق اللي ياكلون الخروف=الغيلاني اللي سراء في ليله السرمدي
خلك توال الشهر كريم وقلبك عطوف=من قبل يحطون راسك صوب نجم الجدي

[مطلق الثبيتي+]

يا سعود ما فيك حيلة لكن خلك تشــــــوف=بعض السوالف تعود فوق راس الردي
ما ادري سرى ليلته لأجل السهر والهنوف=ولا سرى ليلته لانه أخلـــــف موعــــدي

[فهد بن جميل العتيبي]

سعود خل الرجال لاتدخل عرض !!!


صح لسانكم

[سعود بطيحه]

سعود خل الرجال لاتدخل عرض !!!


صح لسانكم

وانت ويش دخلك الله يهديك؟؟

[مطلق الثبيتي+]

سعود هههههه علامك خرمان اليوم خلاص انت فطرت انا اللي لسه بانتظر اذان المغرب ههههه

[سعود بطيحه]

سعود هههههه علامك خرمان اليوم خلاص انت فطرت انا اللي لسه بانتظر اذان المغرب ههههه

يارجال انت قايدنا الغالي وشاعرنا المميزالله يحفظك؟؟

[سعود بطيحه]

يامطلق اضربة اللي ماتجي ف الكتوف=ماتقوم النايم اللي نام ف المرقدي
جزاء جميلي لكــــم ضربتني باالكفـوف=عليك حق لنا عطناه اقم وقعــــدي

[محمد الغيلاني]

من غير كثرة كلام المسطره عاالرفوف

ناس تدور مرارتها وناس اتعدي

يهل النواميس ياشيخان يهل الحروف

وش حدكم عا المهاوش تونا نبتدي

[مطلق الثبيتي+]

خذفتنا بالحجارة واشهدوا يا الصــفوف=قال المثل يا جملنا يخسر المعتدي
يا محمد سعود صاير له زمان ن يطوف=ما ادري علامه يبا يعضني في يدي

[مطلق الثبيتي+]

سعود تراك عزيز وغالي لكن تجي عليك اوقات ابا اذبحك فيها واقط راسك

[محمد الغيلاني]

قم يا العتيبي وسلم مقعدك من تشوف
إلا سعود الذي شغله يدق الودي
وش همني جعلكم يا مكرمين الضيوف

تخلون مرعى عتيبه ثنيها والجدي


الودي مايدق فيه من بن وهيل

[مطلق الثبيتي+]

مالك ومال الذي حدته بعض الظروف=ولا الفداوي ما يلقـــى غير كف ن ندي
اباك تنشد هل المــــغرب بليا كسوف=عن اسمك في ليلتك يا صاحبي او غد

[سعود بطيحه]

انكان تبغى هواشي ف عترضلي وشوف=واظن كل فهيمن عارف مقصدي
من فضل رب الولي مكلت زاد الضعــــوف=وكل منكـــــم يذبح لي طلي فدي

[مطلق الثبيتي+]

الـلوم يا صاحبي على اللي دف الدفوف=زهب سلاحك ونادي فالعرب اشهدي
من يطلب المغفرة ما يلقى غير الكفوف=وان كنت ضـــــامي ترا بوردك موردي

[راشد النفيعي]

ما ادري علامه يبا يعضني في يدي


هههههههههههههههههههههه

هذي كبيره يامطلق فيها مطب
خطير

[مطلق الثبيتي+]

ما ادري علامه يبا يعضني في يدي


هههههههههههههههههههههه

هذي كبيره يامطلق فيها مطب
خطير


تراني احب المعاني واخلق مطبات بس اشوف الربع كل مرة يطبون في مطب

[سعود بطيحه]

ماينرفزك بادلع يكون بعض الجلوف=اللي بعيد مايتبع سنة محمدي
من ساعد احزاب نصرالله ماهوب مخلوف=ياربي احفظ طريقي لاتعوق سعدي

[مطلق الثبيتي+]

وش لك بقوم يسبون الدهر والصروف=وش لك بصاحب ليا عرفت انه مفسدي
ما فاز غير الذي حط النــــقط عالحروف=ولا انت يا سعود مستانس مع الملحدي ؟

[سعود بطيحه]

انا بعير المحامل ياقعود معسوف=لاكن جنب طريقي لاتجيه ابعدي
حنا هل البندقية فاالقاء وسيـوف=حناشمال الجزيرة تحت قطب الجدي

[مطلق الثبيتي+]

اسلم براسك ما دام عرشه فوق الكتوف=واقعد تراني عريب الجد والمحتدي

والنعم فينا وفيكم والــــسنافي معروف=والذيب لن شاف نعجة حافها ويعدي

[محمد الغيلاني]

ياشين بعض المجالس يوم جوها الضعوف
شانت ووصيت فيها لايطب اولدي

انا ادري ان النعامه ماتجي للجروف
إلا إذا شافت الذئب القنوب ايعدي

[مطلق الثبيتي+]

يا زين بعض المجالس يوم كنت مخطوف=وش رجعك للعرب يا علتي وانكدي

مسك الخـــــتام الدعا والله بعبده رؤوف=وان كان زليت قولوا قالها مبتدي

[محمد الغيلاني]

محشوم ماجاء يكن طيبك وطبع شروف

ياراعي الكلمه اللي مالها منقدي

خيم مع اصحابك اللي خيموا بالهفوف

وانا على دار مدقوق الخصر مقصدي

[مطلق الثبيتي+]

صح لسانك باشر اجمع المحاورة واحطها بالمحاورات المميزة

[عد الرّوى]

صح لسان الشاعرين

و الله يهديك يا سعود بطيحه

ما تخلي اللي يتحاورون بحالهم

يبغى لك محراف لحالك بعد العيد يشبعك من المقاشر هههه

للجميع تحياتي

[علي السلمي الزهراني]

صحت السنتكم

[مطلق الثبيتي+]

تحية لعد الروى منور مثل العادى
علي الزهراني السلمي شرفتنا صح بدنك