يا المملكه

[نواف نايف الحزيمي العتيبي]

عيدك سعيد و يا عسى عيدك إيعود .... يا مملكتنا لك إنزف التهاني
في ضل آل سعود هم هم هل الجود ... تقبليها مسك مع زعفراني
يا المملكه عيشي على أفراح و سعود .... في ضل حكامن بعقل و تكاني
يا رحمك رب البيت يا الشايب العود .... أسس لها إحصون و ركون و مباني
حول عليها في ضهر شمخ القود قال الله اللي فا الملاقاء عطاني
حول عليها كنه الصقر مهدود .... يا ويلكم با الويل يا اللي عصاني
عبدالعزيز اللي حكم نجد فا الكود ما جات نجد إبحب خشم و ضماني
و عشنا و راحت كلها إسهود و مهود .... عساه في فردوس خضر الجناني
و بعده حكم واحد من إعياله سعود .... و ألأمن عم و عم و الخير باني
و بعده حكم فيصل و فيصل من أسود .... و المملكه تنعم على أمنن و آماني
و بعده حكم خالد هذا علم موكود .... و يجزاه رب البيت عنا الحساني
و حكم فهد و الفهد هو شد إفهود .... يرحمك ربي يا عريب المجاني
و اليوم حكم اللي معه سيف محدود .... عبدالله اللي فا الوطن له مكاني
هو راعي الطالات ما عنه منشود ..... على وجه واحد ما هو قلباني
هاذاه أبو متعب زبن كل ملهود .... ملجاء الضعيف اللي من الوقت عاني
شوفوه فا المجلس إليا جاه مضهود .... يفز إله يا حي ها المودماني
و كم من مشاريعن يصدر بها إعقود .... الأمر من راسه يجي في ثواني
و النفط نزل فيه و الخير موجود .... و زاد الرواتب ثم زاد الضماني
أفعال أبو متعب ما هي عد معدود .... عساه دايم ما يشوف الهواني
إمن الكبير اللي أصغر إنسان مولود .... يدعون له في كل وقت و زماني
من ينقده يصبح مع الناس منقود .... ماهوب راع البل ولاله إحصاني
يا دار أبو متعب تراك أنت محسود .... غير أبو متعب مانبي شخص ثاني
ولي عهده للعداء راس بارود .... هاذا وزير الجيش و الطيراني
سلمان أبو خالد و با الخير محمود .... يا عنك ما هو فا الملاقاء جباني
و الطيب في سلمان ماله ترى إحدود .... ماكان و سط القلب قاله إلساني
نعم إبلادي كلها خير مع فود .... حيو إعيال العود حي الخواني
ماقلت غير الصدق و لعالم إشهود .... من بعد قاف الشعر جيته و جاني
شعرن نضمته ما حصل فا المدح زود .... ماني و أنا نواف ولد الهداني
و صلاة ربي عد ما تذري النود .... على نبين للهدى ترجماني

الشاعر : نواف نايف هلال الحزيمي العتيبي