من صميم القلب

[نواف نايف الحزيمي العتيبي]

يالله طالبك ياربي تسهلها .... الامر لك جل ملكك واعتلا شانك
اتقوله كن يكون ومن يبدلها .... انت الولي وانت رب البيت سبحانك
ادعيك وارجيك وابغى منك تقبلها .... اقبل دعايه قبل موتي وغفرانك
عفوك ليا من نفسي ختم اجلها .... واطلبك رحمتك ياربي مع احسانك
عبدن ضعيف وبعض امورن اجهلها .... يالعبد تراك وسط القبر مسكانك
دنياك هاذي سريعه عنك مزولها .... اعمل على الخير لو هي هرجة لسانك
تبا تلاقي جميع اعمال تعملها .... يالله طلبتك ياربي عالي جنانك
الطيبه سوها تبغى تحصلها .... والخيبه لاتجي في وسط ميدانك
وخمس الصلاوات دققها وفصلها .... واركان دينك تراها صارت اركانك
والرحم ملزوم لابدك تواصلها .... لاتقطع الرحم لو الرحم عدوانك
الله ربط رحمته فالرحم واكملها .... مايرحمك لاقطعت الرحم قطعانك
الحق على النفس عز النفس عدلها .... دور دروب السنع وتشوف بأعيانك
خلاص كفت سنينن كنت مهملها .... غافل وتكبر ويكبر معك غفلانك
وقف وراجع حساباتك من اولها .... يمكنها الضاعه الضاعه بضعيانك
يامخبل النفس مخبلها ومهبلها .... انحش توعدك عند الرب شيطانك
قابل رجالن لحاها جات مطولها .... والدين حافظ عليه الدين عنوانك
خل السرابيت لاتنزل منازلها .... وتصير سربوت ساعة يمشي وزانك
اطلع بسود الجبال السود حولها .... تراك يارجل كل العز جدرانك
والمخطيه ياحبيبي لاتجاملها .... قل مخطيه محطيه وش عاد وان كانك
ابا انطق الحق كلمة حق قايلها .... من لا نطق حق شيطان اخرس وعانك
والضيف لا جاك له قهوه تعجلها .... ذبيحته واحدن من وسط طليانك
لاتبخل البخل فأموالك يقللها .... في كل يومه لها ياصاحبي حانك
هاذي نصايح تفهمها وحللها .... يمكن تقولون جعل الخير جزيانك
اهديتها من صميم القلب مرسلها .... لعل يعمل بها واحد من اوطانك
ابيات نواف نايف جات مجزلها .... وانا حزيمي عتيبي تسمع آذانك
وختامها عد ماهلت همايلها .... صلو على المصطفى اللي وين هو وانك

الشاعر : نواف نايف هلال الحزيمي العتيبي