تسجيل الدخول

مشاهدة النسخة كاملة : الطاروق مسودس

ابن شلواح
26-Jul-2005, 12:33 AM
السلام عليكم يالربع ودنا ناخذ لنا طاروق مع مرزوق .....

سلام مني .. لأهل الشكاله .. وأهل الشجاعه والكرم وأهل الحميه
رعبي عتيبه .. في منتداهم .. جيت أتكلم وآخذ علوم القبيله
لاجيت أغني .. قاف الجزاله ..أنوي على مرزوق والنيه مطيه
يالله تجيبه .. لين أنتفاهم .. أما يشيل الحمل وألا لايشيله
محمد العتيبي
26-Jul-2005, 12:46 AM
يا سلام عليك يابن شلواح

وصح لسانك ...... ونتمنى ان نقضي معكم طاروق ممتع وحماسي .......
ابن شلواح
26-Jul-2005, 12:52 AM
أبومشعاب صح بدنك وشكرا على مرورك يالغالي


والله الله بالصفوف
وأبشر بالعلم الغانم
فيصل المسعودي
26-Jul-2005, 12:58 AM
ابن شلوووووووووووووواح تحياااااااااااااااتي


في انتظار مرزوق متابعين ومنتظرين بشغف


في انتظار محاوره قويه وحماسيه


تحيااااااااااااااااااااااااااااااااااااااااااااااا تي
ابن شلواح
26-Jul-2005, 01:12 AM
الاخ فيصل المسعودي مرورك نور الصفحه
والله لايهينك وشكرا لك
وحاضرين للطيبين
ماجد الهذلي
26-Jul-2005, 03:46 AM
قاف بدايته قويه

ويا ابن شلوح اللي نعرفه عن مرزوق إنه مسافر

وياليت تشوف لك واحد من الموجودين

أو يرد عليك أحد بالنيابه عن مرزوق

تحيااااتي
ابن شلواح
26-Jul-2005, 07:41 AM
يالربع الشعار الموجودين فيهم بركه يكفون ويوفون
كان مرزوق غايب يتقدم منهم واحد

أخوكم ابن شلواح
أحمد المالكي
26-Jul-2005, 12:43 PM
الله يستر ياذا الطاروق

ماشاء الله عليك يا اخي العزيز

وننتظر من ينوب عن اخينا وشاعرنا مرزوق
((الدلبحي))
26-Jul-2005, 02:51 PM
حياك الله يابن شلواح وبدايه موفقه

تحياااااااااااااااااتي
ابن شلواح
27-Jul-2005, 06:27 AM
أخوي أحمد المالكي شكرا على مرورك ومرحبابك.....
اخوي الدلبحي الله يبقيك ويبارك فيك ومرورك شرف لي عزيزي

تحيااااااااااااااااتي
أخوكم ابن شلواح
محمد العتيبي
29-Jul-2005, 01:34 AM
الله الله

استلم ياابن شلواح

طرقك يدني .... شفنا خياله ....يامرحبابك يابن شلواح البليه
ماهي غريبه.... ذا من بناهم... هذا من اسيوف القبيله الصقيله
الرد مني ..... اخذه وفا له.... وانا بدل مرزوق ياحوض المنيه
هاوشتبيبه.....يومك تباهم ....ترا العميل اللازم ايراعي عميله

اسمحلنا في ما جبنا وبالنسبه .....اخذه وفا له اقصد وفاء ورد وجزاء
وانا خجلت بان لايكون لى محاوله في طرقك
رغم اني اول مره اغني هذا البحر الجميل العسرولك منى افضل تحيه
ابن شلواح
29-Jul-2005, 10:38 AM
يامرحابك يابو مشعاب وأنت فيك البركه يالذيب تقول أول مره تلعب الطرق وكذا كيف لوأنك لاعبه هههههههههه
استلم الله لا يهينك

ردك وصلني ... عبرالرساله ... عاش الرفيق اللي يوقف عن خويه
والضلع ذيبه ... يقنب علاهم ... والذيب جاله ذيب والهرجه طويله
شخص ٍ ذهلني ... حالته حاله... قصرت يدينه عن شراب الشاذليه
هاذي عجيبه ... مدري وراهم... الرجل لا جاء لازمه لازم يجيله
محمد العتيبي
29-Jul-2005, 02:59 PM
الله الله الله

استلم استلم يابن شلواح لا عدمناك :


فنك وفني ... كلن قراله ... من الحجاز او انت من نجد العذيه .

ترى الحبيبه .. تكره سواهم .. ونا يابن شلواح خلن للخليله .

من فيه هني .. مالك وماله ... لا ترتجي ولا تظن يعطيك شيه .

خلك طبيبه ... وآنا دواهم ... .. اعالج قلوب(ن) سقيمه والعليله .
سيــف المعانـي
29-Jul-2005, 03:14 PM
يلاسلاااااام
ابن شلواح
30-Jul-2005, 12:41 AM
استللم يابومشعاب
هيل ٍ وبني ... داخل دلاله ... عند العصيمي تاجده والوسم حيه
عزوه عريبه ... ريف قصراهم ... وأنته لابد تقول وش دم الفصيله
لا ماشحني ... راع النذاله ... مار القضيه لازم نعرف القضيه
والله ماسيبه ... حتى يشاهم ...ودٌوله المرسول حتى يستويله
محمد العتيبي
30-Jul-2005, 04:29 AM
الله الله
استلم ياابن شلواح
يناشد عني ...انا الاصاله...انا ولد عاصم معرب والديه

وقت السليبه...محدن خذاهم...تلقى قصصهم بالف ليله غير ليله

لو بتمني...جعله لحاله...يجعل يده ماتشابك مع يديه

هذا وحزيبه...مكثر غثاهم...سيبه وخله واتركه يمشي سبيله
ابن شلواح
30-Jul-2005, 07:43 AM
الله الله
أستلم يابو مشعاب لاهنت
العود ضني ... عرٌب عياله ...نعمين يابن العم واعظامك قويه
تسوى كتيبه ... ساعة لقاهم... للطيب طيب وللمعادي حنظليله
مسلم وسني ... وأعرف حلاله...أقرا كتاب الله كل صبح وعشيه
وأهل المريبه ... ننتف لحاهم ... وان شافني مقبل يقرٌط في شليله
محمد العتيبي
30-Jul-2005, 03:18 PM
لاهنت يابن شلواح واسمحلنا بما كان منا ولك منا تحيه ولنا معك لقاء قريب جدا باذن الله قريب سوف نناقش ما اتي منك من تصريح في ماتداولناه ونعم بك ونعم بك انت عريب ومن ناس مايحتاج نعلق على اساميهم فالمعروف لايعرف فنتظر ماسياتي . لك الشكر فقد تعلمنا والصراحه اتحفتنا وبان من قابلنا فان دل فهو الدلاله على نضوج فكرك وغزارت بحرك وقوة معانيك وحسم عزمك فما ان اجتمعت هذه الا وكانت الخلاصه ( انك شاعر ) لايستهان به ويحسب له حساب وبعد هذا الاطراء والذي لا اقصد منه توددا او تقربا ولكنى اقصد منه كل رواد هذا الموقع بان يتابعو ابــــــــــــــــــــــــــــــــــــــــــــــــ ــــــــــــــــــــــن شـــــــــــــــلــــــــــــــــــــــــــــــواح
فهو يستحق المتابعه فالله يبارك فيك وفي ما اعطاك يابن شلواح
ابن شلواح
31-Jul-2005, 04:59 AM
أخوي أبو مشعاب شكرا على هذا الأطراء فوالله أن شهادتك وسام على صدري فأنت أيضا شاعر لا يستهان به تلعب على النقض والفتل فهذه الميزه قل ماتجدها الآن فأنت أيضا شاعر مواقف والشاعر عند ماقفه وهذا شي ليس بغريب عليك لأنك من عالية القوم أكرر لك شكري وأتمنى أن يكون لنا لقاء لأنك مكسب للي تلعب معه

أخوك ابن شلواح