كـــحــيــــــــــــــــــلان

[محمد الغيلاني]

على الله سبحانه تعالى عظيم الشان
هو اللي يمد العبد بالعون والطاقه
حليم عن ذنوب البشر حيث لا كفران
غني ويغنينا عن العوز والفاقه
اعزه واجله وارفعه عن بني الانسان
هو الخالق اللي بيده النفس منساقه
فرض نعمة الاسلام عن باقي الاديان
وميز بلاد الخير بالبيت واوفاقه
والا ياملكنا فان بيعتك ماالايمان
لك العهد والشعب التزم لك بميثاقه
لك السمع والطاعه مع سيدي سلمان
ونايبكم الثاني هوى الشعب واشواقه
حكمنا ملوك كف ابوهم من الاحسان
تباهت بها كل البسيطه من إغداقه
حكمنا ملوك كل ابوهم طوال ايمان
لهم نظرة عليا ومدات براقه
والى انهانوا الحكام باشكالهم والوان
فحنا دروع املوكنا امن ودراقه
لهم سمعنا وابصارنا والقلوب احضان
عسى من يعاديهم يجي موته افراقه
وش ابغى بديره ماعليها امن وايمان
وش ابغى بناس تسرق الثوب وبناقه
ضعاف النفوس ملبسين القمر قمصان
ولا زاد عنهم من نقل لجلهم ساقه
ياشبان ياشيبان ياحضر يابدوان
يامن جرب الدنيا قبل تكثر انياقه
مادام ان رب البيت منعم على الانسان
براحة بدنه فليش يسعى الى احراقه
ترى طاعة المسلم لحاكمه في القران
بها يستقيم الامر والامن ترياقه
الى زانت الدنيا لجاهل عديم احسان
عليها السلام وتصبح ايديه لعاقه
والى ساسها شهم عظيم كما كحيلان
تباهت وغنت في سنا المجد مشتاقه
الايابلدنا يحفظك ربك الرحمن
من الجاهل اللي بالفضاء تكثر ابواقه
والا يابلدنا مجدي ربك المنان
يعزك ويجعل رايتك دوم خفاقه
تهني بشعب يزرعك ورد مع رمان
وهو نفسه اللي يلطم الخصم بطراقه
ملكنا ودولتنا وحنا بعز ايمان
وعسى شمس قايدنا على الدوام شراقه