فهد العصيمي
25-Jul-2005, 05:27 AM
السلام عليكم ورحمة الله وبركاته
هذه قصيده مؤثره قالها الشاعر عايض بن سعود العصيمي عندم كان يتعالج في المانيا رحمه الله
يالله يافـارج همـوم اليـا جــن=ياواحـد فـوق السمـوات عالـي
يارافـع سبـع وسبـع بسطـهـن=ومرسي الجبال الشامخات العوالـي
يامحصين خلقه من الانس والجـن=واخرجت يوسف من جبا جبو خالي
واصبح بري مـن خطايـا يكـادن=الاولــه واللاحـقـات التـوالـي
ابرج المن كنه على اللـي يقالـن=جمر الغضـا لازاد فيـه اشتعالـي
وادموع عيني فوق حجري يصبن=تشدي غروب تحت هجف المحالـي
دايـم علـى خـده وعينـه يكفـن=مثل المطر مـن مستهـل الخيالـي
واليا سألـت اعيونـا وش بلاهـن=جات الاجابه قبـل فتـح السؤالـي
امس الضحى في دار واليوم مع من=امـع اليهـود محرميـن الحلالـي
في دار هتلـر مانعـرف المـؤذن=دار عساهـا بالمحـى والـزوالـي
ياعيد ماصبركم على ديـرة الجـن=لا خوان لا عمـان لامـن خوالـي
عزي لكم ياعيـد مثـل المسجـن=وانـا بعـد ياعيـد عـزي لحالـي
عقب الجماعه جالس في بلـد مـن=لاحـد مسفرنـي ولانيـب جالـي
ياعيد لـو تعـرف فـروخ يلجـن=فـي دارنـا مايدركـن النـوالـي
قصار ريـش ومالـك الله يطيـرن=حـب تحـت رب عزيـز الجلالـي
ويانجر يامشكـاي عينـك عليهـن=وخلك عليهن مثل وصـف الظلالـي
وياسعود ظني فيك لاتخلـف الظـن=بتروف باخوانـك سـواة العيالـي
حـاذور لامـروك ناديـت يـاهـن=وتميل مع بقعى علـى كـل جالـي
ووصيك ياهنـدي وصيـة عليهـن=انت الولي والله علـى كـل والـي
ارفق عليهـن ليـن حتـى يضفـن=وآمر عليهـن بالرضـا والعدالـي
وافطن لهن ياذيـب ليـن يتعشـن=ولايمرحن الليـل والبطـن خالـي
حتى يجـي يـوم خواتـك يقومـن=انت الذي تربـا وانـا راس مالـي
واسلم وسلم لي على من نشدعـن=وقله تـراي بـدار ساكـن لحالـي
ماعنـدي الا قـوم جـن تراطـن=لاحـد يسـأل ولايجيـب السؤالـي
وعيونهـن زرق ولادري وشنهـن=يحرم عليهـن سترهـن والجمالـي
وجدي على شوف الهضاب يتزامن=دار سكنـاهـا قديـمـا وتـالـي
اديارنا في نجـد محـروم ينسـن=ام غلاهـا مـن ورا كـل غـالـي
وزواجها مـن جدنـا سنهـا سـن=على الشريعه واشقر الـدم سالـي
يوم انحدر بجموعه اللـي تبـارن=من حـد بيشـه للمدينـه شمالـي
وعـزم ولـزم للمعـارك يخوضـن=ماهمـه اللـي قاعـد بالتـوالـي
حتى سكن في نجد غصـب بلامـن=واحتـل دار مكرميـن السبـالـي
من بعد خيل وجيش للشيخ يهـدن=خلـوه عـن داره يشـد الرحالـي
ربعي تـرى عتبـان ياقايـل مـن=اللـي تكـرم ضيفهـا بالخيـالـي
ذبح المربـى عندهـم دايـم فـن=هـذا بعـد تقديـم كيـف الدلالـي
لاجيـت مجلسهـم لـزوم يلـقـن=ماحسبـوا فـي دقهـا والجلالـي
وياعيد مارسلنا التذاكـر يحجـزن=ماغيـر اعـد أيامهـا والليـالـي
متـى نوادعكـم الياجـن يمشـن=ومتـى تحلـق بالسمـا ياطلالـي
حتى نجي بديار من يحـرق البـن=سواة ابو يونس صديقـا صفالـي
ابومحمـد يـوم عنـدك تـلافـن=وجيه النشامـا الطيبيـن الغوالـي
بلـغ سلامـا مرسلينـه بـلامـن=بافضـل تحياتـي لهـاك الرجالـي
هذه قصيده مؤثره قالها الشاعر عايض بن سعود العصيمي عندم كان يتعالج في المانيا رحمه الله
يالله يافـارج همـوم اليـا جــن=ياواحـد فـوق السمـوات عالـي
يارافـع سبـع وسبـع بسطـهـن=ومرسي الجبال الشامخات العوالـي
يامحصين خلقه من الانس والجـن=واخرجت يوسف من جبا جبو خالي
واصبح بري مـن خطايـا يكـادن=الاولــه واللاحـقـات التـوالـي
ابرج المن كنه على اللـي يقالـن=جمر الغضـا لازاد فيـه اشتعالـي
وادموع عيني فوق حجري يصبن=تشدي غروب تحت هجف المحالـي
دايـم علـى خـده وعينـه يكفـن=مثل المطر مـن مستهـل الخيالـي
واليا سألـت اعيونـا وش بلاهـن=جات الاجابه قبـل فتـح السؤالـي
امس الضحى في دار واليوم مع من=امـع اليهـود محرميـن الحلالـي
في دار هتلـر مانعـرف المـؤذن=دار عساهـا بالمحـى والـزوالـي
ياعيد ماصبركم على ديـرة الجـن=لا خوان لا عمـان لامـن خوالـي
عزي لكم ياعيـد مثـل المسجـن=وانـا بعـد ياعيـد عـزي لحالـي
عقب الجماعه جالس في بلـد مـن=لاحـد مسفرنـي ولانيـب جالـي
ياعيد لـو تعـرف فـروخ يلجـن=فـي دارنـا مايدركـن النـوالـي
قصار ريـش ومالـك الله يطيـرن=حـب تحـت رب عزيـز الجلالـي
ويانجر يامشكـاي عينـك عليهـن=وخلك عليهن مثل وصـف الظلالـي
وياسعود ظني فيك لاتخلـف الظـن=بتروف باخوانـك سـواة العيالـي
حـاذور لامـروك ناديـت يـاهـن=وتميل مع بقعى علـى كـل جالـي
ووصيك ياهنـدي وصيـة عليهـن=انت الولي والله علـى كـل والـي
ارفق عليهـن ليـن حتـى يضفـن=وآمر عليهـن بالرضـا والعدالـي
وافطن لهن ياذيـب ليـن يتعشـن=ولايمرحن الليـل والبطـن خالـي
حتى يجـي يـوم خواتـك يقومـن=انت الذي تربـا وانـا راس مالـي
واسلم وسلم لي على من نشدعـن=وقله تـراي بـدار ساكـن لحالـي
ماعنـدي الا قـوم جـن تراطـن=لاحـد يسـأل ولايجيـب السؤالـي
وعيونهـن زرق ولادري وشنهـن=يحرم عليهـن سترهـن والجمالـي
وجدي على شوف الهضاب يتزامن=دار سكنـاهـا قديـمـا وتـالـي
اديارنا في نجـد محـروم ينسـن=ام غلاهـا مـن ورا كـل غـالـي
وزواجها مـن جدنـا سنهـا سـن=على الشريعه واشقر الـدم سالـي
يوم انحدر بجموعه اللـي تبـارن=من حـد بيشـه للمدينـه شمالـي
وعـزم ولـزم للمعـارك يخوضـن=ماهمـه اللـي قاعـد بالتـوالـي
حتى سكن في نجد غصـب بلامـن=واحتـل دار مكرميـن السبـالـي
من بعد خيل وجيش للشيخ يهـدن=خلـوه عـن داره يشـد الرحالـي
ربعي تـرى عتبـان ياقايـل مـن=اللـي تكـرم ضيفهـا بالخيـالـي
ذبح المربـى عندهـم دايـم فـن=هـذا بعـد تقديـم كيـف الدلالـي
لاجيـت مجلسهـم لـزوم يلـقـن=ماحسبـوا فـي دقهـا والجلالـي
وياعيد مارسلنا التذاكـر يحجـزن=ماغيـر اعـد أيامهـا والليـالـي
متـى نوادعكـم الياجـن يمشـن=ومتـى تحلـق بالسمـا ياطلالـي
حتى نجي بديار من يحـرق البـن=سواة ابو يونس صديقـا صفالـي
ابومحمـد يـوم عنـدك تـلافـن=وجيه النشامـا الطيبيـن الغوالـي
بلـغ سلامـا مرسلينـه بـلامـن=بافضـل تحياتـي لهـاك الرجالـي