نور القمــــــر

[سعود حباب العتيبي]

يامرحبا ترحيبتن تصطع مثل نور القمر @ في ليلة ٍصافي سماها بعد كانت ممطره
والجو هادي والقمر كامل وفي حالة بدر @ والناس بالجو الجميل وبالمطر مستبشره
سقت المعاني يمكم سوق الركايب فالسفر @ يوم أنها تقض اللزوم وبالحمول مقنطره
واليوم وقت الفخفخة والجيب والجيب الهمر@ والناس لو تعجبك نظرتهم تراها مزفره
الله يديم النعمة اللي ما نقصها إلا الشكر@ الناس فيها من ترهلها تقول مخدره
ما شافو اللي قبلهم والجوع وأرباط الحجر @ واللي عليه من التعب واللي يديه مغبره
كثر التشاحن والحسد والناس من صد لهجر @ وإلى تقصيت الحقايق قال واليهم مره
الله ياللي ودعوا في روسهم عز وسطر@ مأرخو دناقرهم على الجوال مثل الحمّره
عاشو بها يوم التعب والجوع والموت الحمر @ واليوم نعمه واشكرو حليب من ديد بقره
الله يجنبنا شرور الخلق وجنون البقر @ واللي يريد ابنا القشر يرد كيده بنحره
دنيا تبي صبر عليها والصبر يبغى صبر @ والناس ماتعذرك فاللي ماتشوفك تقدره
واليوم جربت السنين وجيت منها بالخبر @ الناس ما تقنع ولا تعذرك دون المقبره
أن جيت معها فالخطر وان رحت عنها فالخطر @ واللي يلقيك نحره واللي يعرضك ضهره
وان كان تبغى العافية الزم عليك المختصر @ واشفاك من ذكر الكريم ومن رجاه معطره
وإلا ترا الدنيا سفر محفوف بأخطار القدر @ لو شفتها تضحك لها ساعه تراها معبره

[ذعارعوض العصيمي]

صح لسانك ياسعود

[سعد بن مطلق المقاطي]

صح لساااااانك يابوفهد