يقول من جرب

[محمد الغيلاني]

قول من جرب جديد وبالي

دنيا الفنا معدودة فيها الانفاس

ماهي بمطمع عند قرم الرجالي

وإلا قليل العرف يضرب لها اخماس

والعاقل اللي ماطمع في الدلالي

يدري انها محموسة بيد جلاس

الله يعين اللي رمته الليالي

يبقى صريع الهم عشاق الالباس


شربت من كدر الزمن والزلالي

واشقيت رأس ماتمايل ولا انداس

وافصحت للعشاق عن سر غالي

الله لايجزاك بالخير من راس

ذي علتي وشريتها من هبالي

واطلب من الله ياعسى يرفع الباس

مديت كفي مثل مد الزوالي

شفق على غيري حمول للاتعاس


ماني منون اعطيت مما بدا لي

والبست نفسي حلة وسط الارماس

يالله يامعبود هذا احتمالي

فلا تكلفني بشي ماله قياس