الشاعر خالد مقبول العصيمي

[حمود بن خيشوم العصيمي]

وصل الشاعر خالد العصيمي أحد أعضاء منتدي عتيبه الهيلا الى مرحلة12 وهو الشاعر العتيبي الوحيد الذي صعد لهذه المرحله من مسابقة شاعر المعنى بقناة الساحه2

خالد العصيمي لم يصل لهذه المرحله الا لشاعريته ودعم من عتيبه وغيرهم من المعارف
ومرحلة 12 التنافس بها على اشده الان وابن العم بحاجة دعم قبيلته قبيلة عتيبه

والترشيح الصحيح عبر الرسائل بصيغة رشح2 بحيث لايترك مسافه بين رشح والرقم 2
نتمنى له التوفيق بدعم قبيلته .............................. تحيتي

[عبدالمجيد النفيعي]

أخونا الكبير / حمود بن خيشوم


الشاعر خالد


ليس في حاجة الله يغنيه ويغنينا عن الحاجة ، والقبيلة مواقفها أكبر من التصويت .

[حمود بن خيشوم العصيمي]

الاخ / عبدالمجيد النفيعي اعرف وتعرف انه ماهو بحاجه ولله الحمد
ولكن هو مشارك في مسابقه كبرى ودعم القبائل كبير جدا لابنائهم المشاركين لنيل اللقب
والعتيبي مايستغني عن ربعه في كل المواقف

وفزعة العتيبي لابن عمه ماتنقص من شأنه ولامن شان ابن عمه
الغريب عندما نرى عتيبي يدعم احد المتسابقين ماهو بعتيبي بالتصويت والبطاقات وابن عمه منافس لمن يدعمه وهذي شاهدتها على قناة الساحه وأثارة اهتمامي

تحيتي

[صامل العصيمي]

يبشر بالدعم إن شاء الله ابن عمنا عزيز وغالي علينا

وأنا متفائل إن شاء الله إن نسبة التصويت لخالد ستكون مرتفعة فارقة بكثير عن المتسابقين

وعتيبة الهيلا كلها معه بعد الله سبحانه .

ونعم بها من الحجاز إلى الكويت

ألف شكر يابن العم

تحيتي لك


ومثل مانوهت أنت طريقة التصويت كالتالي : وبدون فواصل بين الاحرف والرقم :


رشح2

[حمود بن خيشوم العصيمي]

تسلم تسلم ياصامل لا خلا ولا عدم


وان شاء الله التوفيق حليف الشاعر خالد العصيمي (سيف الهيلا)



لاشكر على واجب وانا ذكرًت ولك تحيتي

[حمود بن خيشوم العصيمي]

الف مبروووك التاهل لمرحلة ال 6بـــ 50 بطاقة تصويت من قبيلة عتيبه و50 بطاقة تصوييت من قبيلة العصمه

[فهد الزهراني]

خالد شاعر جميل

وصراحة من المعجبين بشاعريته الفذة

وكذلك اخلاقه العالية

اتفهم جدا وجهات نظر المحجمين عن التصويت لسبب بسيط وانا اعتبر نفسي واحد منكم والله الشخص ماهو بيبخل على صديق او ابن عم ويمكن الشخص يصوت له بكل ما عنده من رصيد لو قليل بس القهر ان هذا التصويت يروح في جيب صاحب القناة وايضا على كف عفريت يمكن يصوتون الناس بملايين ومن ثم تروح لواحد ثاني.

المسابقات الربحية المفروض ما يشترك فيها الا الشاعر المغامر فقط
لو كانت القناة تريد كما تزعم خدمة الموروث خلته بدون تصويت

او على الاقل خلت نسبة التصويت 10 الى 15 في المئة

وكذلك اللجنة اداءهم فيه تناغم مع اهداف القناة المفروض نشوف فارق كبير بين الشعار بس دائما درجاتهم متقاربة لجعل الحسم عن طريق التصويت فقط

[حمود بن خيشوم العصيمي]

الاخ فهد الزهراني بغض النظر عن جميع الحيثيات التي ذكرتها الاً ان هذا الوقت وقت وقفه بعد تاهل شاعرنا للمرحله النهائيه ووقت الوقفات لايقبل عبارات تثبيط العزائم

رشح2

لاتوضع مسافه بين كلمة رشح والرقم 2


تحيتي فهد

[حمود بن خيشوم العصيمي]

تابعت قبل قليل التصويت على قناة الساحه 2وسرني ماشاهدت من قوة تصويت عتيبه لشاعرهم

خالد العصيمي وفقه الله

[ولد منعر]

يستاهل وعقبال اللقب

وخالد شاعر والحين وقت الوقفه بغض النظر عن اي شي اخر

[صامل العصيمي]

والله إنا حزام جمبك يالبناحي = لين ماتصعد بنا فوق العوالي
لا تفكر فالرياح وفالمناخي = أنت راسي مثل ماترسي الجبالي
ماتعرف الدانية وإيا التراخي = عملتك دولار غيرك بالريالي
أفتخر بك فالمجالس يالبناخي = وتاقف لشخصك طوابير الرجالي





رشح2

[حمود بن خيشوم العصيمي]

يستاهل وعقبال اللقب

وخالد شاعر والحين وقت الوقفه بغض النظر عن اي شي اخر


ولد منعر

تسلم كلامك في محله لاهنت

[حمود بن خيشوم العصيمي]

والله إنا حزام جمبك يالبناحي = لين ماتصعد بنا فوق العوالي
لا تفكر فالرياح وفالمناخي = أنت راسي مثل ماترسي الجبالي
ماتعرف الدانية وإيا التراخي = عملتك دولار غيرك بالريالي
أفتخر بك فالمجالس يالبناخي = وتاقف لشخصك طوابير الرجالي





رشح2



صح لسااانك صامل العصيمي ويعطيك العافيه

[ولد منعر]

ياعتيبه ماقفٍ ماعنه صده
قام ينخاكم ولد قطم المحازم

كل رجالٍ يمد الي يمده
التلاحم طبعنا وقت اللوااازم


ضيف الله بن حميد

[فهد بن جميل العتيبي]

التصويت حرام

[حمود بن خيشوم العصيمي]

ونعم ولد منعر والله يرحم ابن حميد

[حمود بن خيشوم العصيمي]

فهد بن جميل العتيبي ابو جميل يقول صوتوا لشعرائكم

[فهد بن جميل العتيبي]

!!!!!!!!!!





أولاً ابو جميل كلامه ليس عن الله ولا رسوله حتى ناخذه




ثانياً أبو جميل يمشي على آلية البرنامج وهذا اللي يبونه أصلاً

بالعربي











يبون فلوووووووووووووووووس








أخذوا فلوسكم في شاعر المليون عيني عينك ويبون ياخذونها سنوي ربعك اعجبتهم فكرة نشوة الرويني من باب الحميا و خدمة الموروث وهالخراط الفاضي اللي مايقدم ولا يؤخر الا نقص في المال و العقل عذراً على هذا الكلام

[صامل العصيمي]

ياعتيبه ماقفٍ ماعنه صده
قام ينخاكم ولد قطم المحازم

كل رجالٍ يمد الي يمده
التلاحم طبعنا وقت اللوااازم


ضيف الله بن حميد


بيتنا عامر ولا واحد يهده=والعصيمي عند كسب السيف جازم
والله إنا للمراجل والأشده=وإن نصيناها نكمل كل لازم


والوعد غداً الإثنين إن شاء الله

رشح2

[حمود بن خيشوم العصيمي]

صح لساااانك ياصامل وافي يابن عاصم وافي

[حمود بن خيشوم العصيمي]

اخر أيام التنافس واستلام السيف
ليت خالد ليت خالد شاعر المعنا