اقرب شاعر / حياهه

[صقر نايف العتيبي]

سلام والدعوى تراها تنعرض في كل دار=وانا حضرت اناقش الدعوى .. وابي شاعر فطين
لصارت ارواح الاوادم تنشرى بـ / الأعتذار=يالله عسى لامن قتلني واحدن .. عذرة سمين !!

[نواف نايف العتيبي]

صح لسانك على هذه الابيات والمعنى الراااائع
و صح لسان قبيلك مقدماً
متابع

[سعود بطيحه]

دام البقى وانته من رجال لها قــــدر وقار
والطيب اللي مثلكم ياالقى رجال طيبين
لاكن خل الساريه تمشي على ضوح النهار
بيع البضاعة يالعتيبي وخذ مني لك ضمين

[سعود بطيحه]

وين انت ياصقر الحباري طار صيد الطير طار=الله يجيب الصيد والفتة من اللي قانصين
ان كان عندك رحلة طيارتك جات في المطار=الله يستر من الرهابي لايحــط لها كمين

[صقر نايف العتيبي]

الطيب فينا كلنا .. واللي على الأمة يغار=مايترك الدعوى .. وياقف دونها بـ / متنن متين
انا ممشيها ف دربي .. مير ياقصر المدار=بانت ف عين الناس مير ف نظرتك عيّت تبين !

[صقر نايف العتيبي]

اعتذر عن التاخير لاني ماكنت عند الكمبيوتر

[سعود بطيحه]

تسلم ياغالي

[سعود بطيحه]

نظــــراتنا ياصاحبي اوضــح من ايام النهــار=لاكن لاعور مايشوف الابنص العين عين
احذر من عيون الشجيع اللي تقادح به شرار=يذبحك بسكين يارجال من تحت الوتين

[سعود بطيحه]

وينك ياغالي الرسل؟؟

[سعود بطيحه]

السيف حطه في يمينك لاتحطه في اليسار=وانته من العراف يانايف وسيد العارفين
العب معي شطرنج وحلل مادفعته في القمار=والله يغفر ذنب سني مايغفرللمشركين

[سعود بطيحه]

ابطيت ياالغالي وانا عندي مسراء وخيرها بغيرها

[صقر نايف العتيبي]

انا لي نظرتن عليا واقيّم صغار وكبار=ولا انت تضويها يسار وغايت المسرى يمين
ليتك مخلي حملنا تشتاله رجالن خيار=يومن لاظهرك يشد ولا معك قوة يدين

[صقر نايف العتيبي]

نظــــراتنا ياصاحبي اوضــح من ايام النهــار=لاكن لاعور مايشوف الابنص العين عين
احذر من عيون الشجيع اللي تقادح به شرار=يذبحك بسكين يارجال من تحت الوتين



حياك ياخوي سعود .. لكن ابياتك فيها كسر في عجز البيت الثاني ،، وشكرا

[سعود الازوري]

ليتـك*مخـلـي*حملـنـا*تشتـالـه*رجـالـن*خـيـار. . يومـن*لاظهـرك*يـشـد*ولا*مـعـك*قــوة*يـديـن


الله الله بيت جزل من شاعر جزل

[نواف نايف العتيبي]

وراك شغلت التماتيك يا سعود بيتين بيتين
هناك عدم توافق في المعنى وابيات تحتاج الى مراجعة وزن وهي :
ابيات سعود
-ان كان عندك رحلة طيارتك جات في المطار=الله يستر من الرهابي لايحــط لها كمين
-العب معي شطرنج وحلل مادفعته في القمار=والله يغفر ذنب سني مايغفرللمشركين
بالاضافة لتكرار كلمة ( النهار)
ابيات نايف
-انا لي نظرتن عليا واقيّـم صغـار وكبـار
تقبلو رأيي و تحياتي

[سعود بطيحه]

شكرا للجميع عامه ونواف خاصه على الملاحظه والى فيها خلل من كتابتي ضعيفه شوي