رسمة تـلاعـيـبـه

[طير المراقيب]

الا يازين فكري صار يلعبي@ولا ادري يا غلاهم ويش اسوي به
إلى منه لفاني ضعت عن دربي@ ويمشي بي على رسمة تلاعيبه
وتعبت ولا لقيت الوصف والطبي@ ولا يرتاح فكري لين اغني به
ويقول انك غلاي وساكنٍ قلبي@ ولا غيرك يجي طيفه وأهذري به
واقول إنك بعد ما بعدك الحبي@ إذا غبتي خيالك دايم اسري به
ويعلم بالخفايا ربك وربي@ سكنتي فالضمير ولا تسلي به
عيونك تسحر عيوني وتبحر بي& وزولك كل ما شفته اهلّي به
أهلّي بك ولو ما كنت في جنبي@وأحب اسمك واحب اللي مسمي به
عساني في ضميرك ساكن ٍحبي@ واذا ماهوب ساكن ٍ ويش تبغي به
وببكي كلما شفتك على دربي@ وبنقش فالصخر حبك وتعذيبه