اقرب شاعر

[فلاح الواهبي الشهراني]

سلام في الديرة اللي مغتشيها الضلام*****الخير من حولها والطيب برجالها
الحي فعله ظهر واللي رحل للرحام*****ياراعي البيت بيبانك جب اقفالها

[فهد بن جميل العتيبي]

في ديره أنوارها تعمي عيون النعام * ** * يرحب بها اللي يعز الدار وجمالها

الحي يحيي بلد و اللي رحل مايلام * ** * واللي بعدها نفك الزمل بعقالها

[فلاح الواهبي الشهراني]

اليوم هجرة صقور العام هجرة حمام****والكلمة الطايشة يالعنبو فالها
ان كان نايم نصيحة صحصح ولاتنام*****ام الكباير عليكم تفتل احبالها

[فهد بن جميل العتيبي]

أم الكباير لها فكرن يعكس النظام * ** * الله يكرم رجال عدلوا حالها
فلاح كنا انتمنى انه على مايرام * ** * عساه سالم من الدعوى وموالها

[فلاح الواهبي الشهراني]

انته حديث العهد ماتنلحق بالملام*****والصادق اليا نشد عن هرجة(ن) قالها
اليا لفاك المطر قلنا تمام االتمام*****واليا جفاك المطر ديرتك من عالها

[فهد بن جميل العتيبي]

السيل سايل لكنه في ديركم وخام * ** * ماينبت الا نبات(ن) يهري أعيالها
الحل يبغى رجل يضيم ولا يضام * ** * واللي سواتك يخلي الناس واعمالها

[فلاح الواهبي الشهراني]

اديارنا وسطها شيمة وقوم(ن) كرام****خلك على وزنتك واحذر تميالها
ياصاحبي تبني اقصور(ن) وكله حلام****الناس تجفل من الواقع بعد جالها

[فلاح الواهبي الشهراني]

فهد بيض الله وجهك وصح لسانك تشرفت بلقائك والى اللقاء وعسانا نحيي المنتدى شوي

[فهد بن جميل العتيبي]

وجهك أبيض

يا فلاح الواهبي



تشرفت باللعب معك