بعد غياب طال

[ابو شرف]

سلام الله عليكم والعذر مني على التقصير
وهذه سنة الدنيا من اولها ليا آخرها
انا الليلة نويت العب واحط الدلو فوق البير
ولا نبغا نطولها ولا نبغا نقصرها

مساااااااء الخير ،، :)

[فارس المورقي]

مساء النور وحياك الله


هلا يامرحبا يا غايب ٍ عنا عساك بخير= عسى ماباس غيباتك علينا لا تكررها
نبا ناخذ علومك كلها والي يصير يصير = تطلعها نطلعها تحدرها نحدرها

[ابوهجر]

صحت الالسن ولكم متابعين

[ذعير العالي]

صحت السنتكم

ومتاااااااااابع

[ابو شرف]

انا ماني من اللي يخلط الفضة مع القصدير
وابو حيلات حيلاته عليه مايمررها
ياكم من شاعر وده لكن يخونه التعبير
طبيعة والطبيعة ماحد يقدر يغيرها

اآسف ع التأخير..

[فارس المورقي]

انا ماشفت لك جرٌة ولكنً المواري خير = ولقمة في يدينك يابو شرف لاتكبرها
على ماقيل كلن فوق راسه مايحوم الطير = ولا كل الطيور تطير لو انك تطيرها