قاسي العتيبي
15-Dec-2012, 11:20 PM
السلام عليكم ورحمة الله وبركاته
لازلت مواصل في تزويدكم بمحاورات الشعراء العمالقة إليكم هذا الطاروق..
فلاح القرقاح
في حلة عيال مفلح مرحبا بالرجال
اللي على كل طالة تبذل جهودها
أحدن يحب القمر وأحدن يحب الهلال
وأحدن يبا نقصها وأحدن يبا زودها
عبدالله العير
تبقون يا أصحابنا الغالين في كل حال
من شاعرن كل هرجة يعرف حدودها
خلك على ماتبا والعلم أظنه شمال
مزنة هل الخير قامت ترجف رعودها
فلاح القرقاح
يالعير بين النشاما مايضيق المجال
والقوم معروف حاويها ومردودها
بعض الرياجيل لامكسب ولا رأس مال
الحقد في قلوبها والغل في كبودها
عبدالله العير
إن طعتني خل لك كبدن تشيل الجبال
وارتاح في شجرة ن ماينهزع عودها
لو ألتفت فالجمال وفي عيال الجمال
ماجبت للحمل شامخها ومفرودها
فلاح القرقاح
بعض العلوم الثقال الموجعة ماتشال
يلحق ضررها عظام الناس وجلودها
اللي يحب الغضب والتفرقة والجدال
يقرب من أمات تاج يشم بارودها
عبدالله العير
اللي يبرك ذلوله فوق جحر النمال
خله لعله يشيل النمل بعضودها
الدلة الطيبة تعجبك بين الدلال
تقطع ضرم كل كبدن تزرق لهودها
فلاح القرقاح
إن كان مافاد خشم السيف خشم الريال
يقدر يسوق الجمال الصهب ويقودها
يوم اعتمدنا النوايا الواضحة والجلال
ضاقت علينا ذياب الضلع وقرودها
عبدالله العير
يابو محمد ليا عينت رزق ن حلال
دور لنا حجة ن ماتثبت شهودها
اليوم ماكل رأس يحط فوقه عقال
أزريت فالناس طاردها ومطرودها
فلاح القرقاح
الطيب اللي ثبت طيبه على كل حال
والخيب اللي يدينه تلطم خدودها
من طاوع ابليس والحيلات والاحتيال
ماتوه ألا رجال ن تقدح زنودها
عبدالله العير
اللي يبا يارد الجمة بليا حبال
لايعترض للعرب يشحذ من ورودها
لازلت مواصل في تزويدكم بمحاورات الشعراء العمالقة إليكم هذا الطاروق..
فلاح القرقاح
في حلة عيال مفلح مرحبا بالرجال
اللي على كل طالة تبذل جهودها
أحدن يحب القمر وأحدن يحب الهلال
وأحدن يبا نقصها وأحدن يبا زودها
عبدالله العير
تبقون يا أصحابنا الغالين في كل حال
من شاعرن كل هرجة يعرف حدودها
خلك على ماتبا والعلم أظنه شمال
مزنة هل الخير قامت ترجف رعودها
فلاح القرقاح
يالعير بين النشاما مايضيق المجال
والقوم معروف حاويها ومردودها
بعض الرياجيل لامكسب ولا رأس مال
الحقد في قلوبها والغل في كبودها
عبدالله العير
إن طعتني خل لك كبدن تشيل الجبال
وارتاح في شجرة ن ماينهزع عودها
لو ألتفت فالجمال وفي عيال الجمال
ماجبت للحمل شامخها ومفرودها
فلاح القرقاح
بعض العلوم الثقال الموجعة ماتشال
يلحق ضررها عظام الناس وجلودها
اللي يحب الغضب والتفرقة والجدال
يقرب من أمات تاج يشم بارودها
عبدالله العير
اللي يبرك ذلوله فوق جحر النمال
خله لعله يشيل النمل بعضودها
الدلة الطيبة تعجبك بين الدلال
تقطع ضرم كل كبدن تزرق لهودها
فلاح القرقاح
إن كان مافاد خشم السيف خشم الريال
يقدر يسوق الجمال الصهب ويقودها
يوم اعتمدنا النوايا الواضحة والجلال
ضاقت علينا ذياب الضلع وقرودها
عبدالله العير
يابو محمد ليا عينت رزق ن حلال
دور لنا حجة ن ماتثبت شهودها
اليوم ماكل رأس يحط فوقه عقال
أزريت فالناس طاردها ومطرودها
فلاح القرقاح
الطيب اللي ثبت طيبه على كل حال
والخيب اللي يدينه تلطم خدودها
من طاوع ابليس والحيلات والاحتيال
ماتوه ألا رجال ن تقدح زنودها
عبدالله العير
اللي يبا يارد الجمة بليا حبال
لايعترض للعرب يشحذ من ورودها