ياليل ابومشعاب كان انّه سراه .......

[المسرّي]

السلام عليكم

مبطين ما لعبنا يابومشعاب
ويشرفني والله اللعب معك والاستفاده منك
خاصه ان الله جاب موضوع للمحاوره
استلم طال عمرك :


جيت والنيه عليكم يا شبابه
غير ابومشعاب ,واحد من عتابه
صك بابه والا كان اصك بابه
والحقيقه مانبي غير الحقيقه



ياليل ابومشعاب كان انّه سراه=حقق مطاليبي واحقق مطلبه
اللي نهض في ماقفه ولا احتماه=تقصّر يدينه ويحلق شاربه

[محمد العتيبي]

المسري مرحبابك ياذيب

وهذي الساعه الطيبه ياطويل العمر واستلم :




جيت من حرتك ولا من تهامه

يالمسري حمد لله با لسلامه

والعتيبي لا تلحقه الملامه

والحقيقه لا تقول الا الحقيقه

حنا ليا قمنا نحقق ما تباه ***** يالغامدي ماضاع حقن ترغبه

ان كان ماللناس من قاضي قضاه **** ينصاه لامنه بغاه بمكتبه

[((الدلبحي))]

المسري + ابومشعاب

بدايه موفقه وانا في صف المسري اليوم

تحياااااااااااااااااتي

[محمد العتيبي]

حياك ربي يالدلبحي وكلنا اخوان

[الـقناص]

اللي نهض في ماقفه ولا احتماه==تقصّر يدينـه ويحلـق شاربـه
سلمت ينماك يالغالي
المسري إبداع قاف طيب
ولا يهون اخوي ابو مشعاب
وانا في صف المسرّي اليوم وكل يوم


والله يعطيكم العافيه

[المسرّي]

الله يبقيك يابومشعاب واستلم :


ما نلوم مرحّب رحب وهلّى
لومنا للي عن الموقف تخلّى
ماحدن جا للمواقيف يتسلّى
والحقيقه مانبي غير الحقيقه



اجل تعيّن للمريض وشف دواه=قدام لا نتعب وراه ونتعبه
وانا ترى باعفي عنه وادمح خطاه=لكن جا غيره بعير باشعبه

[المسرّي]

الدلبحي

على العز دوم

واتشرف بوجودك

[المسرّي]

القنااااااااااااص

غير مستغرب عليك

الله يبيض وجهك

الله يحييييييييك مليون

[فيصل المسعودي]

المسري


ابو مشعاب


تحياااااااااااااااااتي ووواااااصلووووا

[محمد العتيبي]

استلم يالمسري استلم والله يعين

خلووووووووووووووووووهااااااااااااااااااا



شايفلي برق من فوقك يلوح

يالمسري زايدن فيك الجروح

والرجال احيان ماتقبل مزوح

و الحقيقه قلتها لك با لحقيقه



باذن الله الوالي لقينا له شفاه ***** يالغامدي سهلن ولا نستصعبه

احسن يروح ابعيد لديار السراه **** من لا يريدك يا ولد لا تصحبه

[خلف بن مرزوق]

المسري و ابو مشعاب

الله يعطيكم العافيه

وعساكم على القوة

تسجيل حضوري

واعجابي بهذا الشطر لابو مشعاب

جيت من حرتك ولا من تهامه

[المسرّي]

هلا واستلم والمعذره على التاخير:


شايفٍ لك بارقٍ ماسال سيله
والمسرّي مسرجٍ للحرب خيله
وضايع الاخلاق بندوّر بديله
والحقيقه مانقول الا الحقيقه


اللي مقفّي مانبي نطرد وراه=يروح وان عوّد نجيب اله سببه
الكفو جزل الفعل مايصعب علاه=واكيد ابومشعاب يعرف صاحبه


والقفله عندك يابومشعاب
لاني والله مشغول الاسابيع الجايه
ولا اقدر اجي الله يطوّل عمرك
وبيض الله وجهك يابومشعاب
ودمت على المحبه نفدااااااك

[المسرّي]

فيصل المسعودي
بيض الله وجهك والله يحييك

خلف مرزوق
وانا والله معجب بحضورك وتعليقك

واعجابي ايضا بابومشعاب وابياته ومعانيه

وجعلها فدا روسكم

[محمد العتيبي]

الشكر الجزيل لجميع من حضر

وما قصرتوا وبيض الله وجيهكم ... ودائما عند حسن ظن الجميع .

[محمد العتيبي]

خلف بن مرزوق

مرحبابك يالطيب .... وحضورك داخل القلب ... ولاهنت يالغالي .

[محمد العتيبي]

المسري جعلك ذخر يالغالي

وجعلنا ما ننحرم من سعة الصدر والرحابه اللي فيك وكما عهدك استاذ ومعلم

واتحفتنا بالطاروق الجميل وانا كذلك والله اني منشغل ..



المشاكل واجده والها حلول

وحلها موجودعنداهل العقول

وما يزيد المشكله غير الخبول

والحقيقه مانبي غير الحقيقه


اللي يبا الثمره يطالع فالنواه *** اليا زرعها بطيب صارت مكسبه

اللي ورد فالجم دلوه ماملاه *** معروف عند الناس حذرا تكتبه



وتحياتي للجميع وشكرلكم .

[تذكار هايم]

المسّري

أبو مشعاب

يعطيكم العافيه

[محمد العتيبي]

تذكار هايم

مرحبا ياحبيب قلبي ..... عسانا ما ننحرم من طلتك الحلوه .