مساكم الله باالخير

[الفايدي]

بعد جينا عتيبه عبر الاقمار الصناعيه = سلام الله سلام(ن)منه يسلم كل نصراني

انا ماارضى مسمى للبلد غير السعوديه =ولا ارضى للجبال الشهب غير الذيب سرحاني

[نواف نايف العتيبي]

صح لسانك
وننتظر قبيلك وصح لسانه مقدماَ

[فهيد الايدا المورقي]

الفايدي صح لسانك

ننتظر قبيلك


تحيتي

[ابن تمران]

هلا يامرحبا واقلط عند من ضوهم حيه>>>وترحب بك جدور البيت وي الساس واركاني


وانا مسلم واعبدالله واصلي فرض وضحيه>>>وماهمني صيني سعودي اويثور بركاني

[الفايدي]

يدوم العز لهل العز باالروحه وباالجيه = وانا شاعر وابى شاعر يعرف يلحن الحاني

انا وشلون اواصل طرقتي بين الحراميه = ليامني زهمت الاولي جاوبني الثاني

[البتّار]

مبدع يالفايد صح لسانك ننتظر جديد الحانك :)

[ابن تمران]

يدوم العز لهل العز باالروحه وباالجيه = وانا شاعر وابى شاعر يعرف يلحن الحاني

انا وشلون اواصل طرقتي بين الحراميه = ليامني زهمت الاولي جاوبني الثاني



لو حن تقابلنا وجيه او هي رسايل صوتيه>>>كان بان الي ركوبً والي بعيرً زوماني

والي يجي برخال ولا بالتيوس الهنديه>>> ماطمع به ذيب الخلا ولا حناشل سرقاني

[نواف نايف العتيبي]

ابن تمران مع الاحترام والتقدير اعلم أن صديقك من صدقك واستمع إلى رأيي أن اعجبك فبها و إن لم يعجبك فأرمي به في البحر ولا تلقي له بالاَ
ارى أن أبياتك مكسورة
رأيي وقد اكون على خطأ
أتمنى أن تتقبل وجهة نظري حتى و إن لم تأخذ بها
تحياتي لك

[ابن تمران]

ابن تمران مع الاحترام والتقدير اعلم أن صديقك من صدقك واستمع إلى رأيي أن اعجبك فبها و إن لم يعجبك فأرمي به في البحر ولا تلقي له بالاَ
ارى أن أبياتك مكسورة
رأيي وقد اكون على خطأ
أتمنى أن تتقبل وجهة نظري حتى و إن لم تأخذ بها
تحياتي لك


بيض الله وجهك ووجهة نضرك على عيني وراسي ومنكم نستفيد ان شالله

بس احيانا وانا اخوك ابيات تنطبق على لحن معين وتمشي مع الشاعر الي يرد


ومايكون مطابق للحن خويه وانا مشيت على لحن محاوره لصياف ومطلق الله يرحمهم واموات المسلمين

الي يقول فيها

يامرحبا في الحزه الي شانها شانن عظيم >>> من شاعرن ساري على معناه والساري سرا


ويمكن على هاللحن مايكون فيه كسر من وجهة نضري وسلامتك وليله سعيده ان شالله نواف

[نواف نايف العتيبي]

بيض الله وجهك ووجهة نضرك على عيني وراسي ومنكم نستفيد ان شالله

بس احيانا وانا اخوك ابيات تنطبق على لحن معين وتمشي مع الشاعر الي يرد


ومايكون مطابق للحن خويه وانا مشيت على لحن محاوره لصياف ومطلق الله يرحمهم واموات المسلمين

الي يقول فيها

يامرحبا في الحزه الي شانها شانن عظيم >>> من شاعرن ساري على معناه والساري سرا


ويمكن على هاللحن مايكون فيه كسر من وجهة نضري وسلامتك وليله سعيده ان شالله نواف

وجهك ابيض وحنا هنا نستفيد من بعض والدعوى وناسة ما حنا في حرب
ولولا هقوتي فيك الطيب كان جاملتك مثل غيري ولا استفدنا كلنا

[الفايدي]

يعطيك العافيه يابن تمران

وانا مع الاخ القدير نواف فيما قال اما باالنسبه للحن صياف ومطلق

بحر ثاني وانت لم تصب اي بحر منها مع فائق احترامي وتقديري لشخصك الكريم

[الفايدي]

الاخ فهيد الايداء
والاخ نواف
والبتار 00000000اشكركم على مروركم

[ابن تمران]

يعطيك العافيه يابن تمران

وانا مع الاخ القدير نواف فيما قال اما باالنسبه للحن صياف ومطلق

بحر ثاني وانت لم تصب اي بحر منها مع فائق احترامي وتقديري لشخصك الكريم


الله يعافيك وانا ماعرفت للحن لانه جديد علي وانا برضو جديد ومبتدي في القلطه

وماحضرت هنا الا بستفيد والسموحه كان عفسنا طاروقك ومتصفحك



اعتذر منك ومن الاخوان جميعا ويوم سعيد ان شالله