نعومة الحرير

[عثمان الثبيتي]

الجادل اللي نعومة جسمها كالحرير= ماشاب حبي لها لوشاب ريش الغراب
حبي لها قايضته بحب مثله كبير = الله جعل بيننا ود وغلا وانجذاب
لو ان بنات حواء بالبسيطه كثير =ماطاب لي غيرها من ناقشات الخضاب
اكاد لاشفتها من زود الافراح اطير =واحاول اثقل وادقق مفردات الخطاب
اطبق اللي من المفروض لازم يصير =كرزمة الضعف عنها افضل الاجتناب
تقول ياقو قلبك ياعديم الضمير = قلبي تقطع على شوفتك باثنا الغياب
كل ليل وانا اتحرالك وموقي سهير = اتخيلك كل مايطرق على سرع باب
واقول ياقرة العين وضياها المنير = من شان شوفتك محسب للمخاطر حساب
ماردني عن حضوري غيرضرفً خطير=مير العذرمنك مطلب بالخطا والصواب
يامالحقني من الحرمان برد وهجير = خطاء تصرف حصل مدري من الله عقاب
ابدي طقوس الفرح واون ونت كسير = واعيش من دون شوفك وحشةً واغتراب
لكن صابر على الشدات صبر البعير=لوان قلبي بنار الشوق عليك ذاب
والفرصه اللي تجمعنا مداها قصير = وانتي قضيتي على ثلثينها بالعتاب
خليني ارد على جم القراح الغزير = واروي ضما كبدي اللي منه ذقت العذاب
وتقول تامروانا انفذ وبرضاك اسير =خذ ماتبي ياحبيبي بعد ما الوقت طاب
هذا خلاصة تفاعلها معي والمثير =لو اجمعه منه للعشاق اولف كتاب
وشلون ما احفض غلاها واعتنيبه واصير= وافي ومخلص لها لين انقبر بالتراب
اللي ملامس جسدها ناعمه كالحرير = ماشاب حبي لها لو شاب ريش الغراب

[راعي القوافي]

عثمآن الثبيتي قصيده غزَّليه ولآ أروع منهآ , ما شآآآء الله على إبدآآآعكـ الفذ.. شآعر مبدع ترسم المعنى على الحرف الخفيف غير المتكلف.. الله يعطيكـ العآآآفيه..



تقبل ودي قبل ردي يا الثبيتي ..~

[ابن ركيبين]

صح لسانك يالثبيتي

[فيصل مطر]

صح لسانك يامبدع

[مطلق الثبيتي+]

يامالحقـنـي مــن الحـرمـان بــرد وهـجـيـر ++ خطاء تصرف حصل مدري مـن الله عقـاب
صراحة بيت رائع وتعبير خيالي في غاية الرقي اوصلت فيه الفكرة بشكل متفرد صح لسانك