ماجد الهذلي...جالس تالي الليل......

[فراج القرقاح]

اشوف ماجد جالس ٍ تالي الليل= مدري يحسب النجم ولا علامه
البارحه جالس يجر المواويل=واليوم يالله ياعساها سلامه

[ماجد الهذلي]

يالداهيه حلل وأنا أعطيك تحليل = لا تلبس عقالك بدون العمامه
إن كان بانت لك علوم ومراسيل= كل ٍ فوقت الجد يكرب حزامه

[فراج القرقاح]

قالوا لنا العربان لاتامن السيل=السيل ياخذ مالقى من جهامه
وانته حذاري غير توك دهاويل=وكلٍ على ماقيل وقت العسامه

[ماجد الهذلي]

السيل شالك وأنته تحط وتشيل = والميت اللي مات بعثر عظامه
عطني علومك يا قليل المحاصيل = لن كنت تدري بالكرم والشهامه

[فراج القرقاح]

السيل جاله يالعتيبي تحاويل=والصبح لاأصبح جاك ليل بظلامه
ماهي علوم ٍ لك ولاهي بقاويل=وشعيل ممسوك ومقيد خطامه

[ماجد الهذلي]

يا ولد هذا عنوان موضوعك

ماجد الهذلي...جالس تالي الليل......

العتيبي اللي تقصده وينه ؟؟


الداهيه هذا علومه تهاويل= والليل لو يظلم عرفنا نظامه
أقلط على فنجال من بن ٍ وهيل = وأشعيل لا تقربه يفجع سنامه

[فراج القرقاح]

اسف على التاخير كنت اصلي.....والعذر من الله ثم منك ابي اعدلها ولازاد جات....
استلم....

ياماجد الهذلي ترا نجمك سهيل=لن طاح يسهل على الارض التهامه
تعال يالهذلي وسوق الفناجيل=من دلة ٍ يحرم عليها الهلامه

[ماجد الهذلي]

عادي المحاوره ماهي مباشره

وما حصل إلا خير


يالداهيه حذرى تجيب الأقاويل = وأنته تلوم ولا تجيني ملامه
الضيف له واجب وله حق تكميل = ومنته غشيم ولا تجيك الغشامه

[فراج القرقاح]

الله يحيك ياماجد واسعدني اللعب معك يالغالي...وللعلم (الاقاويل)قد سرت...
والدعوى وسعة خاطر
استلم...

الداهيه يعرف يكيل المكاييل=والسالفه ماهي حراب وزعامه
ياشيخ ياللي ظالم ٍ بالمعادييل=كب التعجرف لاتجيلك سهامه

[ماجد الدغيلبي]

الله الله


متاااااااااااااااااااااابع


الداهيه وماجد الله عليكم

[ماجد الهذلي]

أنته من اللي فالهوى بالمناديل = خشم الصبيه ما يزين بزمامه
الخوف خلخل قلبك اليوم تخليل = وإن صمت نص الشهر تكسر صيامه

[محمد العتيبي]

الداهية + ماجد الهذلي


ماقصرتوا ..... طاروق طيب وجميل ..... واصلو الله يعطيكم العافيه .


ولكن الله يجيب الصفوف ..... قولو امين ... هههههههههههههه


تحياتي لكم ............... ابو مشعاب

[فراج القرقاح]

انته كما حنتور صادف غرابيل=والبايره حطت عليه الرخامه
الخوف شفته في عيونك هماليل=يومك تغط الراس مثل النعامه

[فراج القرقاح]

ماجد الدغيلبي....

ابو مشعاب....

الله يحيكم ولا يهينكم على المرور....

شكري وتقديري....

[فراج القرقاح]

الاستاذ والشاعر والاخ ماجد الهذلي......

اشكرك على المحاوره الجميله...وصح لساااانك واسمحلنا على القصور....والى لقاء اخر ان شاء الله....

شكري وتقديري....

[ماجد الهذلي]

أي أستاذ أنا على قد حالي يالغااالي

ولا حصل منك قصور ولا شي

الشكر موصول لك

تحياااتي