ســــعر بسكوت !!!

[مقبول الشيباني]

حبيت بعض الناس قام ايتغلا=وهو يحسبني من تغليه ابموت
مايدري ان اللي ايتغلا يخلا=تكبه العربان ويصير ممقوت
والقلب لامنه من الحب ملا=ماعاد يرجع لوتصيح اله بالصوت
لو كان شريانه قبل قد تملا=من عشقه وكل الغلا فيه مكتوت
يعاف واليا عاف فاق وتجلا=وصبح غرام اللي سكن فيه مبتوت
يرخص عليه اللي قبل فيه حلا=ولاعاد يسوى اللي جحد سعر بسكوت
خلاص حبك ياهوى البال ولا=لو كان لذت حبك احلا من التوت
تراك منت بكنز قارون كلا=ولا انته بلولون ولا انته بياقوت
لو زنت بنيتلك فالقلب فيلا=لاكن شنت وشتك من الحشا شوت
همك تلاعب بالخفوق وتسلا=قلبي تلفزونن وحضرتك ريموت
اتقلبه كنه على جنب ملا=ونته هواه وماه والشمس والقوت
مرات ترخيله ومرن تتلا=لين العقل عود من الوضع مفلوت