المساعد الشخصي الرقمي

مشاهدة النسخة كاملة : إهداء إلى سمو الأمير/بندر بن محمد بن عبدالله آل سعود


وصل الشهيب
14-Oct-2012, 02:14 AM
بمناسبة تشريفه حفل زواج الشاب/خالد بن إبراهيم بن محمد الشهيب الثبيتي



يامرحبا ونكرر الترحيبه=عداد ماهبت هبوب النود

ترحيبةِ يامير بإسم عتيبه=أهل الوفا واهل والجود

حفلٍ حضرتوا به حفل ياطيبه=يابندر إبن محمد آل سعود

تاريخكم كل البشر تدري به=ألف ونعم ولا عليكم زود

يابن الملوك أهل الفعل والهيبه=أنواركم تجلا الليال السود

شيخ القبيله شوفك ايهلي به=الشيخ إبن سالم عريب جدود

مقدمك كل العزوه إتحيًي به=وأحمد وخالد رحبهم ممدود

ورايد يفيد الطيًب ويحري به=نسيبنا من ضمننا معدود

والرحب شامل كل شاب اوشيبه=للي حضرنا نبذل المجهود

حيَيت يامير الكرم والطيبه=ياعداً بوقت الضما مورود

أنتم لنا مرقاباً إنعدًي به=وحنا لكم وقت اللزوم جنود

في ظلكم من دون شك او ريبه=عبدالله وسلمان ذخر العود

لجل الوطن غالِ العمر نسخي به=كيد العدا بنحورهم مردود

دون الوطن نرمي الهدف ونصيبه=حرق العدو بالنار والبارود

نخدم حرم مكه ونخدم طيبه=نستقبل وفود ويروح وفود

ماهمنا النمام راع الغيبه=واللي بنعمه دائماً محسود

ويامرحبا ونكرر الترحيبه=يابندر إبن محمد آل سعود

ولـد الـهـيـلا
14-Oct-2012, 07:07 AM
صح لسانك يابو محمد
و الأمير يستاهل .. ولاهي غريبه عليكم

وصل الشهيب
16-Oct-2012, 06:51 PM
صح لسانك يابو محمد
و الأمير يستاهل .. ولاهي غريبه عليكم


ولد الهيلا

تسلم والله ولا عليكم زود

أشكرك

تحياتي

فهيد الايدا المورقي
16-Oct-2012, 11:28 PM
وصل الشهيب صح لسانك


تحيتي

ابن سلوم الهيلوم
19-Oct-2012, 10:50 PM
صح لساانك ياوصل وصل شاعر اصل وفصل

ولا هو غريب عليه الابداع

ياسين
19-Oct-2012, 11:00 PM
صح لسانك ،

شفاي ابن بشيّر
22-Oct-2012, 09:38 AM
صح لسااانك ياوصل الشهيب

وانت شاعر غني عن التعريف وشهادتي فيك مجروحه

بيض الله وجهك ويستاهل الامير وانت تستاهل الطيب

وصل الشهيب
28-Jan-2013, 01:39 AM
صح لسانك يابو محمد
و الأمير يستاهل .. ولاهي غريبه عليكم

هلا والله ولد الهيلا

تسلم والله

اشكرك

تحياتي

شاعر الدرع العربي
12-Feb-2013, 09:11 AM
صح لسانك شاعرنا القدير
خير من يرحب بأسم القبيله
قصيدة وافيه من وافي
تقبل مروري