الاد العصيمي

[حمود بن خيشوم العصيمي]

الاد العصيمي من طويرق ليا بسلان=رجال تشوف الموت مابين اياديها
وحنا لها ليا منه لجلج النيشان=بصاف الحديد اللي عطيب مراميها
ولا يارسيلي فوق مشتدة الذرعان =على شان ماينشد عن الخوف راعيها
ليا نكبت بالبرث تلقى ولدزيدان=ونوخ ذلولك عندهم لاتعديها
ابو مزنه اللي فالقسا يكرم الضيفان =والدلال الصفر منحره هيلها فيها
لا نصاه الضيف يذبح له من سمين الضان =ويقضي حاجته عزالله مايخليها
هذه القصيده وجدتها وبها مسميات من ديار العصمه وواسم ولقب أحد مشايخ قبيلةالعصمه وهو الشيخ نشأ ابن فاهد (ولد زيدان)ولقبه ابو مزنه وهو الشيخ ومقطع الحق المعروف شيخ الشفعان

المسميات :من طويرق أي من ديار طويرق ويعني بذلك وادي القيم وبه مزارع وقرى العصمه البخاتين والغنامين وذوي معيوف والسحور
بسلان : مادري يقصد بسل او بسيان وأعتقد بقصد بسل وبه الشفعان والحمارين
البرث: جبل معروف بوسط ديرة العصمه يبعد عن خط حظن من ساموده حوالي 8كم

السؤال من القائل؟
وياليت من يحفظ القصيده يكملها او يصوب الاخطاء ان وجدت بالقصيده

[فهد الزهراني]

انعم واكرم بالعزوة والقبيلة الين يلين الصخر

وان شاء الله تلقى من يفيدك في سؤالك اخي الغالي حمود

[فهد الزهراني]

اعتقد القصيدة اما ما كتبت صح او ادخل فيها ماليس منها

لأن فيها ابيات فيها خلل واضح في الوزن وليست على نفس القوة التي بدأت بها القصيدة

والله اعلم

[حمود بن خيشوم العصيمي]

انعم واكرم بالعزوة والقبيلة الين يلين الصخر

وان شاء الله تلقى من يفيدك في سؤالك اخي الغالي حمود


تسلم وتدوم وونعم بحالك اخوي فهد الزهراني

ان شاء الله نجد من يكمل القصيده ويصحح الاخطاء الملاحظه لان من كتبها لم يحسن كتابتها كما يجب

تحيتي فهد