وين شعار النظم

[راشد النفيعي]

بسم الله الرحمن الرحيم

يشعارنا الله يمسيكم بالخير

اذا بدأ الشاعر بقصيده . وركب معه صدر البيت وكان بيت كايف وعاكس معه قفا البيت وماطاوعه

يركب معه وصدر البيت مايركب عليه الا هذا البيت . وهي اعتقد انها حدثت مع شعار كبار حتى ان

ابوجميل عسى الله يطول بعمره دفع خمسين الف لمن يكمل احد البيوت له ؟ سؤالي لكم هل

يترك القصيده ويعذر منها ام يتجاوزها ببيت ركيك . افيدوني والله اني حيران فالقصيده وراح اتبع

شوركم

[خالد سفر العتيبي]

وين الابيات نزلها و يحكمون الشعار



ان كان القصيده ممشت لا تعسفها تخرب






متابع بصمت

[راشد النفيعي]

القصيده توني بادي فيها ماكملتها لكن هذا البيت وقف حجر عثره واعجزني لي ثلاث ليال احاول

اتجاوزه ماقدرت الا ببيت ركيك وهذا سيقلل من حماسي للقصيده ولا راح ارضى عنها

[فهد سعد الحشيبري]

ارى انك تغير القافية طالما الموضوع موجود

[خالد سفر العتيبي]

كم تدفع وكمله لك


دون الالف لاتكلمني لني امر بازمه ماليه وتخبر الدجاج غالي

[عبدالمجيد النفيعي]

أتوقع الغرض الذي تريد أن تصل إليه ختمته بالبيت هذا ماعاد له تكملة إلا أن تدخل في معنى آخر في البيت الثاني

[سعيد مرزوق العبد]

لاصار يضعف البيت اتركه كم يوم وتّفتح لك امور ماكنت اتوقعها

القصيده مرات تجيك اتعدي ومرات انت اتعدي وراها

انساها وهي تجيك

[فهد الزهراني]

هلا اخوي الغالي

خلاص حول 1500 الى خالد وانتهى موضوعك هههه

الله يسعدك

حضرت مسلما

ومتابعا بشغف لك وللاخوة هنا

تحياتي

[سعيد مرزوق العبد]

راشد هي مدح ولا ذم عشان اقدر اساعدك وان كانت غزل ما اقدر اساعدك فيها قلبي ماعرف الهوي مره

[خالد سفر العتيبي]

اعوذ بالله من الحسد



خلاص هونا

[سعيد مرزوق العبد]

اعوذ بالله من الحسد



خلاص هونا

لا والله ماهو حسد

بس يعنني وليده هههههه لازم اشارك

[راشد النفيعي]

أتوقع الغرض الذي تريد أن تصل إليه ختمته بالبيت هذا ماعاد له تكملة إلا أن تدخل في معنى آخر في البيت الثاني

ههههههههههه

ماشاء الله عليك ياعبد المجيد شاعر وفهمت المشكله

والله انك صادق اني توني بديت بالقصيده والبيت الي اريده وما تحلا القصيده بدونه يختم القصيده

في كلا الحالتين مشكور على المرور ياعبدالمجيد

[راشد النفيعي]

لاصار يضعف البيت اتركه كم يوم وتّفتح لك امور ماكنت اتوقعها

القصيده مرات تجيك اتعدي ومرات انت اتعدي وراها

انساها وهي تجيك

مرحبا سعيد

كلامك صح 100% وانا شخصيآ مجربه . لكن مستحيل تمشي لو اتركها سنه

مشكور يعطيك العافيه

[راشد النفيعي]

راشد هي مدح ولا ذم عشان اقدر اساعدك وان كانت غزل ما اقدر اساعدك فيها قلبي ماعرف الهوي مره

لاوالله ياسعيد الا فيه صاحب لي من مبطي ورماه الحظ الشين في العشق ووقفت لهم بعض

العادات القبيليه في طريق زواجهم ويوم انحلت مشاكل الرجال وعقد النكاح سار حادث على العائله

وكلهم سلمو ونجوا من الحادث وهي الوحيده التي اصيبت وتوفيت وبحكم معرفتي له قلت من

الواجب ان احضر الدفن واوقف بجانبه مسكين !! ورايت منظر حصل منه اثناء الدفن وبعده تالمت له كثير

وقبل اسبوع تذكرت الموقف هذا علما ان له سنين عديده وجامعي صدر بيت من الخلا فالخلا لم افكر فيه

ولم انوي عمل قصيده لكن البيت اخرجني عن طوعي وجعلني افكر بتكملته في قصيده وتراسلت

البيوت علي مثل خرز السبحه لكن قفا البيت الاول قافلها ولو غيرته تغيرت جميع بيوت القصيده

[راشد النفيعي]

هلا اخوي الغالي

خلاص حول 1500 الى خالد وانتهى موضوعك هههه

الله يسعدك

حضرت مسلما

ومتابعا بشغف لك وللاخوة هنا

تحياتي

مرحبا اخوي فهد مرورك اسعدني الله يبارك فيك

[البتّار]

اهم شي جود المعنى او الفكرة اذا مشكلتك في الصياغة ولاتدري بيت ماهو مفقرك :)
حطه بالمنتدى وافتح المجال الاعضاء يكملونه منها تنشط المنتدى والقسم ومنها تقضي لزومك

[راشد النفيعي]

اهم شي جود المعنى او الفكرة اذا مشكلتك في الصياغة ولاتدري بيت ماهو مفقرك :)
حطه بالمنتدى وافتح المجال الاعضاء يكملونه منها تنشط المنتدى والقسم ومنها تقضي لزومك

مرحبا اخوي التار

سبب عجزي عنها هو المعنى . المعنى يدور حول منظر عندما قاموا بهلون التراب على قبر خطيبته

وعندما نحرك من عند قبرها صرخاته وزفراته . هذه الحركات ارتسمت امامي في قصيده لم افكر

فيها وحتني هذه ما ادري منين جتني وحبيت اكمله ونا والله ماني بذاك الشاعر الي يستطيع

يطوع بيوت الشعر وقصائدي لو اجمعها متتعدا اصابع اليد لكني تركتها ولن اكملها



يافز قلبي من هوى صاحبي فز=فز الملح لاشم نار الفتيله
----------------------------=----------------------------
حطوه وسط القبر في منظرقز= وهلوا على روحه تراب النثيله
في منظرخلاه ياقف ويفتز= ويصيح للي من محله يشيله

[راعي القوافي]

صح لسانك واعتلا شانك