من قصائد ( بندر بن سرور ) الغير معروفه

[ولـد الـهـيـلا]

يامنير عمّر لي من التتن معمار
يبري الغليل اللي على القلب صالي

واليا رفعت الصوت وابديت ماصار
من شان تدري ويش زلّا بحالي

ماكفاك مني سجتي بعض الأمرار
انهج جنوب وحاجتي للشمالي

اركض مع الدنيا كما ركض دوار
ياما كسب زندي وياما غدالي

الله على اللي عايروها بالأمتار
طراز بنز وشغلت بالعدالي

زادوا هواها واطعموها من النار
حتى الامبير المنجضع صك عالي

نِشّة سما ماجربوها مع القار
طارت مطِير الطير نبع الكحالي

والله يالولا الخوف من بعض الأشرار
لا عد شيء شفته اول وتالي

كم واحد بين العماهيج هذار
مغترته نفسه بكبر الظلالي

يبلس على ربعه ويدنع يالأسوار
ويعد نفسه من حساب الرجالي

كفه بخيل وقلبه انجس من الفار
اسود طرف وادغم من السرمدالي

هذاك بعده خير للصرت بختار
أجزاه بالصدات وابعد مجالي

واليا وطتني غبر الأيام بأزوار
غيري جماعه ماوطتني لحالي

شفت الوزا وأشتلت لي منه قنطار
واليا أعتدلته شرق للغرب مالي

عبر على الدنيا من العسر ليسار
ماظنتي فيها حرام وحلالي

حرام يالفنجال سوقه ليا فار
الا على اللي يرخصون الريالي

وانا الذي ما أقول في نجد شعار
وان كان به شعار محدٍ حكالي

[وصل الشهيب]

والله يالولا الخوف من بعض الأشرار=لعد شيءِ شفته أول وتالي

ههههه

الله يرحمه ويسكنه الجنه

شاعر دخل تاريخ الشعر من أوسع الأبواب


ولد الهيلا

بيض الله وجهك

مشكور على النقل

[البتّار]

حرام يالفنجال سوقه ليا فار
الا على اللي يرخصون الريالي

وانا الذي ما أقول في نجد شعار
وان كان به شعار محدٍ حكالي

الف شكر ولد الهيلا ورحم الله بندرر

[خالد سفر العتيبي]

الله يرحمه وتسلم يولد الهيلا

!!

وانا الذي ما أقول في نجد شعار
وان كان به شعار محدٍ حكالي





البيت هذا مدري وين رايح احسه شاطح

[سعيد مرزوق العبد]

حتى الامبير المنجضع صك عالي


الناقل كسر بيت ابن سرور بدون قصد



اسود طرف وادغم من السرمدالي

هههههههههههههههه

والله اللي وصفه

ياطيب يالربع

وش معني ادغم من السرمدالي

اللي يعرف اقضب صفه شهر

واللي يجاوب غلط يقضب صفي اسبوع فقط

[خالد سفر العتيبي]

اول مره اسمعه



بس يمقن الليل

[ولـد الـهـيـلا]

حتى الامبير المنجضع صك عالي


الناقل كسر بيت ابن سرور بدون قصد



اسود طرف وادغم من السرمدالي

هههههههههههههههه

والله اللي وصفه

ياطيب يالربع

وش معني ادغم من السرمدالي

اللي يعرف اقضب صفه شهر

واللي يجاوب غلط يقضب صفي اسبوع فقط

هههههههههههههههههه ماشاء الله علاك ياسعيد ( مدقق ) ساهر ساهر منتدى الهيلا
الصحيح : حتى إمبير المنجضع صك عالي

[ولـد الـهـيـلا]

^ القصيده اللي فوق ، أكثر ماكثر الله فيها الأخطاء ..
الصحيح..
يامنير عمر لي من التتن معمار
يبري الغليل اللي على القلب صالي
ولا رفعت الصوت وابديت ماصار
من شان تدري ويش ولّى بحالي
ما أكفاك مني سجتي بعض الأمرار
انهج جنوب وحاجتي بالشمالي
اركض مع الدنيا كما ركض دوار
ياما كسب زندي وياما غدى لي
الله على اللي عايروها بالامتار
طراز بنج شغلت بالعدالي
زادو هواها واطعموها من النار
حتى امبير المنجضع صك عالي
نشت سما ماجربوها مع القار
طارت مطير الطير ربع الكحالي
تلفي على اللي في طرف نجد سنجار
يشدي جبل سنجار بين الجبالي
بأطراف بيته للمواجيب شنكار
معلاق كبش عند راعيه غالي
ثم قل لبو بندر ترى الوقت بوار
يفطن تراني منفعه لو شكى لي
ان زان وقته صار بالسلك يندار
وان شان قص مروبعات الحبالي
كم واحدٍ بين العماهيج هذار
مغترته نفسه بكبر الضلالي
يبلس على ربعه ويدنع بالأسوار
ويعد نفسه من حساب الرجالي
كفه بخيل وقلبه انجس من الفار
اسود طرف وادغم من السرمدالي
هذاك بعده خير ماكنت بختار
اجزاه بالصدات وبعد مجـــالي
والله يالولا الخوف من بعض الأشرار
لا عد شي شفته اول وتالي
ابعد مجال الرجل عن كل هذار
واصبر على الصكات والعمر بالي
وليا وطنّي غبر الايام بأزوار
غيري جماعه ماوطني لحالي
شفت الوزا وأشتلت لي منه قنطار
وإن جيت أعَدلَه شرق .. للغرب مالي
عبرٍ على الدنيا من العسر ليسار
ماظنتي فيها حرام وحلالي
حرام يالفنجال سوقه ليا فار
الا على اللي يرخصون الريالي
وأنا الذي ماقول في نجد شعار
وان كان به شعار محدن حكالي

[وصل الشهيب]

حتى الامبير المنجضع صك عالي


الناقل كسر بيت ابن سرور بدون قصد



اسود طرف وادغم من السرمدالي

هههههههههههههههه

والله اللي وصفه

ياطيب يالربع

وش معني ادغم من السرمدالي

اللي يعرف اقضب صفه شهر

واللي يجاوب غلط يقضب صفي اسبوع فقط


السرمدالي / الذيب ياسعيد العبد

[سعيد مرزوق العبد]

السرمدالي / الذيب ياسعيد العبد

ههههههههههه

ليه تحله كان خليته ياخذ كم يوم

ادغم معناه اللون القريب من السواد

والسرمدالي الذيب

[سعيد مرزوق العبد]

هههههههههههههههههه ماشاء الله علاك ياسعيد ( مدقق ) ساهر ساهر منتدى الهيلا
الصحيح : حتى إمبير المنجضع صك عالي

هههههههههههه

ماعلاك زود ياولد الهيلا

التدقيق لابد منه ابن سرور شاعر

حرام نكسر ابيوته

عندي له قصيده غير منتشره اعلاميا كان لقيتها نزلتها

خبريبها من ثلاث سنوات

[وصل الشهيب]

الله يرحمه وتسلم يولد الهيلا

!!

وانا الذي ما أقول في نجد شعار
وان كان به شعار محدٍ حكالي





البيت هذا مدري وين رايح احسه شاطح


وانا الذي ماقول في نجد شعار=وان كان به شعار محدِ حكالي

بمعنى مايشوف شاعر غيره . هو الوحيد

ماهو غرور.واثق من كلامه

ومن كان ينافس بندر في وقته من الإمارات الى الكويت الى السعوديه

قصايده إنتشرت ووصلت جميع أرجاء الخليج في وقت مافيه

صحافه ولا إذاعه ولا شبكه عنكبوتيه

أنا أعتبر بندر . خليفة بديوي الوقداني .

[فهد العازمي العتيبي]

،،


رحم الله متنبي عصره الشاعر بندر بن سرور

ولاهنت اخوي على النقل .

[راعي العصلا,,ابن مــــدرع]

اشكرك ياولد الهيلا على الموضوع,,,
والله يرحم متنبي عتيبه,,,

[مهنـا العتيبي]

هيهات يابندر بن سرور هيهات

مامر على الشعر الفصيح مثل المتنبي

ولا مر على شعر النبط مثل بندر بن سرور

[سعيد مرزوق العبد]

بندر بن سرور شاعر لايختلف عليه اثنان واللي يقول غير هالكلام اما جاهل ولا حاقد

ونوعية فصايده ساعدت علي انتشارها لتطرقها لامور خطره سواء كانت سياسيه او اجتماعيه

وكل ممنوع مرغوب

اما انه افضل شاعر في عصره صعب الحكم فيها

[سعيد مرزوق العبد]

ليه ياراع العصلا

حرام لامدحنا بندر ابن سرور

شاعر ويستاهل المدح

مدري وش اللي مزعلك فالمدح

المفروض تفرح يوم تشوف الناس تمدح ابن عمك

[سلمان المرشدي]

الله يرحمك يابندر شاعر مافيها كلام

وقصيدته هذي معروفه وموجوده في ديوانه اللي صدر قبل فتره

لكن ابن مدرع ؟ اول مره اسمع ان جده مدرع

الاسم المشهور : بندر بن سرور فقط

والكل يعلم انه عتيبي وقليل من يدري انه قسامي عطاوي

[راعي العصلا,,ابن مــــدرع]

الله يرحمك يابندر شاعر مافيها كلام

وقصيدته هذي معروفه وموجوده في ديوانه اللي صدر قبل فتره

لكن ابن مدرع ؟ اول مره اسمع ان جده مدرع

الاسم المشهور : بندر بن سرور فقط

والكل يعلم انه عتيبي وقليل من يدري انه قسامي عطاوي

انا معك المشعور هو بندر سرور,,
والاسم الكامل,,,
بندر بن سرور بن خضير بن شايد بن مدرع بن حصن ابن خضير بن قسام بن حمود بن عطيه بن روق العتيبي

بس فيه الي يعرف وفيه الي يجهل!.

[سلمان المرشدي]

انا معك المشعور هو بندر سرور,,
والاسم الكامل,,,
بندر بن سرور بن خضير بن شايد بن مدرع بن حصن ابن خضير بن قسام بن حمود بن عطيه بن روق العتيبي

بس فيه الي يعرف وفيه الي يجهل!.



والله ونعم ياعيال عمنا الاد روق

انا ادري ان جده خضير لكن لو قيلي قبل اليوم انه في مدرع ماصدقت

أنا اعرف ذوي مدرع اكثرهم اصحاب للي لكن مادريت انه يرجع لهم

لكن مادامك من ربعه اكيد ابخص

ويبقى الاسم بندر بن سرور اشهر من النار على العلم

[راعي العصلا,,ابن مــــدرع]

والله ونعم ياعيال عمنا الاد روق

انا ادري ان جده خضير لكن لو قيلي قبل اليوم انه في مدرع ماصدقت

أنا اعرف ذوي مدرع اكثرهم اصحاب للي لكن مادريت انه يرجع لهم

لكن مادامك من ربعه اكيد ابخص

ويبقى الاسم بندر بن سرور اشهر من النار على العلم

ماعليك زوود يابن مرشد,,
والله ان خوتكم تشرى,,
وانتم الطيب كله تملكونه,,قصيد وفعل,,

تحياااتي,,