لقيت بالعتبان خمسة عذاريب (( بين الشمٌري والعتيبي ))

[سناعيس شمر]

بسم الله الرحمن الرحيم


قصه وقصيده ..
ومناسبتها هي :
كـــان الـجـنـدي ثــامـر بـــن فــلاح بن شامان الـشـمري
فــي دوره عـسـكريه
مـسـؤولـهـا الــمـقـدم تـريـحـيب الـعـتـيبي .
وقد تعرض الجندي ثامر لإطــلاق نــار غـيـر مـقـصود ومـكـث عــدة ايــام فــي الـمـستشفى.
وعــاد بـعـد ان تـمـت دوره زمـلائـه وتـمـكن مــن الـتـخرج مـعـهم فأرسل والده
فـــلاح بـــن شـامـان الـشـمري هــذه الـقـصيده:


ســــــــلام مـــنــــــــي لــلــــمــــقـــدم تــريــــحــيـــب
اعــــداد مــــا خـــــــط الـــقـــلـــم بـــــيـــــد كـــــتــٌــاب

وعــداد مـــــا غـــــنــــوا هـــل الـــفـــطــر الـــشـــيــب
بـــــأرضٍ خـــلـــيـــه مــا بـــهــــا غــيــــر الاعــــشــــاب

وأعــداد مــا ذعــــــــــذع نــــســـيـــم الــهــبــاهــيــب
وأعــداد مــــــا ســــجـــيـــت رجــلـــــي لـــــلاقـــــراب

مــا هــي غـــريــبــه مــــنـــك يــا كــــاســـب الـــطــيــب
حــــلــــيــــاك مــن نــــــجـــــمٍ تــــبــــيـــن ولاغـــــــــاب

شــــريـــف مـــا يــــدخـــل عــلــــى ســـاســك الـــعـــيــب
مــن يـــفـــعـــل الــحــســنــا بــــالاجــــواد مــــــا خــــــــاب

لــقــيــــت بـــالـــعـــتـــبــان خـــمـســــة عـــــــذاريـــــــب
الــطـيــــب والــنــــخــــوه وتـــــقــــديــــر الاجـــــــنــــــاب

دون الـخـــــوي يـــا طــــــــــون حــــــــــر الـــلـــواهــيــب
وان حـــــدت الـــــدنــــيــــا يـــفــــكــــون الانـــــــشــــــاب


فـــرد عـلـيـه: تـريـحـيب بـــن سـويـلم الـعـتيبي قـائـلاً:


حـــي الـــكـــتــاب اللـي مــــــــن الـــشـــمٌــري جــــيــــب
اقــولـهـــــا بــالـــــصـــــدق مــــــــانـــــــي بـــــــكـــــــذاب

يـــــا مــــرحــبـــا عـــــــــــد الــــنــــجـــوم الـــمـــراقـــيــب
تــــرحــــيـــب مــشــتـــاقٍ لـيـــــا شــــــــاف الاحـــــبـــــاب

بــــكــــتـــاب ابــــــــن شـــــامـــــان رجـــل الـــمـــواجــيــب
فيـــــه الــــجــــواهـــر بـــــيـــــن صـــــايـــــغ وحـــــســــاب

بــنــيـــت لــه بــــأقـــصـــى ضــــمـــيـــري دوالـــــيـــــب
هــــذا الــــرصـــيـــد الـلـــــي كـــنـــزتـــه وراء الـــــبــــاب

مــن شـــــــأن ثـــــامـــــر يــــرخـــصـــن الــمــطــالــيــب
خــــويــــنــــا الــــطــــيـــب لــه الـحـــــق غــــــصـــــاب

خــــويـــنــا نــنــصـاب مــــثــــلــــه لـــيـــــا صــــــيـــــب
نــمــــرض مــعــــه ونـــطـــيــب مـــثـــلــه لـيــا طــــــــاب

يــا عـــل مـا يـــفـــتــق عــلـــى مـــثــلــه الـــجــيــب
والله يـــــجــــيــــره مــن صــــواديــــف الاســــــبــــــاب

اتمنى ان تنال اعجابكم وشكرااا...

اخوكم / محمد الشمــٌــــــــري

[فيصل المسعودي]

مشكور اخوي على القصه



بيض الله وجه العتيبي والشمري العتيبي قدر الخوه والزماله


والشمري قناه المعروف وبيض الله وجهك على القصه الطيبه.

[فواز الشيباني]

سناعيس شمر يعطيك الف عافيه على القصيدة الى تبين الخوه والمعروف بين الرجال ونعم فيك وفي قبيلتك شمر اهل الكرم والجود والشجاعة


اخوك فواز الشيباني --ابوطلا ل

[سناعيس شمر]

العفو اخوي فيصل المسعودي
ويعطيك العافية على المرور
وتقبل تحياتي

..
..
..
..
..
..

ابوطلال .. الله يعافيك .. وماعليك زود وهذا من اطيب اصلك
ونعم بك وبالهيلا
مشكوووور على المرور
وتقبل تحياتي

[فارس الدعاجين]

صح لسانك و بيض الله وجهك
وماقصرت
وبيض الله
وجهك
ووجه
شمر


تقبل تحيات أخوك: فارس الداعجين

[سناعيس شمر]

صح ابدنك يافارس الدعاجين
اشكرك على مرورك الطيب يابعدي

وتقبل تحياتي

[alaneed]

الأخ سناعيس شمر مشكور على ايراد هالقصه اللي تبين طيب العرب وانهم مايتخلون عن خويهم وماتغرهم المناصب وزياده على ذلك ان قطبين السالفه الطيبه هم شمر الطنايا وعتيبه ذيابة نجد يعني ماهو غريب عليهم فعل الطيب وتقبل تحياتي

[سناعيس شمر]

alaneed
عزالله انك صاج الطيب ماهو غريب على عتيبة وشمر

..
شكرا لك على مرورك الذي اسعدني

وتقبل تحياتي