أوجد القيمه ؟؟

[جمال منير]

السلام عليكم ،،

البارحه وهموم صدري معازيم
توافدت علي من كل يمّه


السهر واللوعات والحزن والضيم
كنّي وكيلٍ كلٍ اعطاه همّه


بعض الكلام ملغّم البطن تلغيم
وفي ظاهره ريح الخزامى تشمّه


يحتاج له لاهبت الريح تعقيم
حتى مايِفرح كل حاسد ورمّه


يطيّرونه من على الأرض للغيم
ومن قيل ابه .. فالقاع من راس قمّه


ويحجّمونه بالسواليف تحجيم
ماعندهم خشيه وامانه وذمّه


وجيههم وسط المجالس مكاظيم
وليا اسمعت علمٍ مخالف تخمّه


وسيوفهم حول الثلاثه صواريم
سيف الغدر والبوقه وسيف نمّه
*

على البعيد اجفل من مذّير الريم
والكل سطواته على ولد عمّه


القرب منهم مثل قرب الجراثيم
وش يعطي الجرثوم من سيل دمّه

لو قيل : قيّمهم على خير تقييم
قلت : اطيّب اللي قيّموا *كنّه أمه !!


وسلامتكم ،،

[عبد الرزاق بن سعود النفيعي]

صح لسااااااااااااااانك ملايين على هذة الرائعة

سجل اعجابي ياصديقي ؛)

[فهد سعد الحشيبري]

نص صاحب سمو شعري
وشاعر مطنوخ وبيض الله وجهه
اشكرك من الاعماق على مااطربتنا به
ووجدت فيه متنفس لي بارك الله حياتك وسلمت وسلم هاجوسك

[فهد العازمي العتيبي]

،،


صح لسانك

ولاهنت .

[وصل الشهيب]

الله عليك ياجمال منير

جميل ماكتبت ياجمال

أشهد بالله إنك شاعر

[فيصل مطر]

صـح لسـانـكـ

يابومنير مبدع لاعدمنا حضورك

تقبل

مروري

[راعي القوافي]

صح لسانك واعتلا شانك يجمال الله يعطيك العافيه