مرثيه في فقيد خامس الهوالمه من ذوي مفرج النفعه حمود بن عايض الهيلوم رحمه الله

[ابن سلوم الهيلوم]

يارب من عفوك ورحمتك نسال0000حسن الختام ومنزل تحت ظلك

ولحمود تجعل جنة الخلد منزل0000اللي رحل من عندنا راحل لك

ياحمود ابو خالد عسى منزلك زل0000بانعم زهور الورد ومفصل لك\

من حب ابونا حبنا لك مفصل0000اللي رحل قدام ترحل يجلك

عسى زهور العشب والورد والفل0000اللي صنوف اطيابها تستحلك

وحوريتة يجعلك ربي لها خل0000وقصرا من الياقوت ومخصص لك

فعلك جميل وجايزة فعلك اجمل0000ويحمل جزيلات المبادي سجلك

وشلون مانرثيك والعين تبتل0000واجمل نوادر مهجتي تنفصل لك

في قلب من يعرفك لك مركز اول0000وسيف يهابون العدا من يسلك

في قلوبنا شرواك حبه تغلغل0000عساه حب اللي على الخير دلك

يكمل رضانا بالقدر يوم نزعل0000واخوان ابو خالد وخالد محلك

اخوان خالد كل منهم تحمل0000امانته في واجبه مخلص لك

يالله عسانا في النعيم نتقابل0000اللي سبق واللي بعد لاحق لك

[فيصل مطر]

نس أل ,وليس نسال,لان نسال يخلف القافيه وقد تكتب على سبيل المثال بالشكلين التاليين صح
الاول(نسل)
و
الثاني(نس أل)

والثاني الاصح كتابتا لان الشعرالعامي يكتب كماينطق بالظبط ولاتلزمه قواعدالخط العربي كاغيره

وصح لسانك يالهيلوم

لاهنت

تقبل

مروي

[ابن سلوم الهيلوم]

صح بدنك اخوي فيصل واشكرك
على المرور وابدا الملاحضه

[راعي القوافي]

صح لسانك يافيصل