حبيب العازمي وسفر الدغيلبي محاورة جديدة

[قاسي العتيبي]

محاورة شاهدتها على قناة المرقاب مؤخراً في حفل الشيخ قاعد الوهاب
فلفتت انتباهي بقوتها وأدرجتها لكم آمل أن تنال اعجابكم

حبيب العازمي
يامرحبابك ياسفر ولاتعبت من السفر..خل العلم مرفوع يكفخ في جناح الطايرة
اللي من العارض ليا الحرة يدور للخبر..يصبر لنا أيام ٍ قليلة والدواير دايرة



سفر الدغيلبي
دام البقاء وأنا لو أسافر ليا سطح القمر..الله خلقني ياحبيب للظروف الجايرة
هذاك عرضك المتاعب والمصاعب والخطر..أعوذ بالله من محاصيل النوايا البايرة



حبيب العازمي
أما على الخط الخضر وألا على الخط الحمر..ولاتخلي فالحزام من الرصاص الثايرة
ما أحد ٍ يصدق يامحمد مرسي تغير مصر..مدري الشعوب الفايرة وألا الدمي الفايرة



سفر الدغيلبي
أنا آخذ حقوقي دبل واثري مع زيد وعمر..ماعندي لبعض الخصوم مجاملة ومسايرة
أنته تباها بالستيرة مير ربك ماستر..شلعتها بثنين لين إنك صدمت العايرة


حبيب العازمي
كل ٍ على بنية يده من طين وألا من حجر..وإن كان في يدك العصى رد الذلول النايرة
اللي بقى عيد الضحية روح ياعيد الفطر..إن كان مازاورني الجمال وألا زايره



سفر الدغيلبي
تراي طعان النحر مانيب طعان الظهر..طعون رمحك بارية وطعون رمحي غايرة
ياربعنا يلي سبقتونا بوقت من الدهر..ما أحسبتها صارت عليكم لين قالوا صايرة


حبيب العازمي
ياكثركم كثراه يلي تغرفون من البحر..مدري خطاكم طايلة وألا خطاكم حايرة
حنا قهرنا القوم فالميدان في حرب القهر..هذا قبل ونش المرور يشيلكم في وايره



سفر الدغيلبي
اللي تجيبونه في عشر سنين جبته في شهر..لأن الخيول المقفية غير الخيول الغايرة
ودمتم بخير

[خالد سفر العتيبي]

عندي انها قويه و ثقيله شوي كلهم علل حقيقه




وووو



بيض الله وجهك

[مصر]

إبداع يستحق العرض والقراءة .................... شكرا

[عبدالملك القاضي]

محاوره رائعه
حبيب مافيه حيله وسفر مبدع
كان قبل هذا الطاروق طاروق قوي جدا وعنيف بين سفر وصقر سليم والحقيقه كلهم ابدعو ولكن صقر نزل بالالفاظ شوي
مما دعى حبيب الي قطع الطاروق وطلب سفر.
حبيب وسفر وصقر على القمه الان وليس لهم منافس.

[فيصل بن فهد الجهني]

أنا آخذ حقوقي دبل واثري مع زيد وعمر..ماعندي لبعض الخصوم مجاملة ومسايرة

..

تراي طعان النحر مانيب طعان الظهر..طعون رمحك بارية وطعون رمحي غايرة

..

اللي تجيبونه في عشر سنين جبته في شهر..لأن الخيول المقفية غير الخيول الغايرة



يا الربع سفر .. ما فيه حيله و ابياته بالصميم ...!!

عزالله اني ما قد شفته يجامل احد . . سواء اللي قدامه عتيبي ولا من حدى هالقبايل ..!!

[مضيم العاطفي]

صح السنتهم وابدانهم

شعار من الوزن الثقيل ولا هو غريبه الابداع منهم

بس ياالربع سفر ررررر مافيه حيله والله انه الرقم الصعب في المحاورة وانا باعتقادي انه رقم واااحد

في شعر القلطه في الوقت الحالي ماشاء الله تبارك الرحمن

باالاضافة الى جزالة شعره , جنابه الزين وثقته في نفسه

اشهد الله على حب هذا الرجل والله يوفقه دنيا واخره

لاهنت ياقاااسي وبيض الله وجهك ولاتخلينا من ابداعات سفر

[مرزوق الجعيد]

سفر الدغيلبي

شاعر الهيلا القادم بقووووه

سيجعل له بصمه قويه وسحب البساط من تحت بعض الاسماء في الساحه الشعبيه

وجهة نظر

[العفريت]

محاورة رائعة

لا هنت على ايرادها

تذكرن بيت لابو تركي الله يمتعه بالصحة والعافية


يافقيهه مارفع مستواك الا الدجاج * ان بسطناك خصفة وان رفعناك خصفة

تحياتي

[الرحاال]

محاورة رائعة

لا هنت على ايرادها

تذكرن بيت لابو تركي الله يمتعه بالصحة والعافية


يافقيهه مارفع مستواك الا الدجاج * ان بسطناك خصفة وان رفعناك خصفة

تحياتي


البيت هذا قاله مستور العصيمي في محاوره مع سفر ومعناهم سياسي ولا ينقص من قدر سفر شي
وابوسعد شاعر كبير وابوفيصل علم وعدم المجامله بالشعر تزيد من قوة الشعراء وترفع من مستواهم

لاحظ ان الطاروق قوي وفتل ونقض ومع ذلك الاحترام موجود والمعنى موجود لانهم شعار درسو الشعر وعرفو حلاوته ... اما شعار انا اطلق شنب وانا صوتي احلى صوت لهم قانون وطاروق ثاني وكذالك لهم جمهور ثاني .

[قاسي العتيبي]

عندي انها قويه و ثقيله شوي كلهم علل حقيقه




وووو



بيض الله وجهك

أشكرك على تعليقك على المحاورة وإبداء وجهة نظرك
ووووو
وجهك أبيض

[سعيد مرزوق العبد]

حنا قهرنا القوم فالميدان في حرب القهر..هذا قبل ونش المرور يشيلكم في وايره

ههههههههههههههههههههههههههههههههههه

صادق ماخذتها بالسهل يابوفيصل

صحة السن الشعار

[العفريت]

البيت هذا قاله مستور العصيمي في محاوره مع سفر ومعناهم سياسي ولا ينقص من قدر سفر شي
وابوسعد شاعر كبير وابوفيصل علم وعدم المجامله بالشعر تزيد من قوة الشعراء وترفع من مستواهم

لاحظ ان الطاروق قوي وفتل ونقض ومع ذلك الاحترام موجود والمعنى موجود لانهم شعار درسو الشعر وعرفو حلاوته ... اما شعار انا اطلق شنب وانا صوتي احلى صوت لهم قانون وطاروق ثاني وكذالك لهم جمهور ثاني .



انا ما قلت شي في سفر


الله يسامحك

تحياتي

[البتّار]

محاورة من العيار الثقيل

كما قال الاخطل مع تغيير في الاسماء

حبيب يغرف من بحر والدغيلبي ينحت من صخر

قلما تجد محاورة بين ابناء قبيلة بهذا المستوى الا في قبيلة عتيبة

وهذا مما يميز شعراءها

[قاسي العتيبي]

إبداع يستحق العرض والقراءة .................... شكرا


العفو بارك الله فيك

[قاسي العتيبي]

محاوره رائعه
حبيب مافيه حيله وسفر مبدع
كان قبل هذا الطاروق طاروق قوي جدا وعنيف بين سفر وصقر سليم والحقيقه كلهم ابدعو ولكن صقر نزل بالالفاظ شوي
مما دعى حبيب الي قطع الطاروق وطلب سفر.
حبيب وسفر وصقر على القمه الان وليس لهم منافس.
شكرا على التوضيح أخوي عبد الملك

[قاسي العتيبي]

أنا آخذ حقوقي دبل واثري مع زيد وعمر..ماعندي لبعض الخصوم مجاملة ومسايرة

..

تراي طعان النحر مانيب طعان الظهر..طعون رمحك بارية وطعون رمحي غايرة

..

اللي تجيبونه في عشر سنين جبته في شهر..لأن الخيول المقفية غير الخيول الغايرة



يا الربع سفر .. ما فيه حيله و ابياته بالصميم ...!!

عزالله اني ما قد شفته يجامل احد . . سواء اللي قدامه عتيبي ولا من حدى هالقبايل ..!!

مشكور على المرور والتعليق

[قاسي العتيبي]

صح السنتهم وابدانهم

شعار من الوزن الثقيل ولا هو غريبه الابداع منهم

بس ياالربع سفر ررررر مافيه حيله والله انه الرقم الصعب في المحاورة وانا باعتقادي انه رقم واااحد

في شعر القلطه في الوقت الحالي ماشاء الله تبارك الرحمن

باالاضافة الى جزالة شعره , جنابه الزين وثقته في نفسه

اشهد الله على حب هذا الرجل والله يوفقه دنيا واخره

لاهنت
ياقاااسي وبيض الله وجهك ولاتخلينا من ابداعات سفر

أسعدني مرورك لك شكري وتقديري

[طراد العصيمي]

محاورة رائعة

لا هنت على ايرادها

تذكرن بيت لابو تركي الله يمتعه بالصحة والعافية


يافقيهه مارفع مستواك الا الدجاج * ان بسطناك خصفة وان رفعناك خصفة

تحياتي








فقيه انتجت دجاجه وحده وماتت ولا عاد لا شفنا بعدها لا بيضه ولا دجاجه

أما سفر شاعر كبير ولا يجامل فعاش ابو سعد:)

[قاسي العتيبي]

سفر الدغيلبي

شاعر الهيلا القادم بقووووه

سيجعل له بصمه قويه وسحب البساط من تحت بعض الاسماء في الساحه الشعبيه

وجهة نظر

مشكور على مرورك العطر

[راع العبيه]

هذي محاوره من الوزن الثقيل تذكرني بمحاورة من هذا النوع بين مطلق الثبيتي ورشيد الزلامي
اما عن الشعراء وما يقال حولهم من اراء الناس والجمهور
ان حبيب له بصمه قويه ولا عليه غبار
اما سفر فهو قادم بقوه وهو المرشح شاعر الهيلا القادم

[مشعان العتيبي]

يالربع نبي الطاروق اللي قبله بين سفر وصقر سليم

[ماجد ال مريتع]

بيض الله وجيهم الاثنين
ابو فيصل غني عن التعريف
وسفر انشهد انه جامع العلوم كلها

ولاهنت على النقل

[محمدالنفيلي الحربي]

الله خلقني ياحبيب للظروف الجايرة



اعتقد البيت هذا ماهو في محله


الله خلق البشر للعباده وليس لما سواها

مثل ماسمعت شاعر يقول

الله خلقنا للحمول الثقيله