يامرحبا بسمي وبسم اعتيبه الضلع المتين

[عبدالله الازوري]

يامرحبا بسمي وبسم اعتيبه الضلع المتين
وانا عـتـيـبـي والــحــفــاوه عادتي بضيوفها

...

ياموطن الــمــجــد التليد ويا بلاد المسلمين
الله رفــع الــك مــنزلــه بين العيون وشوفها

[جزاع العتيبي]

طيب طيب


عساك متواجد يالازوري؟

[عبدالله الازوري]

العب العب

ياجزاع

[جزاع العتيبي]

الله الله





/

[جزاع العتيبي]

‎دام البقاء يامكرم الخطار .. والكبش السمين=ابنحره فالملعبه كرامة لصفوفها
‎ الحرب قامت والنصاراشايشه والوقت شين‫=‬وعبدالله مكوع على جنبه ويقرى حروفها

[عبدالله الازوري]

الـــحــرب كــلـه غزو فكر ولا شبه غزوة حنين
وعــبــدالله مــــع الرجال اللي تعز اوقــــوفها

...

الله يحفظ الديره اللي تحضن البيت الحصين
وملوك رب البيت من حوله تـســــل اسيوفها

[جزاع العتيبي]

ازعلتي يوم احسبك تقرى رياض الصالحين
واثرك تمر الفتنه الي ماتعرف تطوفها

لا واخسارة اصبح الحلتيت مثل الياسمين
والي يبى يزرع يبى يجني ثمار قطوفها

[عبدالله الازوري]

انت تــســريها يسار المملكه ولا يــمـين
ازريت انا افهم ناس كل ما تهز اكــتوفـها

...

ابن العتيبي ياعرب مايختلف فيه الثنين
لا قالوا انه يا جماعة خير شبه ايحوفها

[جزاع العتيبي]

المشكله تقرى عيونك مير قلبك وين؟ وين؟
تبطي عظم فالكلمه الي ماانت آمن خوفها

ابن العتيبي علقك فالماد بالحد السنين
والناس تحكم بيننا فالواقعه وظروفها

[جزاع العتيبي]

صح لسانك ياعبدالله

انا والله ماقمت اشوف النوم سلطان


والختام عندك

[عبدالله الازوري]

قول الــمثــل يا صـاحبي من كان اله هـامه وعين
ســوى ســوات الـــناس مير البعض والله انعوفها
مايعترف بالحق رجل{ن} مامعه عقل{ن} فطين
واهل الــجــميــله يا ولــد ما ينـــجحـــد مـــعروفها