محمد عطية السميري ومحمد بن طمحي نااااااااار

[أحمد الرفاعي]

محمد عطية السميري




سلام الله بردهـً تطرب الجمهور والشعار==تعم الحاضرين اعموم ثم اتخص راعيهـا

تحيه كنها ذوب العسل من نورة الأثمار==بحال و حال زايد مرها و ضعفين حاليها








محمد بن طمحيالذيابي





هلا يامرحبا يا شاعراً بالعرف ما يحتار==أرحب بالنيابة و اكتـب الحجـة لقاريهـا

ليا قدمت حلوه ردها عنـدي ثمـان أمـرار==وذا قدمت مـره عنـدك أولهـا وتاليهـا










محمد عطية السميري





يقولون الرجال أهل النظر و العرف والأفكار==موازيـن الرجـال عقولهـا لحل طاريهـا

ترى الرجال يعرف منزله و يناظر المظهار==يقص الدرب قبل الرجل تبلش في مواطيهـا









محمد بن طمحيالذيابي





حقيقة والحقيقة كلنا ننشر بها الأخبـار==علي وضح النقاء مثل الصلاة إللي نصليها

لاكن أنته جدير و تاجراً من خيرة التجار==وراء ما جيتنا في سوق بايعها وشاريها










محمد عطية السميري







ترى اللي ما يحسب للعواقب ياصل الأخطار == يقوله واحد يفطن لدربه قبل يمشيها


ترى الرجال ما يجبر قدم رجله على الاوعار==يجنبهـا الوعـر قـدام يتلفهـا ويحفيـهـا








محمد بن طمحيالذيابي






دروب الغانمين إيمين والمخطي يروح أيسار==و انا يمناي مـع يمينـك حاكمهـا و باغيها

الا يا شاعراً معروف لك حشمه ولك مقدار==تقدملي ثلاث ارموز مـدري ويـن أوديهـا












محمد عطية السميري




بلاك الله في خصمـاً عنيـد ومهنتـه صقـار==يعرف الحر مـن شيهانهـا ويعـرف يشريها

و عرف التبع الأشهب و اعرف الغرنوق أبو منقار==و اعـرف النـادرات اللـي مخالبهـا تعشيـهـا











محمد بن طمحيالذيابي






مدام أنك خيار أعرف بغيرك بالرجال أخيار==وبعض الناس لـو أتجيـه يطبخهـا ويشويهـا

يابوعبدالله ابأنشدك قلي وش جرى وش صار==بعـد ذيـك اللحـون اللـي عبـاد الله تغنيهـا









محمد عطية السميري






الا ياشاعر العتبان في راسك علوم أكبـار==تذكرنـي بـروابي شار يومنـك تدربيهـا

تبا تصل النجوم وتزقح اللي وصلُ الأقمار===وانا اقريك فاتحة الكتاب ولا انت قاريها










محمد بن طمحيالذيابي




لياا فيكم نظر تصبر شهر يالشايب المكار==تجيك أعلوم من قوم طويـلاتٍ يمانيهـا

دراستكم قديمة يامـدرس والفلـك دوار==وحنا دارسين الجامعـة وافهـم معانيها










محمد عطية السميري






أقول الليلة أغد حصان ولا تضرب المعبار==يوروك الرجال الـدرب لا شافـوك مخطيهـا

أضن النفس نفسك وأنت والي شانها واختار==علـي كيفـك تعلـي شانهـا ولا توطيـهـا










محمد بن طمحيالذيابي





أنا خصمك وأنا ضدك وشب النار جنب النار==ولن طفيت نارك نار خصمـك مـا يطفيهـا

تقوله مير أشوف الطايرة وقع بهـا الطيـار==بعد ظلاء ديـار القـوم يصبحهـا ويمسيهـا








محمد عطية السميري






أنا لا تحسبني باميةوألا جـزر وخيـار==أنـا سـم الكبـود الزاميه وأنـا مداويهـا

أنا دكتور لاحار الطبيب وعميت الأبصار==أعرف العله أللي لاجيه وعـرف مكاويهـا










محمد بن طمحيالذيابي





مذمك يالسميري مير قالولي غريب الـدار==وحنا عندنا مثلك عرب تعـرف بساميهـا

ليا جبت الدواء الطيب نقول أنته حكيم الشار==وليا جبت المكاوي فوقكم تعكـس بلاويهـا










محمد عطية السميري





علامك قمت تزعل وانت توك بأول المشوار==وهي لساع ماهلت مطرهـا مـن مناشيهـا

ليا هلت مطرها تأخذ الأشياح والأحجـار==هبيل الحظ رجالاً يجي في سيـل واديهـا

[فهد الزهراني]

هلا بالغالي

وشكرا لك وصحت السنة الشعار

ومن وجهة نظري المحاورة عادية جدا خاصة من طرف السميري والله اعلم..



أنا لا تحسبني باميةوألا جـزر وخيـار ؟؟؟؟

[حمدان العضياني]

الرفاعي ابيض وجه وطال عمرك ولو ماعليك امر نبيك تعطينا عن هذا الشاعرالعملاق السميري بطاقة تعريف

[شبل جهينه]

لاهنت اخى العزيز احمد الرفاعى على مااسعتنا من طرح محاوره تتميزز بقوة شعارها وحبك ابياتها بشكل جميل جدا عندى بعض التعديل اخى العزيز احمد ومنهاااااا

1 / تحيه كنها ذوب العسل من غارس الاثمار
2/ لكن انته قبيل وتاجر من خيرة التجار
3/ وانا ماجيت كود بايعها وشاريها
4/ وانا يمناى مع يمناك حاكمها وقاضيها
5/ يعرف الحر من شيهانها ويعرف وكريهاااا
6/ ردى الحض رجالن يجى فى سيل واديهااااا

اتمنا اخى العزيز احمد الرفاعى تقوم بالتعديل المذكور شاكر لك جهودك فى ابراز المحاورات الجميله والمفيده

اما ردى على تعليق الاخ فهد الزهرانى وماذكر بحق الشاعر الجهنى اقوله له لقد اعتلا الشاعر المذكور منابر المحاوره وابوك لما يتكون فى رحم والدته رحم الله الاموات منهم واطال فى عمر الباقين على قيد الحياة الشاعر الجهنى رحمه الله عندما لعب القاف المسجل اعلاه كبير طاعن فى السن كان يحضرون المكرفون له وهو جالس واحيان يقوم فى صعوبه للمكرفون تقدير لشعراء والصفوف والجمهو ا انا ذاك اليوم على كل حال اعتبرها وجهة نظر تخص وواجب احترامها لاهنتم جميع

[فهد الزهراني]

رحمه الله واسكنه الجنة ورحم والدي وكل موتى المسلمين...

شكرا على التوضيح وانا تعليقي على النص فقط حسب رأيي ولم اناقش اي موضوع آخر

تحياتي لك

[شبل جهينه]

اخى الغالى احمد اتمنا تعمل على تعديل مااشرت اليه فى ردى السابق لتوضيح المحاوره بالصوره ااكثر ايضاح

[أحمد الرفاعي]

وقت التعديل انتهى

اتمنى من المشرف ان يعدل المشاركه

اشكر لك تنبيهك ياولد العم