بعض من ابداعات الشاعر عايض العتيبي

[ابـن نـعـيـس]

يا حروف لول الشعر ما للحكي دور
ومـا للقصايـد طـاريٍ ننتخيـبـه
الشعر هرج الروح وحساسه اشعور
انساق لـه طيـبٍ وكلـي غصيبـه
لامن سرحة ادري تنقاني احضـور
واخذ منه نفحـات جـوده وطيبـه
ولامـن تنقيتـه انـا فيـه معـذور
حبيب قلبـي وشهـد انـي حبيبـه
يكتب هوايه وكتبه اجمـل اسطـور
ودعـي تباشيـري تجـلاّ بغيـبـه
والحر لامن صار رجـال منعـور
الطايلـه لابـد تصـبـح طليـبـه
لـوّه اراد يحـب لـه قلـب بلّـور
يصبح مناتـه مطلبـه مـع نصيبـه
وانا عشقت اللي به القلب مجبـور
الغالي اللـي اصبـح البعـد عيبـه
خلٍ وغيره مبعـدٍ حيـل محظـور
اشهـد بـأن قلبـي غدالـه ذهيبـه
اعرّفه هـو ورد .. ولا بعـد نـور
ولا نسـيـمٍ مـرّنـي وحتفـيـبـه
وألا انا عايض وجدي بـن سـرور
روقي عريب الساس ربعـي عتيبـه
وجمال ابوي وبه تفاخرت مغـرور
مادام طاري الطيب اصبـح نسيبـه
ماهمني لو كنت شاعـر ومشهـور
همـي قلـوب النـاس ليـه قريبـه
وهمي يكون القاف فايز ومنصـور
ويترجـم اللـي نشعـره ونحكيبـه
حرام صار الشعر يائـس ومقهـور
(وبعض) الاسامي وسط ذاته غريبه
احساس تافه وصبح البيت مكسـور
وصار الهزيل اشعار هـي تقتديبـه
لابد يقرب يـوم ونحوطـه ابسـور
ومنهو يقـرّب يشعـر بكـل هيبـه
هذا وانا قلبـي بالاحـزان مغمـور
كنـي غريـبٍ زاد شكّـه وريبـه
مذهول صار العدل في دنيتي جـور
والقلب مـن وقتـي تزايـد نحيبـه
ودامه كذا هالحزن حاضر وله دور
نصيب قلبي وشهـد انـي نصيبـه


الشاعر الرائع : عايض العتيبي

[فيصل المسعودي]

سلمت يداك أبن نعيس على النقل الكريم


وصح لسان الشاعر عايض العتيبي



تحياتي لك الغااالي .

[ابـن نـعـيـس]

الله يسلمك


ومشكووور على المروور

تحياااتي

[فهد العصيمي]

صح لسانك يابن نعيس ولسان الشاعر عايض

ولاهنت على النقل الرائع

[((الدلبحي))]

صح السانك والسان الشاعرعايض العتيبي

وتسلم يمناك على حسن الاختيار


تحيااااااااااااااااااتي

[ابـن نـعـيـس]

القاسي


صح بدنك


ومشكوور على المروور



تحيااااتي

[ابـن نـعـيـس]

الدلبحي

صح بدنك


ومشكوور على المروور الرائع



تحيااااتي

[فتى الهيلا]

ابن نعيس
صح لسانك ولسان الشاعرعايض

ويعطيك العافيه

[ابـن نـعـيـس]

فتى الهيلا


صح بدنك والله يعافيك





ومشكوور على المرووور



تحياااااتي