أبو سفر .. حياك الله ..

[صامل العصيمي]

شفت بعض العرب قامت عليه القيامة = يوم هالعسكري شرّع حديد الخفارة
الجمل مال حمله وارتخى عن سنامه = ثم ضيّع دروبه ثم ضيّع دياره

[برقاء والسماء زرقاء]

أشوف مستور وألد للشطر : الجمل مـال حملـه وارتخـى عـن سنامـه
واقول الله يكافينا شركم ، الله يخارجنا ، صامل مالي دخل لاتذكرني بإسم ولارمز ، ترى الك معزة خاصة وإن شاء الله إنها دائمة .

الاعضاء تحت 4 : خالد سفر العتيبي ، برقاء والسماء زرقاء ، صامل العصيمي ، والرابع ضيف " يمكن اسمه يبدا بالسين ..!!!

[خالد سفر العتيبي]

والله لو ان خالد في يديه الزعامه
لجعل العسكري يعرف شروط الاداره


الجمال القويه يوم عصر الرغامه
راح سهم الجمل يعلن كبير الخساره

[خالد سفر العتيبي]

حياك الله ينواف

[صامل العصيمي]

كيف غايب ولا جاله تقاعد بعامه = والعرب في صلاة الفرض تشرب سقارة
ليتهم مثل صامل يتّصف بالشهامة = مدته باليمين ولا يناول يساره

[برقاء والسماء زرقاء]

الله يبقيك وسلمت ودمت ،

لجعل العسكري يعرف شروط الاداره..!

أهم شئ تطبقها على الجميع "العدل قامت عليه السموات والارض .

[صامل العصيمي]

أشوف مستور وألد للشطر : الجمل مـال حملـه وارتخـى عـن سنامـه
واقول الله يكافينا شركم ، الله يخارجنا ، صامل مالي دخل لاتذكرني بإسم ولارمز ، ترى الك معزة خاصة وإن شاء الله إنها دائمة .

الاعضاء تحت 4 : خالد سفر العتيبي ، برقاء والسماء زرقاء ، صامل العصيمي ، والرابع ضيف " يمكن اسمه يبدا بالسين ..!!!

يامرحبا يابن العم

الله يبقيك ويحفظك يالغلا , ويديم المعزة بيننا .

أتشرف بمرورك

وحياك الله

لاعدمناك .



تحيتي ...


:)

[سعد حميد الثبيتي]

صباح الخير ياعرب كل واحد باسمه

[خالد سفر العتيبي]

ماخبرنا رجال تبيع سهم الكرامه
النعم كيف يرضابه وضيع مساره


لا تغرك ضحوك الوقت يابو عمامه
الهقاوي تغير والليالي دواره

[صامل العصيمي]

يامرحبا يا أبو حميد

صباح الخير يالغلا , وحياك الله

لاعدمناك .

تحيتي



:)

[برقاء والسماء زرقاء]

قصدك يفصل ولا تقصد تقاعد مبكر ، شكرا ،

والعرب في صلاة الفرض تشرب سقارة .


هاذي تبطل ، وهاذيك ماتبطله ،، لكن كلها حرام ، واصل المعنى ، صامل اتمنى لك مستقبل مشرق ،

إذن ابو مرزوق يجي ويصب علانا طاروق ، لكن اذا شاركنا نباها رباعية وانا معه واعذروني ياعيال عمي سعيد غالي .

[خالد سفر العتيبي]

الله يبقيك وسلمت ودمت ،

لجعل العسكري يعرف شروط الاداره..!

أهم شئ تطبقها على الجميع "العدل قامت عليه السموات والارض .

انت عارف اعدل واحد ابو سفر

[خالد سفر العتيبي]

صباح الخير ياعرب كل واحد باسمه

صباح النووووووووووووووور

[صامل العصيمي]

ماخبرنا رجال تبيع سهم الكرامه
النعم كيف يرضابه وضيع مساره


لا تغرك ضحوك الوقت يابو عمامه
الهقاوي تغير والليالي دواره


ما التفت للعلوم الفايتة والغشامة = العصيمي على المرقاب باني عمارة
كل شيءٍ تغيّر , والزمن في نظامه = والشقي راح يومه ثم فاته قطاره

[صامل العصيمي]

قصدك يفصل ولا تقصد تقاعد مبكر ، شكرا ،

والعرب في صلاة الفرض تشرب سقارة .


هاذي تبطل ، وهاذيك ماتبطله ،، لكن كلها حرام ، واصل المعنى ، صامل اتمنى لك مستقبل مشرق ،

إذن ابو مرزوق يجي ويصب علانا طاروق ، لكن اذا شاركنا نباها رباعية وانا معه واعذروني ياعيال عمي سعيد غالي .

أقصد بعد ماغلق الدور اللي هو فيه , ومايحضر شغله :)

المحاورة إذا شانت مالها قيمة , وأنا أعتبر مثل تلك المحاورات مرفوضة

إلا إذا وجد فيها الإحترام السائد

والفتل والنقض



الله يبارك فيك ويعطيك العافية

تحيتي ...



:)

[خالد سفر العتيبي]

ههههههههههههه


تلتفت للسواد وعيننا في الغمامه
مثل رغوة حليبن حط وسط الغضاره


كلهم ماسوو عندي ياكود النعامه
شهرنا يردع القوم المريده حجاره

[صامل العصيمي]

العصيمي ترى عالي مكان ومقامة = وأنت تكتب حروفك لين تصبح عبارة
ليت من ينطح الهزلة يُكَمل صيامه = قبل ماينتكس له يالعتيبي شعاره

صح لسانك وبيض الله وجهك ياخالد

والختام عندك إن شاء الله

تحيتي للجميع .



:)

[خالد سفر العتيبي]

هههههههههههههههههههههه


صح لسانك يالقرم والى لقاء ثاني


وجهك ابيض

[برقاء والسماء زرقاء]

صح السنتكم ،و دمتم بأفضل حال ، صامل صدقت المحاورات اللي مالها لزوم غير مرغوبة لكن الغيبة حرام على الصائم والمفطر ..ولا يابو سفر ياصاحب العدل ، وشكرا من القلب ياصامل وياخالد على المحاورة القصيرة الجميلة ،صامل مابرد كبده اشوفه منزل موضوع ثاني الله يهديك ياصامل على اسمك ، جعلني مااطيح في يدك .