صامل العصيمي ابيك على طرف

[خالد السويداني القحطاني]

سجل حضورك
لاهنت

[صامل العصيمي]

يالله حيه

متواجد يالغلا

[خالد السويداني القحطاني]

ياسلام الله على اهل المنتدى وحضوره=من ضميرً يرسل حروف الهجاء لـ/اللساني
بعد ماجينا نعس الديره الممــــــــــطوره=مالقيت اللي يبا يحمل تعب رعياني

[صامل العصيمي]

مرحبا ياخالد الشاعر بكل شعوره = من هجوس الشاعر اللي جودته ياباني
أنت مايعجبك غير الديرة المدهورة = وأنت رعيانك هزيلة عنز وألا ظاني

[خالد السويداني القحطاني]

البقى بالشاعر اللي ماخدم دستوره=ابتشلنا به هجوس اصلي وبه تيواني
خاطره يسحب كلامه لاوصل حنجوره=والخواطر ماتحب الظلــــــم والبهتاني

[صامل العصيمي]

كل واحد يمتدح في صنعته والعورة = والعرب تعرف وشنهو الماس والمرجاني
ابلشنا راعي الرعيان مع دكتوره = مشكلة من خالد اللي مذهبه نصراني

[خالد السويداني القحطاني]

ماحجب نور القمر غير الخسوف بدوره=يومك تحاول تحجب النور بالاغصاني
خابر أنّ الديره اللي جيتها معمــــــوره=مير هالحينه غدت فـ/انظارنا مرحاني

[سنجار المري]

صحت لاسنه متااابع بصمت

[صامل العصيمي]

ربِّ جاعل عورتك ياصاحبي مستورة = كل مانستر لها جانا عميلٍ ثاني
القناعة قدم عين الناس مثل الكورة = وأنت تلهث كل شيء ولا تشوف الباني

[صامل العصيمي]

صحت لاسنه متااابع بصمت

حياك الله تشرفنا متابعتك

[خالد السويداني القحطاني]

القمر غيب وهذا الليل شفنا نوره=والكتاب اغبى غبي يعرفه بالعنواني
كل ماجينا ندم الحفره المحــفوره=اقتفانا وبل غيمً يروي الضمياني

[خالد السويداني القحطاني]

صح بدنك ولاهنت

[خالد السويداني القحطاني]

صامل العصيمي صح لسانك والختام عندك
والدعوى مزوح
شاعر ولافيك حيله
لاهنت بيننا لقاء اخر بئذن الله

[صامل العصيمي]

القمر غيب وهذا الليل شفنا نوره=والكتاب اغبى غبي يعرفه بالعنواني
كل ماجينا ندم الحفره المحــفوره=اقتفانا وبل غيمً يروي الضمياني


كل مانشطب ياخالد في قبال الصورة = تقتفينا تحسب إن العلم طاب وزاني
بيرنا لا تقفله . زمزم ذكر في السورة = يروي الضامي بمارد عده الملياني

[صامل العصيمي]

خالد السويداني

صح بدنك ولسانك

تشرفت باللعب معك

ولنا لقاء قريب إن شاء الله

[مصعب العصيمي]

بعد ماجينا نعس الديره الممــــــــــطوره=مالقيت اللي يبا يحمل تعب رعياني


لله درك ياخالد ولا يهون صامل مبدعين

[خالد السويداني القحطاني]

لاهنت يامصعب
ولي الشرف ان تأتيني شهاده من شاعر
معجب فيه من اول مشاركه
لاهنت يالامير