ماجد العصيمي , اقرب !

[صامل العصيمي]

ياماجد ابن العم ليش أنته مايعجبك العجب = النخل لو مايشرب امن العد قلنا لك فنا
العام هذا يالعصيمي كل من انخيل الرطب = خل القناعة قدم عينك وأنت عايش بأرضنا

[عبدالله بن هملان الغامدي]

صــح لسانك يا صامل

وبأنتظار ماجد وصح لسانه مقدماً

[صامل العصيمي]

صح بدنك يالغلا

وصح بدنك

[ماجد العصيمي]

يا صامل ابن العم في عيني تراك اطلق شنب=لكن مالك فالقوافل لو تعدي من هنا
انته يبالك ترجماني في ميادين الادب=لو قلت انا وانا وانا قلنا يا صامل ودنا

[ماجد العصيمي]

صح بدنك يا بن هملان

[خالد سفر العتيبي]

صحيح عداك العيب ياماجد انا اشجعك وصح لسانكم يالنشاما

[صامل العصيمي]

يا صامل ابن العم في عيني تراك اطلق شنب=لكن مالك فالقوافل لو تعدي من هنا
انته يبالك ترجماني في ميادين الادب=لو قلت انا وانا وانا قلنا يا صامل ودنا

هههههههههههههههه

الله يسعدك يابن عمو

استلم :

:)


الأخ ماجد بأرضنا ليته خسر وألا كسب = القافلة بالبخششة جاية تبيع بسوقنا
أنته سريلانكي ولا تعرف لقاموس العرب = مار استرح ياصاحبي مالك بسيف ولا قنا

[محمد احمد الاصلع]

شعراء قمة في فنون المحاوره فتل ونقض

[صامل العصيمي]

الشاعر محمد الأصلع

مرورك شرف لنا

لاعدمناك يالغلا , تسلم

تحيتي .



:)

[ماجد العصيمي]

والله يا صامل مقدر اقرالك مايكتب فالكتب=تبا تبيح سدهم وانته تبيح سدنا
رديتها بكيسة كرز ياللي تدور للعنب=ولا سعد وطراد ياربي تخليهم لنا

[ماجد العصيمي]

سعد العصيمي وطراد العصيمي

[صامل العصيمي]

والله يا صامل مقدر اقرالك مايكتب فالكتب=تبا تبيح سدهم وانته تبيح سدنا
رديتها بكيسة كرز ياللي تدور للعنب=ولا سعد وطراد ياربي تخليهم لنا


شيئاً يشرفنا وعند المرجلة يبغا طلب = وأنته تشجع جودتك مار الشغل بأسفل دنا
هذاك حق العام ياعيال الغشش وأهل العتب = لابارك الله فالذي يبغى يجهّز سمنا

هههههههههههههه

:):):):)

[عثمان الثبيتي]

صحت السنتكم ومبروك ياصامل

[صامل العصيمي]

صحت السنتكم ومبروك ياصامل

صحت أبدانك يابعد حيي :)

والله يبارك فيك

كل عام وأنت بألف خير يالغلا

ومبارك عليك الشهر

لاعدمنا طلّتك

تسلم


تحيتي ...




:)

[ماجد العصيمي]

كلن يلد العين في قدره واذا عرف السبب=مافيه داعي للعجب . . شكراً . . وهذا ردنا



لاتعودها مره ثانيه





وبهذا ايه الحفل الكريم نسدل الستار على القاف


متمنين لكم قضاء اجمل الاوقات في منتدى عتيبه الهيلا

[صامل العصيمي]

:eek::eek::eek::eek::eek::eek::eek::eek::eek::eek:

وش اللي حصل , تراني ماعرف السالفة لهالين

[طراد العصيمي]

رديتها بكيسة كرز ياللي تدور للعنب=ولا سعد وطراد ياربي تخليهم لنا







الله الله

ويخليك لنا ياماجد بعد

وصح السانك وقلبك ولا عليك زود شعر ومرجله وحميا

ولا يهون صامل