يقلط الشاعر

[عبدالله بن ذيب الدوسري]

السلام عليكم ورحمة الله وبركاته
واعذروني الوقت متاخر لكن العطله تشفعلنا


المعاني توارد والبحر فيه دانه = يقلط الشاعر وينقد من اغلا رصيده
ماكثر الشعر والشعار فاخر زمانه = والليالي شواهد والثريا شهيده

[مشعل الشيباني.]

السلام عليكم ورحمة الله وبركاته
واعذروني الوقت متاخر لكن العطله تشفعلنا


المعاني توارد والبحر فيه دانه = يقلط الشاعر وينقد من اغلا رصيده
ماكثر الشعر والشعار فاخر زمانه = والليالي شواهد والثريا شهيده

مرحبا يابو ذيب

في محلك وبين اهلك


وصح لساانك جزله من راسٍ جزل

تقديري

[عبدالله بن ذيب الدوسري]

مرحبا يابو ذيب

في محلك وبين اهلك


وصح لساانك جزله من راسٍ جزل

تقديري

المرحب باقي يابن مشيب
وعزالله محلي
صح بدنك ومن جزالتك
تحياتي

[صامل العصيمي]

كل شاعر يجيب الدر نعرف حصانه = يلحق ويسبق أغلى الدر وأجمل فريدة
ليت ابن ذيب يرقى ثم يوضح بيانه = والمثل من حضر به بين نفسه يعيده

[عبدالله بن ذيب الدوسري]

كل شاعر يجيب الدر نعرف حصانه = يلحق ويسبق أغلى الدر وأجمل فريدة
ليت ابن ذيب يرقى ثم يوضح بيانه = والمثل من حضر به بين نفسه يعيده


حياك الله ياصامل العصيمي
وليه مارديت سلامي ؟
دامك عتيبي تمون



لي مع عتيبه الهيلا وقار وميانه = مانخون المعارف والقديمه جديده
المعاني ماتخفى والفطانه فطانه = وانت شاعر وقافك فيه الاريا السديده

[صامل العصيمي]

وعليكم السلام ورحمة الله وبركاته

الله يسلمك والله يالدوسري

آسف والله , فجل من لا يخطئ

دقايق يجيك الرد :)

[عبدالله الازوري]

حياك الله يالدوسري بسم عتيبه الهيلا جميع ويا مرحبا مليون

[عبدالله بن ذيب الدوسري]

وعليكم السلام ورحمة الله وبركاته

الله يسلمك والله يالدوسري

آسف والله , فجل من لا يخطئ

دقايق يجيك الرد :)



هلابك ومعذور
خذ راحتك انا مبطي من المحاورة
وجايني عليها اضرام
قاعدلك الى الصبح :)

[صامل العصيمي]

حياك الله ياصامل العصيمي
وليه مارديت سلامي ؟
دامك عتيبي تمون



لي مع عتيبه الهيلا وقار وميانه = مانخون المعارف والقديمه جديده
المعاني ماتخفى والفطانه فطانه = وانت شاعر وقافك فيه الاريا السديده


يادواسر تروكم مع عتيبة عوانة = والنعم بالدواسر ثم أكرر وأعيده
كل شاعر ياعبد الله وجاته مكانة = منزلي ياعميلي موب كلٍ يجيده

[صامل العصيمي]

هلابك ومعذور
خذ راحتك انا مبطي من المحاورة
وجايني عليها اضرام
قاعدلك الى الصبح :d

الله يسلمك والله :)

وطلع كل مافي صدرك الليلة

وتباك تتواجد دائم معنا

وأنت رجل وقلبك وسيع ولانستغني عنك

تحيتي

:)

[عبدالله بن ذيب الدوسري]

ياعتيبة نسبكم فيه عز ومكانه = نفتخر ياالعواني بالغلام الوليده
وانت صامل على اسمك ماتحب الليانه = مير علمك ياراعي العلم تخطي وتصيده

[صامل العصيمي]

ياعتيبة نسبكم فيه عز ومكانه = نفتخر ياالعواني بالغلام الوليده
وانت صامل على اسمك ماتحب الليانه = مير علمك ياراعي العلم تخطي وتصيده


أنتم أهل الدواسر مالكم بالخيانة = سيفكم في المعارك للرجال العنيدة
كل واحد على نهجه ونهج الديانة = كل نوزٍ نصيبه في رصاصه وحيدة

[مشعل الشيباني.]

صحت السنتكم على القاااف

الطيب

بس فكونا من المجاملات ههههههههه

متاااااابع

[عبدالله بن ذيب الدوسري]

صحت السنتكم على القاااف

الطيب

بس فكونا من المجاملات ههههههههه

متاااااابع

]صح بدنك يامشعل
ولايوجد مجاملات كفو بعتيبة والدواسر
والمعنى بيني وبين الشاعر
وانت تابع ويسعدنا المتابعه[/size]

[عبدالله بن ذيب الدوسري]

أنتم أهل الدواسر مالكم بالخيانة = سيفكم في المعارك للرجال العنيدة
كل واحد على نهجه ونهج الديانة = كل نوزٍ نصيبه في رصاصه وحيدة



ماخسرنا العتاد ولا خسرنا الرهانه = والسهر بان صبحه للعيون السهيده
دام حق المطالب عند كوفي عنانه = زان ليل العبيد وشان طرق القصيده

[صامل العصيمي]

أعرف إن الدواسر ماتعرف المهانة = قلتها بالنيابة عن قبيلة مجيدة
كل واحد ياعبد الله حصانه لسانه = مانحب الظليمة والعلوم البليدة

[صامل العصيمي]

مرحبا يامشعل

صح بدنك

[صامل العصيمي]

الشاعر عبد الله الدوسري

صح لسانك وبيض الله وجهك , شاعر جزل لاعدمناك

تشرفت باللعب معك ولنا لقاء قريب إن شا الله

وختامها عندك يالغالي

تسلم والله

تحيتي

[عبدالله بن ذيب الدوسري]

صيدنا في المنامه وانت تقنص عمانه = ماورى عمان غير جبال صنعا العتيده
ياعتيبه مقام الطيب حق وضمانه = كلنا نريد والله يفعل اللي يريده

[عبدالله بن ذيب الدوسري]

الشاعر عبد الله الدوسري

صح لسانك وبيض الله وجهك , شاعر جزل لاعدمناك

تشرفت باللعب معك ولنا لقاء قريب إن شا الله

وختامها عندك يالغالي

تسلم والله

تحيتي

الشاعر صامل العصيمي
صح بدنك وبيض الله وجهك ومن جزالتك
وتشرفت ايضا باللعب معك
والله انكم غالين عندي ياعتيبه
لك تحياتي

[عبدالله بن ذيب الدوسري]

حياك الله يالدوسري بسم عتيبه الهيلا جميع ويا مرحبا مليون

الله يبقيك ياعبدالله وتسلم يالقرم ولاهي غريبه على عتيبة الطيب