اقرب شاعر يتفضل...

[هشام الحليصي]

السلام عليكم

هذي اول مشاركه لي باالمنتدى اتمنى ان تقبلوني اخ لكم


سلام الله سلام فيه من حسن الطباع اطباع.......على الهيلا عتيبه والكلام الزين مجلوبي

نبي ناخذ ونعطي والبحر يشرع به المشــراع.......لو ان النوّ في عرض السما خايل ومصبوبي

[سعيد مرزوق العبد]

مالها الا ثامر القثامي

[خالد سفر العتيبي]

صح لسانكم مقدمن

[هشام الحليصي]

صح بدنك اخ خاااالد

لاهنت..

[ثامر القثامي]

هلا يا مرحبا ياللي تسلم والهوى ذعذاع = ينشط خاطر اللي من صدوف الوقت منكوبي


تهرج يالحليصي والعلوم يذيعها المذياع = وانا ماني سوات اللي لبس له ثوب مقلوبي

[هشام الحليصي]

يدوم الك البقا ياالشاعر اللي للوفا صنّاع......ومثلك دلته حول السنا تدرج ومن صوبي

انا رجل ابدوي من فوق ذودي للدير قطاع.....احسّب للمسافه والمسافه تقطع دروبي

[عزوز النفيعي]

الله الله

ومتااااااااااااااابعين لكم ,,, وحياك الله يا هشام

[هشام الحليصي]

الله يبقيك ياعزوز,,

منوّر الله يعطيك العافيه

[رشاش المقاطي]

صحت ألسن الشاعرين والله يقويكم
والصف صف ابن منصور ولاهان الحليصي

[مخلد منصورالثبيتي]

صحت الالسن والقلوب

[رباح دبيان البيضاني الحربي]

صحت السنتكم وبيض الله وجيهكم . واصلوا ونحن نتابع بكل اعجاب

[ثامر القثامي]

مثل شرواك والطيب مثل برق الحيا لماع = عسى ما يختلف ظني وظني فيك محسوبي

اشوفك في الدير دواج لا هايب ولا مرتاع = وش اللي معك ياللي في يديك كتاب مكتوبي

[ثامر القثامي]

حياالله الجميع


شرفتوانا كل باسمه

[هشام الحليصي]

نسيم البحر يجذبني وانا سد البحر طماع.......اناشد فيه قبطانه وانا باالحيل مرعوبي


صحون التمر مليانه وبطن الجاريه ماجاع......وحكمتنا تبرينا من اللي طاح مغلوبي

[ثامر القثامي]

توقع يالحليصى واعرف ان البحر ماله قاع = سبحنا قبلك البحر الغزير وجبت مطلوبي


يجيك مدداوي العله وتشفى باقي الاوجاع = عساها ما تخثرب يالحليصي كل مشروبي