يالشااااااعر ............اقلط [الأرشيف] - الهيـــــــــــــلا *** منتدى قبيلة عتيبة

مشاهدة النسخة كاملة : يالشااااااعر ............اقلط

ناصر بن عطالله

07-Jul-2005, 05:57 PM

الى اهل الطواريق هذا الطاروق دوووووون مواله,,,,,,,,

اللي يبي الملعبه يقرب على الساحه..
واللى حضرنا ترا بنزيد بجراحه...
يامرحبا بالقصيد وساعة الراحة...
والطير ماينفعة ياكود جنحانه...

الايداء1

07-Jul-2005, 06:37 PM

اللي يبا الملعبه يومي بمسباحــه....... والطيب اللي يهوش ويزهب أسلاحه
يابن عطاالله يبالك رحلة أسياحه.........والرجل قالو يصير ألسانه أحصانــه

مرزوق حمدان العتيبي

07-Jul-2005, 07:13 PM

...
ناصر
والايداء
شعراء مميزين...
واصلوااا وانا في صف الايداء مع كل الاحترام لناصر :)

ناصر بن عطالله

07-Jul-2005, 07:15 PM

الطيب للي علومه تسبق قدومه... ماهوب للي ينوح الحال ويلومه..
الحر يعرف وتعرف هدة البومه...والطير ماينفعه ياكود جنحانه....

فيصل المسعودي

07-Jul-2005, 07:39 PM

ابن عطاالله والايداء

تحياتي لكم ووااااااااااااااااااااااااصلواااااااا

ماجد الهذلي

07-Jul-2005, 09:47 PM

الإيداء وناصر بن عطا الله

محاوره بدايتها قويه

أنا في صفك يا الإيداء ;)

ولا يهون ناصر تسلمووون

راع الاخبار

07-Jul-2005, 10:06 PM

واصلو انافي صفك يناصر

ناصر بن عطالله

08-Jul-2005, 03:48 AM

ابطى علينا عريب الساس (( مدري به))...... الصاحب اللي ترك رده مع صحيبه...

ذالحين جتني علوم الشك والريبه..... والطير ماينفعه ياكــــــــــود جنحانه

ولد عوجان الجذع

08-Jul-2005, 04:03 AM

قدام يا ناصر والايداء
وأنا في صفك يا ناصر
من غير اقصور في المورقي

الايداء1

09-Jul-2005, 07:39 AM

الأخوان الأعزاء .
مرزوق العتيبي .
وماجد الهذلــي .
شكراً لكم على الأطراء وهذا من طيبكم لاعدمتكم .
الأخوان .
راع الأخبار .
ولد عوجان .
يسرني مشاركتم بآرائكم التي تشرح الصدر والله يعطيكم العافيه .

المورقي22

09-Jul-2005, 08:00 AM

الله الله يا ناصر والايداء

لعب رائع وشعار كبار والكبير الله

وانا في صف الايداء والا اقصور في ناصر

ولكم تقديري

الايداء1

09-Jul-2005, 08:41 AM

الأخ / ناصر. الطاروق أعلاه يستمر على القافيه التي بدأة بها وألأستمرار عليها حتى يعجز أحدنا عن ألأستمرار وإذاتغير القاف فسوف يكون سهلا للغايه آمل أن تستمر على القاف (( احـه)) حتى النهايه وألا صار الرد بدل الشعر ســــــــالفه . صحيح أن الطارق مع الموال يتغير لأن الموال لايتغير ولكن بدون الموال يجب أن يستمر بقافيه واحده فقط .
وأستلم.لأني يعلم الله أني كنت مشغول ولم أطلع على ردك ألا أثناء كتابتي لهذه الأبيات .

الذيب مايخاوي اللي يسمع أنباحه ................. ولا يقرب الذيب ولا يقرب أمراحه

والثور ياكثر مرواحه ومسـراحـــه .................... والرجل قالو يصير ألسانه أحصانه

ناصر بن عطالله

10-Jul-2005, 04:51 PM

(( والله مدري)) واثاري القوم مرتاحه...(( الميت اللي يبي ثـــــــــاره وذباحــــــه)))...

حق علينا نجيه ونكبح جمـــــــــــاحه... والطير ماينفعه يـــــاكــــــود جنحانـــــــــه....

ناصر بن عطالله

10-Jul-2005, 04:58 PM

الأخ / ناصر. الطاروق أعلاه يستمر على القافيه التي بدأة بها وألأستمرار عليها حتى يعجز أحدنا عن ألأستمرار وإذاتغير القاف فسوف يكون سهلا للغايه آمل أن تستمر على القاف (( احـه)) حتى النهايه وألا صار الرد بدل الشعر ســــــــالفه . صحيح أن الطارق مع الموال يتغير لأن الموال لايتغير ولكن بدون الموال يجب أن يستمر بقافيه واحده فقط .
وأستلم.لأني يعلم الله أني كنت مشغول ولم أطلع على ردك ألا أثناء كتابتي لهذه الأبيات .

الذيب مايخاوي اللي يسمع أنباحه ................. ولا يقرب الذيب ولا يقرب أمراحه
والثور ياكثر مرواحه ومسـراحـــه .................... والرجل قالو يصير ألسانه أحصانه

ازعجني جدا الكـــــــــــــــسر فالبيت الاول ....

من شاعر كبير مثلك يالايداء ...... نتمنى التمسك بالوزن عشان ماتصيـر
سالفه ........

بانتظــــــــــــار تعليقك........

الايداء1

11-Jul-2005, 12:43 AM

أثـَرك من قــوم فالميدان رمـّـاحــه ............ يحتاج لك بالخلا فرشـه وطراحـــــه
وليا بغيت العمل خرقه ومساحــــه............ والرجل قالو يصير السانه أحصانــه

الايداء1

11-Jul-2005, 01:06 AM

ازعجني جدا الكـــــــــــــــسر فالبيت الاول ....

من شاعر كبير مثلك يالايداء ...... نتمنى التمسك بالوزن عشان ماتصيـر
سالفه ........

بانتظــــــــــــار تعليقك........

أخي البيت ليست مكسور . يمكن قرائتك هي التي تحتاج الى إعادة نظر .
نفسح المجال لتعليق الشعراء .
تحيــــــــــاتي .

ناصر بن عطالله

11-Jul-2005, 07:55 AM

اشوف قلبك جيوش الذل تجتاحه.... مايستوي صاحب الديرة و ((فلاحه ))

الرجل فعله يبان بعجة الساحة... والطير ماينفعه ياكــــــــــود جنحــــــــانه

الايداء1

11-Jul-2005, 08:08 PM

ناصر بن عطالله

11-Jul-2005, 10:21 PM

:) تستاهل ......

حبكتها ولكن للتأكييييييييييييييييييييييييييييييييييييييييد....

تحتاجلك في بحور الشعر طــــــفاحة....وابشلني غيرك ((( جنوب اسمع تلحا حه)))..

عارف قفوله وضاع اليوم مفتاحــــــه... والطير ماينفعه ياكــــــــــــــــــــــــودج جنحانه...

ناصر بن عطالله

11-Jul-2005, 10:25 PM

وانا هــــــــنا اطلب شعــــــــــار المنتدى لتوضيح كسرك في بيووووووووووووووتك السابقه.....

:) :) :) :)

صحيح محنا في مبارزة واخــــــــــــــــــــــــــــــوان لكن يهمنا الراي الاخر.....

ولكن فـــــــــــــــعلا شرف كبير لي اني العب معك يالايداااااء...

واعتبرني تلميــــــــــــــــــــــــــــــــــذك.......

نـــــــــــــــــــــاصر بن عطـــــــــــــــالله.................

الايداء1

12-Jul-2005, 01:17 AM

العفو ياأخـــــــــــــوي ناصر أنت أستاذ وشعرك مميز أعجبني مرادك في منتدى مطـــــــــــير إذا هناك أختلاف وجهات نظر فليس ذلك دليل عدم تقبلي أو تقبلك لها لأن الطاروق حسب مايغنيه صاحبه ويحصل فيه أختلاف على العموم أنت أخ وعزيز وغالي الله لايهينك.
وأســـــــــــــــــــتلم الرد.
أن كان حضك قعد يا قرب مسداحـه.................. وليا أنسدح قلت لك وياه بقراحــــــــه
مادام هذي علومك حصلت الطاحـــه ................ والرجـــل قالــو يصيــر السـانه أحصـــانه

ناصر بن عطالله

12-Jul-2005, 04:20 AM

معروف ذيب الشعر لا جاه(( تمساحه)).. ياصاحبي من قبيله؟؟ وين نطاحه؟؟

لا لا يغرك سراب ٍ تحسبه واحـــــــــه.... والطير ماينفعه ياكــــــــــود جنحانه....

الايداء1

13-Jul-2005, 03:12 AM

أســــــــــــــــــــــتلم
أن كان جاك الولد مايسمع أصياحـه................. بالليــــل ولا نـهار الشمس منباحـه
ودك أطشه من أكبر ضلع فالباحــــه..................والرجل قالو يصير ألسانه أحصانه

الايداء1

13-Jul-2005, 03:22 AM

أخوي ناصر حاولت أفهم معنى هذا البيت وأزريت ممكن تشرحلي معناه
تحياتـــــــــــــــي

....وابشلني غيرك ((( جنوب اسمع تلحا حه)))..

ناصر بن عطالله

13-Jul-2005, 07:35 AM

العود الازرق يشب وزين فواحه... يالاجودي والقصايد فيك مداحه..
والحيل حقك (( وغيرك جته تفاحه)) .. والطير ماينفعه ياكـــــود جنحانه...

ناصر بن عطالله

13-Jul-2005, 07:40 AM

أخوي ناصر حاولت أفهم معنى هذا البيت وأزريت ممكن تشرحلي معناه
تحياتـــــــــــــــي

....وابشلني غيرك ((( جنوب اسمع تلحا حه)))..

غيرك ازعجني بكثر ما يلح علي..........

ههههههههههههههههههههههههه...

افهم يافهيييييييييييييييييييييييييييييييييييييييييييييي ييييييييييييم....

الايدااااااااااااااااااء ...
فعلا تشرفت بالعلب مع شاعر كبير مثلك (( لا تستانس كلها اسبوع بالكثير

وجاااايك)) :) :) :) :) :)

انا مسافر اليوووووم انشالله والــــوعد قـــــدام...

نتواجـــــــــــه عــــــلى خــــــــــــــــــــــــير

اخـــــــــــــــــــــــوك:

نـــــــــــــــــــــــــــــــــــــــــــــــــ اصر بن عطـــالله

الايداء1

13-Jul-2005, 08:57 AM

أخي العزيز ناصر.
كم أسعدني اللعب معك وهذا شرف لي يالحبيب الله يستر عليك تروح وترجع بالسلامه

تحيــــــــــــــــــــــــــــــاتي